by admin | 6 月 20, 2018 | 2018東京家庭樂, 旅遊, 日本, 東京
下站就係去Divercity醫肚。呢個商場幾大，仲有一個評價唔錯嘅美食廣場，全部都係出名嘅食肆。
日本橋 天丼 金子半之助 江戶前天丼¥1296、天丼¥972
呢間係東京出名嘅天婦羅名店。份量非常澎湃，賣相極討好，多樣材料，江戶前天丼仲加埋鰻魚，食落唔油膩，唔算太熱氣，不錯。加¥108可以要埋汽水。
六厘舍久臨沾麵 味蛋沾麵 ¥730
湯底夠濃，仲好夠熱。麵粗身夠煙韌，認真不錯。味蛋溏心度不錯。價錢相當相宜嘅名店。
博多長濱拉麵 田中商店 博多拉麵 ¥920
湯底豬骨味濃，非常幼滑忌廉味。拉麵本身幾滑，配料充足，相當不錯。
はなまるうどん 豆皮烏冬 ¥400
烏冬幼滑味甜。
竟然傻傻地叫左六樣野，好彩總算清到九成，無浪費。
岩岩食完三點正，美食廣場門口就係GUNDOM，今期Unicon 有表演，噴煙閃燈。
飯後甜品食左一杯nana’s green tea 抹茶雪糕¥380，抹茶味幾香濃，奶味足好幼滑。
by admin | 6 月 20, 2018 | 2018東京家庭樂, 旅遊, 日本, 東京
台場其實好大，海鷗線沿線每個車站都有景點。就知道今日會落雨，所以特登呢日先黎台場，可以商場接商場，都唔會太辛苦。就因為落雨，所以決定取消參觀船科學館，十一點黎到青海站，一出門站就見到Venus fort，旁邊就係Mega Web入口。
Mega Web有好多車睇，有劃時代嘅科技車、有跑車、普通房車。男士就好識欣賞，免費入場一睇無妨。
十二點半行番出商場時，唔覺意發現BB百貨天堂西松屋，即刻入去掃貨。買左零食飲品，必買游泳用品泳衣水泡全部入手，總共消費¥4940。
臨走時搵到Toyota History Garage，感受「汽車歷史」的展區。展示左豐田在世界上首輛汽車、修車工房，成個展區都係懷舊街，影相不錯。
行到一點半左右轉場，之後就搭台場彩虹巴士，免費行勻成個台場，非常正。
by admin | 6 月 20, 2018 | 2018東京家庭樂, 旅遊, 日本, 東京
黎到第四日行程，今日hea遊台場，所以可以去遠少少食早餐試下其他野。台場一日遊主要交通工具係百合海鷗線，由酒店行上百合百合海鷗線真係零距離，出左大門口上電梯就見到入口。
首先入手百合海鷗線一日券¥820，一日搭到三程已經回本。既然已入口車票，第一站就去新橋食早餐。今日嘅早餐可算好即興，就係新橋車站附近搵食，一出早站就見到好多立食烏冬店。行遠少少黎到Ginza 9有一間Mister Donut。
九點半黎到店舖剛開門，小店細細間總算大把位任坐。有冬甩、有熱狗早餐，各叫幾樣黎試下。
任選一個圈型冬甩ポン・デ・リング，加一青森縣產100%富士蘋果汁(¥308)，冬甩入口煙煙韌韌幾得意，面層有少少糖醬脆脆地。另外加左士多啤梨味ポン・デ・ストロベリー (¥129)，カスタードクリーム (¥129)。蘋果汁真係好蘋果，不錯。
熱狗連果汁¥588。叫左兩隻芝士熱狗，真係新鮮即整熱辣辣，麵包係酥酥地，腸仔超長，外皮脆內面多汁，芝士亦勁多，非常好味。反而熱狗比冬甩更加突出。另外叫左一隻肉醬芝士熱狗，有多啲番茄醬帶少少辣，更加惹味。臨走老豆想試埋ココナツチョコレート(¥129)，就係無乜特別好普通。
