自家製心太軟 $42
心太軟整得幾出色，蛋糕殼結實成型，切開中間，朱古力漿直頭爆出黎，好澎湃。甜魔認為甜度適中，非常不錯。加配紅豆冰，紅豆大大粒，又夠甜。
 

呢個下午茶相當甜蜜，甜魔食得好滿足。而且服務態度好好，我地一家大細，小B喺BB車訓緊覺，經理二話不說就安排一個四人卡位俾我地，仲有大大個位俾我地放BB車，非常闊落舒適，搞到我地都有啲唔好意思。餐廳仲有一個細細嘅遊樂角，有些少圖書、玩具俾小朋玩，可算係一間對小朋友非常親切嘅餐廳，可惜BB訓左，有機會一定再黎。