Dairy Queen@深圳
9/4/201215:45

Dairy Queen，憑住一杯可以反轉再反轉嘅軟雪糕馳名。呢個N十年美國老字號品牌咁出名，香港竟然仲未有，只好去深圳時順便試埋。呢間分店位於少年宮書城樓下，相當方便。

焦糖布蕾暴風雪 (RMB $25)
「倒杯如灑，此杯免費」係此名嘅質素保證。標榜新鮮即製，空氣含量極低，雪糕整好之後，店員會喺你面前表現雪糕反轉再反轉，維持最少三秒，以證明雪糕仍然處於凝固狀態。軟雪糕同其他配料用機器高速攪勻，確保每一啖嘅味道都係一樣。其製作方法亦深得老麥明模仿暗抄襲，成為今日嘅麥旋風。

正牌嘅旋風軟雪糕質感更加幼滑杰身，黏性更高，比一般軟雪糕結實，但比固體雪糕幼滑軟腍。入口係勁濃郁嘅奶味，香味十足。此杯係焦糖布蕾，間中有粒粒脆脆嘅焦糖碎，軟中帶脆，口感非常豐富。不過唔知係唔係來佬野嘅原故，味道偏甜，焦糖食得多仲有少許涸喉感，不過姚生就好受落。

一杯軟雪糕要成三十蚊港幣，睇落真係好貴。如果硬要同7仔兩蚊半一個筒黎比，一定無得比，咁人地哈根大師都要三十幾蚊一個球，又點計? DQ以品牌同兼覓取勝，淨係脂肪含量勁低已經開心萬倍，而雪糕質地又好十倍，味道又加啲分，其實三十蚊咁大杯(拍得住7仔自由斟個杯)，的確OK，可以接受，更何況佢唔只係大師咁簡單，更係皇后。