倉吉拉麵
倉吉拉麵@尖沙咀
3/2/2013 18:30
二人餐團購價$88，兩拉麵加兩汽水
豚神拉麵
和牛神拉麵
鳥華
鳥華@尖沙咀
22/1/2013 19:00
雞白湯拉麵定食 ($94)
迷你免治雞粒飯，醬油味香甜，雞粒加蛋配搭唔錯。
湯頭果然雞味十足，湯頭算幾杰身，頗重骨膠原。味道香濃，似燉雞湯濃縮精華版， 鮮甜清潤，而且唔太油膩，亦唔口渴，整整一碗值得飲清光。, 麵條卷曲粗身狀，尚算彈牙，略嫌較為腍身，不過掛湯力不錯，啖啖雞味。雞肉叉燒反而無乜特別，基本上係燒雞肉切片，肉質都可以。配料有白蔥同唔知咩豆，略為少。
鳥華特製和風担担麵 ($73)
湯頭充滿海味，好似有蝦、魚嘅味道加少許辣味，算幾惹味。材籵有少量肉碎，半隻OK流心嘅蛋，麻麻地。
白雞湯的確非常OK，不過份量少，價錢略貴。
萬豚屋
萬豚屋
1/1/2013 12:30
二零一三年第一餐，當然要食好啲。選擇尖沙咀一間列入waiting list良久嘅萬豚屋。萬豚屋開業多年，好多人都唔介意排隊一試名物豚肉，連頭條搵食指南都有介紹，一直都好想試，今日終於的起心肝排隊。竟然一月一日嘅中午唔洗排隊，早起的鳥兒唔洗排隊。
石燒上級豚肉手打烏冬 (大骨濃湯) $62
用石鍋盛載熱辣辣，湯底仲翻滾著熱氣泡，睇見都興奮。豬骨湯底烏冬，加上四大塊厚切豚肉，仲有一隻蛋同菜苗。豬骨湯呈奶白色，味道略為清淡，但感覺到豬肉嘅鮮甜味，而且非常幼滑，膠質豐富，只係略嫌油份較多。烏冬白白滑滑，彈牙爽口，亦有好甜麵粉味，不錯。名物豚肉實在澎湃，四大塊肥瘦相間嘅五花腩盡現眼前，份量十足。肥肉入口腍滑軟嫩，唔洗多加咀嚼，簡直入口即溶。瘦肉爽口香甜，肉味濃郁。烏冬仲配上一隻生蛋，靠石鍋嘅熱力，生蛋已變成半熟蛋，程度剛好。配料仲有粟米同菜苗，正好解膩。
用石鍋盛載熱辣辣，湯底仲翻滾著熱氣泡，睇見都興奮。豬骨湯底烏冬，加上四大塊厚切豚肉，仲有一隻蛋同菜苗。豬骨湯呈奶白色，味道略為清淡，但感覺到豬肉嘅鮮甜味，而且非常幼滑，膠質豐富，只係略嫌油份較多。烏冬白白滑滑，彈牙爽口，亦有好甜麵粉味，不錯。名物豚肉實在澎湃，四大塊肥瘦相間嘅五花腩盡現眼前，份量十足。肥肉入口腍滑軟嫩，唔洗多加咀嚼，簡直入口即溶。瘦肉爽口香甜，肉味濃郁。烏冬仲配上一隻生蛋，靠石鍋嘅熱力，生蛋已變成半熟蛋，程度剛好。配料仲有粟米同菜苗，正好解膩。
石燒上級豚肉手打烏冬 (咖哩湯) $62
咖哩湯底烏冬同原味版基本上一樣，只係唔知點解蛋變左半隻熟蛋。可惜湯底似係開粉款式，味道一般。都係食原味吧啦。
咖哩湯底烏冬同原味版基本上一樣，只係唔知點解蛋變左半隻熟蛋。可惜湯底似係開粉款式，味道一般。都係食原味吧啦。
暖笠笠嘅石鍋烏冬，真係冬天良品。怪不得離席時人龍湧現。
Hungry Korean
Hungry Korean@尖沙咀
25/12/2012 20:00
以快餐形式運作，搵食請排隊，用英文落單。
雞肉韓式壽司
配料夠多，有蛋、紅蘿蔔、菠菜、黃瓜，雞肉，好入味，加埋醬汁非常好味。
牛肉石鍋飯 ($42)
有牛肉、蘿蔔、芽菜、茄子、菠菜、洋蔥等等整整齊齊，石鍋要夠熱, 飯不能太濕太淋
韓式粉絲($28)
材料有菠菜、蛋、冬菇，紅蘿蔔。粉絲好煙韌，有芝麻香，甜甜地，好味。
辣炒年糕
偏辣口味，材料充足，年糕一般煙韌。
每份份量較少，價錢相對較平，可以叫多幾款仲好，值得再去。
大喜屋日本料理
大喜屋日本料理@尖沙咀
22/12/2012 21:00
火灸系列
剌身厚切新鮮爽甜
天婦羅
忌廉燒蠔確實好味，炸物、串燒都好惹味。
埋單一位約$250，呢度嘅放題選擇夠多，上菜齊數無漏單，讚!
抵食八番拉麵
八八八拉麵@尖沙咀
2/12/2012 19:00
$100買$200現金券，質素一般，但性價比高，抵食之選。
豬骨湯叉燒拉麵 ($58)
豬骨湯唔算濃，較為清甜口味。五塊叉燒賣相唔錯，又大又厚又腍，半肥瘦，味道甜甜地，較為似港式厚叉燒。拉麵係一般卷曲北海道式拉麵，口感算幾煙韌，不過夾起時仲係一餅餅，亦有少許梘水味。
醬油味北海道牛油粟米拉麵 ($63)
醬油味湯微甜，但甜得來有點苦味，加左牛油有點奇怪。粟米甜甜地就幾好食。
煎餃子 ($30，套餐優惠價$10)
日式鹵水蛋 ($12×2)
蛋白夠入味軟腍，蛋黃啫喱狀，味道幾香，唔錯。
香酥炸雞 ($35，套餐優惠價$10)
略為乾身，但味道唔錯。
串燒露荀卷煙肉 ($35)
露筍好Juicy，煙肉烤得香口。