2＋2 Cafe
2＋2 Cafe＠沙田
27/12/2021 12:00
結婚周年紀念一家大細食自助餐。BB仲細，近近地沙田帝都食個入門級自助餐。
凍盤有幾款刺身，拎左三文魚同吞拿魚，都幾鮮甜。仲有幾樣凍小食。芝麻凍豆腐幾滑，幾好味。行入少少就有一個細細嘅生蠔檔，即開，都算幾鮮甜。呢個價位有生蠔算係咁了。
熱盤揀左燒牛肉，仲有咖哩配薄餅，仲有幾款飽肚嘅熱食。串燒雞幾滑唔錯。
最後甜品都好多選擇。一個大大凍櫃，有好多奶凍、啫喱類甜品。最愛係抹茶奶凍。另外仲有好多蛋糕，cupcake。仲有幾款雪糕選擇。
呢度餐廳細細，座位較近，但食物選擇都應有盡有，價錢合理。
Baby Friendly，有大大張high chair，小朋友餐紙係圖畫紙，又有兒童餐具。
