卡瑪王子
塘朗寶能環球匯 1/10/2023 18:00
難得去遠啲嘅商場，見到唔洗排隊嘅卡瑪王子，二話不說就買一堆麵包可以包辦全家明天嘅早餐。
點評券11元4個迷你腸仔包，靚靚仔仔，非常飽滿，麵包香甜鬆軟，腸仔味濃，咪睇佢細細隻，都係超高水準。
肉鬆小方 6.9元﹕舖滿紫菜肉鬆，中間係酥皮香脆，好味。
爆漿奧利奧 14.9元﹕賣相相當吸引，滿滿Oreo味，略甜。
最鍾意打包非常仔細，分類獨立包好。比較香港其實價格偏貴，但係質素係高嘅，而且款式獨特。
九酉居酒屋
西丽宝能环球汇店 1/10/2023 12:00
壽喜鍋雙人套餐 RMb119
gaga
上梅林卓悅匯 1/10/2023 17:00
已經係口袋名單之列一段時間，終於有空間一試下午茶。
位置都相當多，人亦好多，好多搵到一張圓枱可以慢慢歎。
下午茶特惠1+1，59元
巧克力生乳蛋糕，朱古力味十分濃，微甘。
黑松露巴斯克蛋糕，芝士味濃，餅底脆脆地有D果仁，味道不錯。
飲品草莓烏龍、拿鐵亦係正常發揮。
其實一份下午茶就要近60，拍得住香港價錢，質素OK，但性價比一般。
晨曦燉品 鮑魚飯
美團外賣@福田 3/9/2023 18:00
香港人帶嚟香港又一名物—砂鍋鮑魚飯。
外賣包裝非常朝穩陣，有個紙殼包住仲有錫紙包實，返到屋企都冇倒瀉，仲附上非常齊全嘅餐具。打開包裝，湯品仲係暖笠笠。
鮑魚飯、花膠雞撈飯
兩個湯粉嘅湯底都差唔多，有雞湯味，有雞肉等配料。鮑魚都相當大隻。花膠相當大片有口感。湯汁夠杰身，用嚟撈飯非常正。
Fuwa Fuwa
深圳萬象天地 3/9/2023 14:30
下午茶選擇食鬆餅。門口有非常多食物模型，舒芙蕾鬆餅口味都非常多，睇見都已經好吸引。
舒芙蕾餐 99元
揀左抹茶白巧克力舒芙蕾同乳酪草莓厚乳。賣相相當吸引，每一件舒芙蕾都脹卜卜，相當有高度。上邊林左一層忌廉加綠茶粉，另外仲有綠茶醬自己添加，配料有幾粒士多啤梨。舒芙蕾入口空氣感十足，蛋味都幾濃。舒芙蕾原味本身已經好食，醬料只係一個陪襯。
乳酪草莓厚乳就好似士多啤梨奶昔，酸酸甜甜相當開胃。
饌豚 台北菜
萬象天地 3/9/2023 11:30
今日嚟到萬象天地，中午食得簡單啲，揀咗喺萬象天地地下層嘅一間知名台北菜。
商務二人餐 RMB90
二人餐包括兩款飯食，一款係琉璃焢肉飯，胸肉肥瘦相間厚巴士，入口非常腍滑。令一款係泰式打炮豬肉飯，九層塔味道重，帶微辣，非常泰式。飯餐仲包括蓮藕湯，餐前小食，非常豐富。小食揀咗台式炸豆腐，豆腐炸到脆卜卜，配上台式泡菜酸酸甜甜，非常開胃。另外仲有一個肉燥娃娃菜，肉燥呢度濃香，好食。價格非常實惠，性價比相當高。
