by admin | 12 月 27, 2023 | BB Friendly, 深圳, 西餐
深圳歡樂港灣 27/12/2023 12:00
慶祝結婚周年紀念，選擇平日去歡樂港灣，知道呢度假日超級多人，平日來實在非常舒服，仲可以食平價點價套餐。
預早訂位，安排坐近窗座位，枱面已經佈置好，簡簡單單，氣氛不錯。仲有BB椅，兒童餐具，非常齊全。
工作日尊享套餐 188元x2
開胃特飲﹕顏色非常靚嘅有氣果汁，酸甜幾好味。仲為小朋友都送上兩杯。
餐中輕享﹕餐包上菜都靚過人。牛油多士微暖，可按個人喜好加上醬料，有黑松露牛油好香松露味，蛋黃醬帶微酸更好食。除左餐包，仲有杏仁脆餅，甜甜香脆。
酥皮玉米濃湯﹕賣相靚，影完相後，原來職員會幫你起出酥皮，切成小件。酥皮本身牛油味好香，忌廉湯香濃仲好多配料。
燒汁鰻魚TAPAS﹕係麥包上加多鰻魚及醬汁，幾特別。
魚籽木瓜牛肉塔﹕擺盆實在太靚，酸酸甜甜幾開胃。
肋眼牛扒﹕食完一大輪前菜，主菜細細年，肋眼比較肥美，油份高，帶有少筋，係個人喜歡嘅質感。
菲力牛扒﹕肉質比較腍滑，牛味濃，啖啖肉。要求嘅熟成度都做得剛好，品質不錯。
最後仲有幾粒檸檬冰，非常有趣，咬開爆檸檬汁出黎，正好解膩。
餐廳高級，服務非常好，按客人進度調整上菜時間。環境一流，雖然唔太睇到海景，但餐廳氣氛甚佳。臨走仲奉送聖誕曲奇，開心。
by admin | 12 月 10, 2023 | 外賣, 深圳, 麵包
深圳 World 星河Coco City 10/12/2023 17:00
上次食過幾好味，今次見到第二間分店即刻買來試。
吞拿魚飯團麵包：造型幾得意，真係好似一個飯團，麵包一樣鬆軟鹹香味，中間包住吞拿魚內涵，份量都唔少。
深圳海岸城 12/11/2023 18:00
紫米椰漿小鼓 11元：包本身幾軟熟，奶味香。中間係切切實實嘅紫米椰露，黑糯米黏口煮得爛，椰漿杰厚身微甜，不錯。
黃小米小鼓 9元：中間係黃色小米，微甜。
咔咔福氣肉鬆麻糬蛋卷 12元：蛋卷皮厚身似華夫皮，脆卜卜，蛋味香，包住豐富肉鬆海苔帶微辣、中間仲有大大件麻糬，煙煙韌韌，奶香味濃。非常驚喜。
腸仔包 10元：點評贈送，大大隻，賣相不錯。
by admin | 12 月 10, 2023 | 外賣, 深圳, 燒烤, 西北菜, 西餐
美團外賣@深圳福田水圍 10/12/2023 18:00
喺福田水圍非常之出名嘅一間羊扒專門店，今日選擇咗外賣嘅形式品嚐。
烤蒙古羊排 65元：肥瘦適中，脂肪部份羊膻味非常重，肉汁豐富，孜然粉同少量嘅辣粉係蒙古風味主要來源。
烤法式羊排 75元 ：呢款係西式風味，比較自然嘅鹽同胡椒，仲有少少香草烤焗嘅味道，都係非常好食，可惜兩者味道分別唔太明顯。
西葫蘆雞蛋鍋貼 25元：外皮千的金黃鬆脆，內含包咗西萌蘆卡同雞蛋非常有趣，味道不錯。
特色羊肉蒸餃 25元：皮有厚度，內餡相當豐富，充滿着肉汁，薑汁味濃，好清爽。
