叁茶陸飯＠荃灣
25/12/2018 13:00
台灣肉燥乾拌麵$53
海鹽芝士奶蓋綠茶 $26
校園花卷 $75
青檸檬荔枝艾菲 $98
牛骨湯清潭麵 $88
脆味樂園 $108
叻叻豬炒飯 $88
烏卒卒 $68
卡邦尼年糕 $68
甜心鳳梨艾菲 $98
紳士先生 $62
水冷麵 $72
韓味炸雞伴大蔥沙津 $88
Cafe Moa Moa by Panash@荃灣
30/4/2017 12:00
同BB游完水，就去荃灣廣場搵食。而家帶住BB一定以環境闊落舒適為首要選擇，最後揀左呢間。可能適逢五一假期，12點黎到仲大把位，可以揀張四人圓枱，仲有位放BB車。
睇過餐單後，柯打左一份二人套餐，$238再加一，包括自助麵包、餐湯、餐飲、小食拼盤、意粉、薄餅。
自助麵包放題係呢間餐廳嘅特色。出面有約十款麵包任揀。雖然係普通無餡包，但質素的確不錯。
牛角包必食，好香牛油味，所以非常搶手。北海道牛奶麵包清甜，連BB都好鍾意食。仲有提子包、芝麻包、合桃包、法包、麵包條、牛油小蛋糕等，樣樣味道都唔錯。
小食拼盤有雞翼洋蔥圈薯條，新鮮即炸，份量正常，味道唔錯。
香煎帶子忌廉意大利粉
煙三文魚薄餅
抹茶館
30/8/2013 20:45 @沙田
柚子胡椒風味香蔥鹽燒豬肉丼 ($69)
卡邦尼溫泉蛋烏冬 ($69)
朱古力曲奇牛奶抹茶 ($44)
抹茶軟心朱古力芭菲 ($59)
麵道@荃灣
1/2/2017 12:00
特盛味玉醬油豚骨拉麵 $88
湯底幾重豬骨味，麵條幾滑煮得夠硬，叉燒炭燒過，溏心蛋流心度不錯。
Saizeriya Italian Restaurant
28/3/2016 13:30
26/12/2013 14:00
31/7/2011 13:00
28/3/2016 13:30 @紅磡
白汁野菌雞肉雲吞 $29
雲吞不錯，熟成度剛好，白汁加左洋蔥、芝士粉等，幾忌廉咪，野菌落得夠多。
野菌忌廉意粉 $27
醬汁同前者一樣，正常
茄醬唔算多，比較淡口，但芝士就落得好重手。
肉醬多利亞 $27
肉醬好味，撈飯一流。
26/12/2013 14:00 @荃灣
31/7/2011 13:00 @荃灣
一個唔知點讀嘅名，係荃灣區出名平靚正嘅意大利餐廳。
星期日中午，一行五人，等位係指定動作，唔超過三十分鐘已經唔錯。
地中海海鮮比薩 ($32)
九吋比薩口感同味道有別於平時食嘅港式薄餅。比薩唔算厚底，但亦唔薄皮，稍為少少脆但較為煙韌，切起黎有點吃力。一般嘅比薩就好似扁左麵包咁鬆泡泡，蛋味較濃。意式比薩小麥味道好香，亦感覺到發酵過嘅風味。比薩面層舖滿煙三文魚、蝦、魷魚，仲有豐富嘅芝士。材料夠新鮮，芝士味濃郁，但稍為結實，做唔到拉絲效果。如果溫度更高，芝士融化得更徹底，相信會食得更開心。
吞拿魚比薩 ($28)
材料充足，每一啖都食到吞拿魚，配上蕃茄醬，酸酸甜甜好開胃。呢款芝士比較重手，味道濃郁，好滿足。
地中海海鮮焗飯 ($28)
出奇地以鐵板上菜，飯面舖滿青口、蜆仔、蝦同魷魚圈等，$28有如此新鮮、豐富嘅材料，真係超驚喜。用鐡板焗令飯有些少焦硬，要撈埋蕃茄汁一同進食。蕃茄汁正有開胃嘅酸味，食欲大增。
香辣雞翼 ($30)
雞翼係餐前小食最佳選擇，雞翼烤焗到金黃色，有刺激惹味嘅辣道，肉質嫰滑，肉汁豐富，小食黎講已經好唔錯。
卡邦拿意大利粉 ($24)
卡邦拿最必要嘅蛋味好充足，味道亦夾雜左雞湯同酒嘅香味。意粉韌度適中，煙肉略嫌煎得未夠香口。芝士味同忌廉口感應該要加倍，惟有自行加芝士粉，撈一撈，搞一搞，豐富一下。
餐廳大，職員不多，客人請自動波。自助型式，冇人幫你斟茶遞水，所以無須加一服務費。
每樣料理，包括九大吋比薩都係大約三十蚊。廿幾三十蚊一款，請唔好要求大大碟上菜。雖然味道講唔上極之好味，但至少合格有餘，性價比係超高。
澄清一點，今次冇用團購。冇任何優惠之下，人均消費只$29。勿論今餐係唔係正宗意菜，但只用一個粟米班腩飯嘅價錢，食到質素OK嘅料理，我都冇說話好講。
一個唔知點讀嘅名，因為試過味道，食過滿意，抵到爛，所以之後請記得佢，佢叫「薩莉亞」。