元祖和風食堂虎藏
沙田禾輋
13/8/2023 12:00
南蠻雞扒拉麵定食配日式叉燒飯 $86
份量相當多，南蠻雞扒超大塊，炸得好香脆，他他醬汁酸酸甜甜俾得足夠。拉麵係豚骨湯底，湯米幾清甜，唔算十分濃郁，上面塊叉燒味道不錯，幾滑。加配迷你日式叉燒飯份量都唔少，味道還可以。
和風鮮魚味醬油沾麵 $75
沾麵非常正宗，麵條係粗身麵，沾湯係鰹魚豚骨湯，唔算得上非常濃郁，但係尚算唔錯。特別欣賞糖心蛋非常入味。
Momo Cafe @沙田萬怡酒店
11/8/2023 12:00
自助餐有新鮮生蠔，雖然唔係好大隻，但勝在非常鮮甜。刺身選擇多，非常之新鮮。仲有日式冷麵可以自加醬汁。
每位客人都送上一隻忌廉芝士焗帶子。芝士味幾香，但只真係好大隻，都幾鮮甜。
熱盆選擇都好多，最角落頭嘅燒烤最吸引，烤肉同埋腸仔味道不錯。仲有即煮沙田雞粥同埋意粉。
甜品款式多，有豆腐花、各色奶凍、各色西餅蛋糕
麵包布甸、雞蛋仔夾餅等，好多都係香港傳統小食。當中最好味就係豆腐花，亂粒粒，非常滑，自行加上薑糖水同埋黃糖，連續食咗幾碗。
雪糕當年係Haagen daze 已經upgrade左做Movenpick。
生日仲送上小蛋糕，開心。
餐廳唔算好大，但係座位都算闊落。
滿滿初牛。燒肉。丼飯
深圳笋崗寶能環球匯 9/8/2023 17:30
選擇呢間店純粹見套餐有特別優惠，地點方便。5點半入場，被安排坐入一大廳一間房，自成一角，非常體貼帶孩童出遊的一家。
是次點餐為雙人餐 點評VIP價 168
前菜有花生、沙拉、材料豐富好味的羅宋湯、清甜火龍果，以上無限任添滿滿誠意。
炸物有紫蘇蝦球香脆可口，牛肉丼飯亦送上大大片軟腍牛肉。
三款醬料隨意添加，有酸酸的，有辣椒粉和燒汁醬油。燒肉先來包松阪豬、雪花肥牛，入口軟滑調味不錯。雞肉配上即場燒溶的芝士，味道更有層次。主角係狠長的安格斯牛肋條，出場已氣派十足，燒烤後外皮帶點焦脆，肉質相當軟滑，牛味十足。
最後甜品有可頌輕輕燒過，加上雪糕，冰火口感，味道不錯。即場打卡送奶凍當然唔放過，味道香甜，這個卡是值得打的。
食物質素高、服務殷勤、有專屬服務員為你燒烤、環境寬敞空間感一流、而且baby friendly，呢個價錢絕對物超所值。若以一般優惠價268仍相當值得一試。
樂悠格LEYOGURT·鮮釀酸奶
深圳筍笋崗萬象食家 9/8/2023 13:00
時興炒酸奶，但香港少見。今日去萬象食家，剛搜尋搶到團購券，一份元氣厚切酸奶（十件口味任揀）只需12.8。
小店就係地鐵站一出，店面雪櫃放左唔同口味既炒酸奶，色彩繽紛，相當吸引。
揀左幾款人氣口味，酸奶凍冰冰，入口奶味香濃。搖滾椰子灰加入粒粒椰絲，草莓厚芝士味香濃仲有草莓果肉，葡萄冰提粉紅色好吸睛。仲試左。榛巧莫卡、黑糖珍珠脆脆、薄荷少女心，各具特色，本身味道突出再添上酸奶的微酸，清爽的甜品。打卡送200克草莓酸奶，質地厚滑，味道濃，實在太飽肚。
哲平鰻滿 活烤鰻魚專門店
深圳笋崗萬象食家 9/8/2023 11:30
哲平鰻滿係新加坡連續四年米其林必比登推介餐廳。主打活鳗炭烤，鰻魚愛好者不能錯過。
新品鰻魚卷雙人餐 點評VIP價 128
名古屋鰻魚飯三吃：雖然係少份，但鰻魚都相當多。入口外皮脆脆，肉軟身，味道不錯，可惜魚骨略多。加上茶湯泡飯，口味清淡不錯。
蒲燒鰻魚卷：鰻魚夾餅皮，再按個人喜好加上醬料、青瓜、青蔥，創意料理！
雙人餐仲包括前菜、飲品、甜品。個價錢性價比高，值得一試。
茶寮 京都仁王門
荃灣海之戀 6/8/2023 12:00
唐揚炸雞咖喱蛋包飯份量都唔少，咖喱係日式咖喱味道大甜，適合小朋友，幾件炸雞啖啖肉，蛋皮煮的幾薄身。
日式滑蛋豬扒飯，豬扒係來貨質素，滑蛋又唔夠滑，比較乾身，醬汁略嫌有啲不足。
芝士醬薯條，薯條新鮮即炸，係粗生薯條，芝士醬味道幾濃郁。
草莓班戟賣相非常之吸引，疏乎厘班戟高度非常之足夠，入口鬆軟濕潤，順便仲有兩粒大大粒嘅士多啤梨。配料仲有紅豆白玉，可惜紅豆略嫌煮得未夠腍。
抹茶奶昔賣相吸引，上面鋪滿紅豆，仲有煙煙韌韌嘅綠茶缺餅，本身奶昔味道比較淡口。
白桃奶昔其實係類似沙冰嘅飲品，味道清甜，有淡淡的白桃味。