所有菜色都好好味，鍾意食羊嘅我表示相當滿意。好食過香港好多西餐廳百幾二百嘅出品。
by admin | 12 月 10, 2023 | 台式, 外賣, 深圳, 甜品, 飲品
深圳星河寶雅 10/12/2023 13:00
中午食火鍋， 正好見到附近有間番薯食品專門店，價錢相當抵買， 十元八塊已經有一杯飲品，叫左兩杯。
招牌薯圓奶茶 9元
估唔到份量咁大杯，奶茶本身味道還好，薯圓煙煙韌韌，的確有番薯味道。
芝士奶蓋綠茶 12元
杯綠茶本身清甜，味道淡淡的，芝士奶蓋奶味濃，輕微鹹味，不錯。
by admin | 12 月 10, 2023 | BB Friendly, 中菜, 深圳, 火鍋
深圳星河World Coco Park 10/12/2023 12:00
一直都想試潮汕牛肉火鍋，但係多間人氣名店都好多人。今日嚟到偏遠少少嘅地方，發現呢一間潮汕牛肉火鍋專門店。環境相當闊落，帶小朋友都冇問題。喺點評買咗一個豪華2-3人餐 218元。
套餐包括三個小火鍋，每張枱面就有四個細電子爐，一人一鍋唔使爭。
出邊有自助醬料枱，仲有餐前小食海苔脆，而且一白飯任裝。
牛骨湯鍋底一問已經有好香嘅牛味。套餐包括幾款不同部位嘅牛肉，包括吊龍、肥姘、嫰肉，試過就覺得牛味香濃，肉質又夠滑。毛肚大大塊，非常之爽口。
牛多寶四宮格包括：黃喉、金錢肚、牛筋、牛腩，款式幾多，略為質地比較實。
隨餐包括梅林午餐肉、蔬菜拼盤、潮汕粿條，粿條索晒牛肉湯嘅味道，非常之滑，好味。最後打卡送上一碟甜品，煙煙韌韌嘅客家糍粑。
價錢唔貴，材料豐富，可以試到唔同部位嘅牛肉，不失為一個潮汕火鍋嘅入門級。
by admin | 12 月 3, 2023 | 外賣, 深圳, 甜品, 麵包
水貝IBC 3/12/2023
肉鬆小貝比較濕潤，蛋糕比較實淨，醬汁唔算十分多。
朱古力麻糬 17.9
麻糬布甸 19.8 麻糬腍左，但雞蛋布甸唔甜，幾滑。
崗廈北 22/10/2023
食過好嘢就食得比較多，今次買肉鬆小貝，一睇個賣相已經唔討好，肉鬆非常之少，仲有啲禿頭。肉鬆比較濕潤腍身，蛋糕比較實淨，醬汁適中唔算特別多。以個人鍾意重口味的話，鮑師傅係明顯好食好多。
傳說中嘅豆乳蛋撻都係名過其實，只係一般酥皮蛋撻上有豆乳味嘅類似布甸，再灑一啲糖粉，淡淡的豆香，微甜，但係唔覺得有咩特別。
最好食反而係最普通嘅朱古力麻糬，口感煙韌，朱古力味非常濃郁。
皇庭廣場 12/9/2023
麻糬 21.7元
泡芙 13.8元
小貝 4.5元x6
象山酥院實在太高人氣，尤其係皇庭廣場店，排隊排了好幾十人。終於買到朱古力和芝士麻糬條，再用點評優惠買奶油泡芙，最後就係大家嘅至愛
肉鬆小貝。滿滿一大袋滿載而歸拎返屋企手信。
皇庭廣場 14/5/2023
第一次是肉鬆小貝，肉鬆非常之多中間有沙律醬，非常芝味。唔覺意買多咗嘅角色麻糬，口感煙韌，芝士味有芝士味濃郁，朱古力亦濃，仲有類似提子略帶微酸，非常好食。
