深圳彩田萬佳店 20/8/2023 12:30

今日黎崗廈北一日遊，玩完波波就係附近食Pizza。附近係住宅區，無大型商場，所以都係一般小店，揀左呢個連鎖Pizza店評語不錯，即管試試。主打外賣，但店面都有幾張卡位可以堂食，尚算舒適。係大眾點評搶到超多優惠券仲非常抵食。

奧爾良烤雞比薩 19.9元﹕新鮮出爐熱辣辣，舖面芝士同配料，餅皮鬆化，意想不到好食。

2人必買爆款小吃2份 9.9元、單人專享下午茶 (包一份小食及汽水一罐) 7.9元、加入成為會員再送小食一份

點左唔同款或既小食，薯條、黑胡椒炸雞塊、深海鱈魚條等，都係新鮮熱辣。最好食係炸雞塊，香味十足，外脆內軟仲好Juicy。

最後再扣幾張點評優惠券，全餐只需要大約40元，一家四口食得飽飽。