元祖和風食堂虎藏
沙田禾輋
13/8/2023 12:00
南蠻雞扒拉麵定食配日式叉燒飯 $86
份量相當多，南蠻雞扒超大塊，炸得好香脆，他他醬汁酸酸甜甜俾得足夠。拉麵係豚骨湯底，湯米幾清甜，唔算十分濃郁，上面塊叉燒味道不錯，幾滑。加配迷你日式叉燒飯份量都唔少，味道還可以。
和風鮮魚味醬油沾麵 $75
沾麵非常正宗，麵條係粗身麵，沾湯係鰹魚豚骨湯，唔算得上非常濃郁，但係尚算唔錯。特別欣賞糖心蛋非常入味。
Momo Cafe @沙田萬怡酒店
11/8/2023 12:00
自助餐有新鮮生蠔，雖然唔係好大隻，但勝在非常鮮甜。刺身選擇多，非常之新鮮。仲有日式冷麵可以自加醬汁。
每位客人都送上一隻忌廉芝士焗帶子。芝士味幾香，但只真係好大隻，都幾鮮甜。
熱盆選擇都好多，最角落頭嘅燒烤最吸引，烤肉同埋腸仔味道不錯。仲有即煮沙田雞粥同埋意粉。
甜品款式多，有豆腐花、各色奶凍、各色西餅蛋糕
麵包布甸、雞蛋仔夾餅等，好多都係香港傳統小食。當中最好味就係豆腐花，亂粒粒，非常滑，自行加上薑糖水同埋黃糖，連續食咗幾碗。
雪糕當年係Haagen daze 已經upgrade左做Movenpick。
生日仲送上小蛋糕，開心。
餐廳唔算好大，但係座位都算闊落。
茶寮 京都仁王門
荃灣海之戀 6/8/2023 12:00
唐揚炸雞咖喱蛋包飯份量都唔少，咖喱係日式咖喱味道大甜，適合小朋友，幾件炸雞啖啖肉，蛋皮煮的幾薄身。
日式滑蛋豬扒飯，豬扒係來貨質素，滑蛋又唔夠滑，比較乾身，醬汁略嫌有啲不足。
芝士醬薯條，薯條新鮮即炸，係粗生薯條，芝士醬味道幾濃郁。
草莓班戟賣相非常之吸引，疏乎厘班戟高度非常之足夠，入口鬆軟濕潤，順便仲有兩粒大大粒嘅士多啤梨。配料仲有紅豆白玉，可惜紅豆略嫌煮得未夠腍。
抹茶奶昔賣相吸引，上面鋪滿紅豆，仲有煙煙韌韌嘅綠茶缺餅，本身奶昔味道比較淡口。
白桃奶昔其實係類似沙冰嘅飲品，味道清甜，有淡淡的白桃味。
廿一堂
樂富 30/7/2023 12:00
抵食平價家庭式日式料理，餐牌選擇相當多，採用自助形式。份量唔少，價錢優惠。蕎麥麵都有日式風味。幾款炸物略嫌炸得太過頭，有少少乾柴。烏冬蕃茄湯底酸酸甜甜，都相當足料。呢個價錢日上午餐相當抵食。
自助餐@Alva House
Alva House＠沙田帝逸酒店
23/7/2023 11:30
官方做七折優惠，平到震，成人$400多，小童$270，即試！
款式選擇多，質素高，而且人唔多，可以唔洗排隊拎野食，慢慢歎。生蠔新鮮大隻好鮮甜，刺身都好新鮮。熱盤最好味係日式串燒，天婦羅。甜品雪糕勁多口味，又靚又好味。
22/6/2022 12:00
感謝老細周年聚餐，請全世界去帝逸食自助餐。聽聞都幾難Book，而且價錢唔平，真開心。
先拎幾款刺身、凍盆，樣樣都幾新鮮。三文魚相當鮮甜。
生蠔都要排一陣隊，即開生蠔都幾大隻，相當甜，食左幾轉。
熱盆選擇都好多，特別推介燒牛肉，都幾腍，幾夠牛味。仲有日式串燒。
一向食自助餐都主攻甜品部，選擇實在好多，小杯奶凍類特別好食，抹茶蛋糕都印象深刻。最後仲有迷你杯Haagen Dazs。
整體算相當唔錯，如果有優惠會想再試。
グリル滿天星
尖沙咀 16/7/2023 12:00
喺尖沙咀海港城發現呢一間日本過江龍，裝修都幾靚，長期多人排隊，今日終於的起心肝做少少佢食頭圍。
經典芝士漢堡$168
非常澎湃嘅一個粉漢堡，麵包非常光滑，牛油味香。中間厚厚漢堡扒充滿着肉汁，仲有蕃茄同埋生菜等配料，醬汁酸酸甜甜，非常開胃。配菜有新鮮的炸薯條，大大碗，脆卜卜。
日式咖喱吉列豬扒飯 $228
又係非常澎湃嘅一疊，吉列豬扒炸得非常香脆，而且超級大塊，中間嘅肉質都算可以。炒滑蛋嘅蛋味真係非常濃郁，而且仲好滑，充滿着蛋汁撈飯正好。咖喱汁另上，可以按口味自行淋上，咖喱口味偏甜，係典型嘅日本咖哩，味都幾香。
士多啤梨疏乎厘班戟$148
一睇就知非常鬆軟，有彈性嘅疏乎厘班戟，入口即溶，空氣感十足，蛋香味重。配上忌廉，新鮮士多啤梨，酸酸甜甜。
價錢唔平，味道不錯，質素成正比，不過冇特別驚喜。