食飽飽就去番車站，向台場出發。經過汐留仲見到宮崎駿大鐘。
by admin | 6 月 19, 2018 | 2018東京家庭樂, 旅遊, 日本, 東京
20:15 巡遊完左返去夢幻樂園，橫掂未夠鐘可以玩下白雪公主冒險旅程。呢個係人稱唔抵玩嘅設施，見排隊5分鐘可以參觀一下。都係坐車仔睇故事，如其他人所講，係恐怖白雪公主，佢遇上咩恐怖女巫，音效環境一啲都唔童話，仲恐怖過幽靈公館，時間又短，真係唔值得特登排隊。
20:25 黎到公主城堡前，點知聽到令人失望嘅廣播，真係今日煙花暫停。點解呀，明明今日咁好天，真係百思不得其解。可算係本日最失望之處。
20:30 最後一站去埋仙履奇緣童話大廳參觀。搭Lift上去，室內佈置係仙履奇緣皇宮，有立體圖、場景模型等，中間仲有玻璃鞋同皇座，行一個圈好快睇完。
完成一日迪士尼之旅，玩得非常盡興，排隊絕對係可接受時間，睇足三場巡遊，只係無得睇煙花比較失望，如果唔係真係十年唔洗再黎。
22:30 返到汐留，喺附近嘅7-11掃貨，買宵夜，中華冷麵都唔錯，仲買左啲綠茶慕絲同雪條。
by admin | 6 月 19, 2018 | 2018東京家庭樂, 旅遊, 日本, 東京
19:15 食飽飽最後衝刺係夜間巡遊前玩埋小熊維尼獵蜜記，拎到FP，又可以跳過長長人龍，慳番40分鐘排隊時間。今次可以五人一車，坐住蜜糖罐睇故事，仲不停轉圈，最深刻印象就係中央有個大大舞池，場景好大好靚，十架車一齊轉，實在好熱鬧，記得呢部份香港係無嘅，所以明顯東京呢個好玩好多。
19:30 開始東京迪士尼樂園電子大遊行～夢之光。因為玩完遊行已經開始，所以沿路行睇下邊度有位可以停低，咁岩喺夢幻樂園搵到一個十字路口可以係旁邊睇得相當清楚。
出場序﹕
仙女&士兵→米奇米妮火車→愛麗絲夢遊仙境與貓咪
→花仙子→飛龍→小飛俠海盜船→反斗奇兵
→燈神→阿拉丁→長髮公主→白雪公主馬車→公主舞台
→美女與野獸→冰雪奇緣→三隻小豬→小木偶→小貓布魯托
by admin | 6 月 19, 2018 | 2018東京家庭樂, 旅遊, 日本, 東京
18:30 係時候晚餐，夜晚可以食豪少少，就去紅心女王宴會大廳。門口已經好吸晴，餐廳內裝修更加靚。
修裝都好靚，處處影相位。
先去排隊買野食，再自行搵位。呢度賣點係食物賣相一流，而且味道好，的確，睇到菜單實在吸引。
メカジキのグリル、トマトケイパーソース 烤箭魚配番茄醬 ¥1110
魚肉有少許實，但番茄醬非常惹味。
シーフードフライ、タルタルソース ¥1210、白飯¥210
有炸蝦、白身魚、帆立貝忌廉薯餅，每樣都好新鮮，香脆但一啲都唔油膩。
フランクステーキ、和風ソース 燒牛扒配和風醬汁 ¥1450
燒牛扒即切，粉粉紅紅熟成度不錯，食落都好腍，幾有牛味。配上日式燒汁味道都唔錯。
チーズハンバーグ、デミグラス＆ラズベリーソース 芝士漢堡配紅桑子醬 ¥1380
漢堡非常軟腍有肉汁，味道不錯，本身有洋蔥番茄醬酸酸甜甜已經不錯，再加紅桑子醬果味更加突出。
お子様セット ¥920賣相得意，有番茄炒飯、迷你漢堡、白汁粟米，薯蓉，仲跟埋果汁同啫喱。味道好，小朋友非常開心。
埋單總共¥6280，環境一流，賣相一流，味道好味，係份量少左啲，但主題樂園有咁嘅性價比已經係超班。
