貝爾特酒廊＠屯門
12/8/2018 12:00
趁生日去食自助餐，今次揀左呢個新開無耐嘅型格酒店，有半自助餐食。
位置西鐵站不遠處，但遇上落雨，推著BB車有啲狼狽。精品酒店餐廳唔算大，但座位闊落，非常舒適自在。
週末自助早午餐。
一邊係自助檯，以半自助餐黎講都算唔錯，有芝士、煙三文魚、風乾火腿。
麵包、沙律吧連兩款凍海鮮。
三款粟米片可自行配鮮牛奶，另有燒味、pizza。
熱盆炒小菜、粉麵飯等飽肚野。
仲有少許中式蒸點心同餐湯。
主菜揀左一份烤羊架配淡咖哩汁，味道正常。
另一個主菜叫左個燒豬柳配蘋果蓉，賣相唔係太得，好普通。
又到甜品時間，選擇算多，有水果，仲有蛋糕、杯子甜點等。
價錢唔貴，雪糕就只有最普通嘅雀巢牌。但甜品味道都正常嘅。
來到咁偏遠嘅地區，唔會要求自助餐有幾咁好食，＄258位，唔知有幾多折。正正常常，普普通通，志在hea一個中午慢歎午餐。
0 Comments