by admin | 4 月 8, 2014 | 2014大阪京都七天遊, 旅遊, 日本, 關西
17:15 落機到達大阪都已經下午，第一日行程選擇喺梅田地區遊走。先去附近嘅新梅田食道街醫肚。Google Map顯示腳程要三分鐘，但其實一出酒店轉個彎就係，真係勁近。大阪第一餐試試地道嘅大阪燒同炒麵，揀左一間參加過電視冠軍王嘅人氣名店きじ。
1969年創店嘅きじ可算係老字號。一般遊客因為旅遊書介紹，多數會去藍天大廈滝見小路店，但梅田食道街店更有老大阪風味。小店細細，木製裝潢配上淡淡暗暗嘅燈光，將焦點全部放係大廚嘅鐵板上。我地坐喺鐵板枱前，睇住鐵板上嘅美食真係食欲大增，全部新鮮即製呀。
食客多數係落班嘅西裝友，正真體驗到大阪人五點半嘅生活。店員知道我地係遊客，提供左中文菜單，仲安排左識國語嘅職員幫我地落單。點左一份炒麵，加一份大阪燒豚玉。先送上炒麵，好香口，有鑊氣，麵條夠煙韌，材料有椰菜豬肉等，味道較為清爽，如果醬油可以再多啲應該會更好食! 另一味大阪燒整得好靚，表面塗滿醬汁，仲有蛋黃醬同海苔。用迷你小鏟切開，外皮係脆脆的，中間嘅餡多到不得了，粉漿軟腍，加上又甜又爽脆嘅椰菜，仲有肉碎，配合得好好。不愧為大阪燒人氣名店! 埋單總數大約¥1370，物有所值。
18:15 食完下午茶就繼續下一站天神橋筋商店街。為左要完成滿步狀，決定由天七向天一方向行。天七起站係雜貨店西台，同老闆婆婆溝通過後，佢擔心我地去到天一終點間舖頭已經關門，所以決定照俾滿步狀我地，以免失望而回。婆婆實在太好人啦，我地一定會好好完成整段路程!
天神橋筋商店街係日本最長嘅商店街，成條街橫跨三個地鐵站距離，全程有2.6公里，由七丁目行到一丁目差不多要用上一個鐘時間。商店街有成八百間店舖，好多都係舊式家居小店，體驗到傳統大阪街坊生活。雖然六點幾有好多小店已經關門，但食肆仍然人氣鼎盛，特別係壽司舖，因為呢度係有名嘅壽司激戰區。
沿商店街行試左兩樣日本傳統小食，丹波屋嘅醬酒味糯米小丸子 (¥70)，煙煙韌韌嘅糯米丸加上醬油，少少咸少少甜，味道好搞笑。
鳴門鯛燒本舖嘅鯛魚燒 (¥150)外脆內軟，香甜好味嘅紅豆多到滿瀉。
邊睇邊行，大約行左一個鐘，終於到達一丁目終點! 將滿步狀頒俾自己先!
20:00 又到晚飯時間，今晚選擇食鰻魚飯。名代宇奈とと出名平靚正，最平嘅鰻魚飯只需要¥500，¥500有得食鰻魚飯的確吸引。柯打左一客¥500鰻魚飯，另一客加左蔥同溫泉蛋嘅鰻魚飯 (¥800)。雖然價錢平，但鰻魚俾足一大塊，而且鰻魚仲係肥厚有肉地。日本嘅鰻魚真正係炭火燒烤，所以炭香味十足，鰻魚本身一啲都唔腥，醬汁好濃郁，細蔥香味極濃而且好甜好脆，送飯一流。值得一提，日本嘅飯除左比較煙韌外，飯粒本身已經好夠甜味。飲埋杯清涼麥茶，非常完美嘅晚餐！
20:30 完成天神橋滿步之旅，第一日嘅尾門係視察梅田附近環境，為之後幾日嘅鐵路行程做好準備。唔少網友話梅田係一個迷路熱點，因為梅田的確好大，地面有大百貨，地下有鐵路同地下街。一個地區已有幾條鐵路線，可算係交通樞紐。喺梅田搭車轉車，的確需要啲時間搵路。所以特別要預留第一日晚實地參察。
地下街有清晰指示，基本上唔睇地圖，憑感覺憑肉眼更容易搵到目的地。大概對鐵路嘅入閘位置有概念，就進擊梅田地面。途徑《半澤直樹》東京中央銀行大阪西支店，點都要影番張相先。
之後去左Yodabashi Umeda，淨係賣電器都唔知幾多層，樓上仲有Jump Shop同唔少食肆。慢慢行的話，相信都hea到半日。22:00 返酒店，為第二日京都之旅做好準備。
參考
きじ大阪燒 tabelog.com/osaka/A2701/A270101/27000297
天神橋筋商店街滿步狀 tenjin123.com
名代宇奈とと鰻魚飯 www.unatoto.com
by admin | 4 月 8, 2014 | 2014大阪京都七天遊, 旅遊, 日本, 關西
2014年4月8日開始我地嘅大阪京都七日遊。今次有幸出國嘅Hello Kitty係以下呢六隻再加一對日本結婚Kitty & Daniel。
08:30 到達機場。出發前早兩日喺網上Check in 國泰，去Counter寄行李拎埋Boarding Pass。出發前先去大家樂食個早餐。
09:45 到達閘口，網上Check in時揀左67A同68B位，原來呢個位真係闊落好多! 對腳伸長都仲有空間，出入去洗手間都唔會影響到人，呢個真係正位! 唔同嘅係，電視同枱分別收埋左椅下同手把位內，拉出黎就用得。唯一唔好就係枱仔比較細，同埋無得將手提行李放喺座位下，不過呢個絕對唔係大問題!
