唐記包點
唐記包點＠馬鞍山
4/9/2020 13:00
16/6/2019 19:00
今日出街玩得太夜，但九龍實在太難搵食，決定趕搭車黎屋企先，再買外賣快快搞掂晚餐。好彩馬鐵站間唐記仲未關門，就咁決定。
排骨飯 $26
叫左一個排骨飯，都幾多餸，味道唔錯的。
豬軟骨飯 $29
本身想試其他飯款，可能太夜來，好多飯已經賣晒，阿姐建議可以試下豬軟骨飯。真係新奇，除左傳統蒸飯之外，原來仲賣埋客飯。飯同餸分開上，飯係超級大大碗，加大大舊豬軟骨，非常入味，軟骨煮到腍晒，醬汁甜甜地又夠多，撈飯一流。
燒賣 $18
另外，再買左一份燒賣多加餸。咁多款點心最鍾意燒賣，啖啖肉。
最後，仲買埋全店最後一個砵仔糕，非常多紅豆，味道少甜，煙煙韌韌，不錯喎。
菜肉包 $7.5
可能真係準備關門，熱包都賣得差不多，惟有買兩個凍菜肉包，返到屋企蒸10分鐘度就食得。都最鍾意呢檔嘅包，大大個，餡又多，抵食。
