蒙麵@紅磡
25/9/2011 13:30
多得頭條本搵食指南，知道紅磡咁多好野食，今次去食下平、靚、正嘅車仔麵。
豉汁鳳爪、泰式魚餅、五香牛根出前一丁配沙嗲汁 ($26)
豉汁鳳爪即係平時酒樓食到嘅鳳爪，都唔錯嘅，幾夠入味。而泰式魚餅都真係泰式風味，有好香嘅咖哩膏、香茅味。而牛根都燘得好腍、好入味，入口即溶。加四蚊配出前一丁，仲免費加埋個沙嗲汁，一個非常Match嘅配搭。
蕃茄薯仔湯鹵水大腸、柱侯牛腩米線 ($24)
好少車仔麵檔有豬大腸提供，可能因為處理需時、又麻煩，但呢間蒙麵嘅豬大腸係出晒名嘅。
薄薄一圈豬大腸無太多肥膏，非常香鹵水味而且爽口，認真唔錯。而牛腩就不過不失，應有嘅入味，應有嘅口感。最特別之處，莫過於獨家嘅湯底，只需加四蚊，就可以試到充滿住家風味、原汁原味、酸甜醒胃又濃郁嘅蕃茄薯仔湯。蕃茄薯仔湯送埋幾大舊薯仔，唔好以為係湯渣就唔食，薯仔又腍又粉、充滿蕃茄味，係絕對食得落口，變相多個配菜!
薄薄一圈豬大腸無太多肥膏，非常香鹵水味而且爽口，認真唔錯。而牛腩就不過不失，應有嘅入味，應有嘅口感。最特別之處，莫過於獨家嘅湯底，只需加四蚊，就可以試到充滿住家風味、原汁原味、酸甜醒胃又濃郁嘅蕃茄薯仔湯。蕃茄薯仔湯送埋幾大舊薯仔，唔好以為係湯渣就唔食，薯仔又腍又粉、充滿蕃茄味，係絕對食得落口，變相多個配菜!
叉燒串 ($9)
叉燒串亦係小店馳名小食，必定即叫即燒，新鮮熱辣。聽聞選用梅頭豬肉，肥瘦適中，非常爽口。沾上濃甜叉燒醬同麥芽糖以炭火燒烤，極有BBQ風味。微微烤焦嘅外層，更突出炭燒嘅味道，非常好味嘅串燒。
一個兩餸麵只需$20，三餸都不過$22，價錢非常大眾化。編按﹕今次無團購啊~
而車仔麵呢個設計其實係非常無敵嘅，因為只要餸菜選擇多，食客可以隨心所欲，鍾意邊樣揀果樣，每款餸菜都必定係心頭好，合成一碗賣飛佛麵，一定好滿足。但咁耐以黎，好多車仔麵俾我嘅感覺係，餸頭菜尾求其是但俾啲你，雖然餸菜可以自由選擇，但結晶品未必一定好食。
今次黎到蒙麵，係一個新嘅車仔麵體會，感覺上材料並唔係一般嘅餸頭菜尾，每款材料都用心製作，而蕃茄薯仔湯底更加係俾足一百分心機，食客自然一百分滿足。
0 Comments