外賣@深圳后海匯 21/7/2024 18:00

完全破記錄，竟然同一個品牌食三次。

今次加咗牛肉餅，外皮係酥皮，中間免治牛肉輕微辣味，不錯。感覺上呢間分店酸菜魚湯底輕手少少，冇咁辣。

---

外賣@深圳深業上城 26/5/2024 18:00

太好味，話咁快兩星期後又encore。

金蒜原味酸菜鱸魚 62元：蒜味十足依然好食。

藤椒金湯酸菜黑魚 48元：湯底酸辣，上面加咗好多花椒。感覺上比老壇酸菜魚冇咁辣，但係更加麻。

芽菜肉末炒飯 29元：炒飯非常香，坐得夠乾身，唔油膩，有啲菜同肉碎，上邊舖滿脆卜卜炸鬆，非常好食。

---

外賣@深圳卓悅中心 15/5/2024 17:30

晚餐選擇卓悅中心買酸菜魚，直接買漁語魚外賣自取，大約等左半個鐘。打包非常安心，保溫袋真係超保溫，返到屋企成兩個鐘仲係熱。每碗魚用厚錫紙碗包好，入口仲相當熱。

老壇酸菜黑魚單人套餐 46元

一打開碗就聞到酸辣味道，湯底用上好多酸菜、辣椒、花椒等。魚肉都相當多，吸收晒辣味，仲有好多豆芽、金菇。辣味麻味後勁十足，配飯都實在太刺激。

金蒜原味酸菜鱸魚單人套餐 62元

呢款係原味不辣版，但係湯底有好多好多蒜泥，香味十足，個人更加喜歡呢個味道。鱸魚明顯矜貴啲，味道鮮甜。

終於有機會試專門店嘅酸菜魚，個人黎講抵受不住太辣，反而更愛金蒜味。下次再試第二個品牌。