深圳中航城君尚 22/9/2024 17:00

深圳中航城君尚 21/4/2024 18:00

知道呢一間包餅店好耐，終於試一試，價錢平過大品牌好多，但係質素相當唔錯，值得encore 。

豆乳蛋撻 9.8元x2: 賣相不錯，酥皮本身都幾酥脆，不過可能放耐咗有少少腍，中間嘅豆乳布甸豆味香濃，非常幼滑。

提子Q心麻糬 15.8元：一大袋份量都唔少，每粒波圓轆轆非常飽滿，口感煙韌，中間嘅提子乾俾得多，質素唔錯。

肉鬆小貝 18.8元：一盒有六個，相當抵食，賣相不錯，肉鬆海苔份量唔少，中間嘅蛋糕好鬆軟，醬汁非常多，爆晒出嚟，質素相當高。