今次嘅飛機餐有茄汁魚柳配炒飯，醬汁酸酸甜甜都幾開胃。另一個螺絲粉就一般啦。
14:30 今日天氣好而且大風，比預計時間早左成半個鐘到達關西空港，賺左!
落機第一件事係坐無人駕駛列車去入境大樓。今日入境程序都好順利，好快就完成。接埋行李就過稅關檢查，原來真係會問問題架! 順利過關出到客運大樓一樓。
第一件事先去KAA Travel Desk大阪市遊客指南中心買Pass。Pass絕對係慳家恩物，起碼交通費有包底，部份景點仲有優惠! 喺KAA入手「大阪周遊卡」，「阪急二日券」，「京都巴士一日券」。
- 大阪周遊卡二日券 (¥3000) : 非常抵用嘅一款大阪旅遊套票，需連續兩日使用。套票包含28個景點可免費入場，仲可以任搭大阪地鐵。景點都係幾值得去嘅人氣景點，¥3000可以豐富到兩日行程，真係勁抵。
- 阪急二日券 (¥1200) : 任選兩日阪急電車放題。我地會有兩日由大阪去京都，每程阪急原價要¥400，兩日總共四程來回已經要¥1600，而家包底價¥1200，夠食多一客章魚小丸子!
- 京都巴士一日券 (¥500) : 遊覽京都主要景點交通為巴士，以每程¥200左右計，搭三次已經回本，玩京都一日，分分鐘要搭五、六轉車，一日任搭實在太抵啦!
買完套票就出發去大阪市區，對自由人黎講，最方便嘅方法就係搭鐵路或者利津木巴士。雖然酒店樓下已經係巴士站，但我地都偏愛鐵道遊，所以選擇搭南海電鐵。到達關西空港駅，喺南海電鐵售票處買「大阪出張一日券」，入閘準備搭15:35南海電鐵特急Rapi:t β。
- 大阪出張券 (¥1500) : 包括一張Rapi:t β車票及大阪地鐵一日券。Rapi:t優惠價都要¥1100，¥1500有埋地鐵券夠包晒第一日嘅交通費
入左閘先記得忘記左一個行程就係去JR綠色窗口買嵯峨野小火車票。不過網友指其實櫻花旺季嘅預售車票應該一早爆滿，都預左要買當日票。反正唔買預售仲有驚喜 (見第二日遊記)。
科幻感十足嘅Rapi:t β真係非常正，座位甚至比飛機椅更舒服。全車指定席，職員仲特登將旅客編埋同一卡，相信係以免影響本地人士。三十五分鐘就到達難波，按地下街指示好快就去到地鐵御堂筋線，再繼續向梅田進發。
一早有心理準備梅田係一個極大嘅迷宮，幸好無迷路，仲覺得地下街嘅指示非常清楚，乜都唔洗諗跟路牌行就可以到達目的地，比行路面更容易。只係拖住行李下下要搵電梯比較麻煩，不過行程都相當順利。
16:45 到達酒店。今次六晚都入住位於梅田嘅大阪新阪急酒店，貪佢位置好，亦有好多好評。幫我地Check In嘅職員英文相當好。我地獲編最高層10樓嘅10113號房，上房放低行李簡單整理就立即出發跑行程。
參考
大阪周遊卡 www.osaka-info.jp/osp/cht/index.html
阪急二日券 www.hankyu.co.jp/en/hankyu_tourist_pass.html
京都巴士一日券 www.city.kyoto.lg.jp/kotsu/page/0000028337.html
大阪出張券 www.nankai.co.jp/traffic/otoku/trip
by admin | 4 月 6, 2014 | 2014大阪京都七天遊, 旅遊, 日本, 關西
第七日
2014年4月14日 (星期一)
酒店
》即食麵発明記念館
- 館中詳列發明即食麵的經過和歷史，最有趣的地方是遊人可以體驗製作即食麵，以及 DIY 屬於自已的杯麵。紀念館除了重現當年即食麵誕生的木屋、歷年來日清出產的即食麵及杯麵外，還以錄像及立體模型來講解即食麵的製作過程
》黑門市場
- 黑門市場是大阪市內最大的生鮮市場，日本人稱之為「大阪的廚房」。黑門市場以生鮮食品為主，有鮮魚店、精肉店、蔬菜店、水果店、熟食店、豆腐房、生活用品店、和服店以及餐飲店等共180家左右，是一個充滿活力與生活氣息的菜市場，家庭主婦和專業廚師經常出入這裡，採購新鮮蔬菜和海鮮等
- 推介食肆﹕ 高橋豆腐之匠豆漿、日進堂天婦羅原條炸海鰻、らーめん天地人炭火豚丼、Hiro黑門川招牌鰻魚飯、鰻魚卷
》關西空港
by admin | 4 月 6, 2014 | 2014大阪京都七天遊, 旅遊, 日本, 關西
2014年4月13日 (星期日)
酒店》大阪市立科學館
- 天保山 Market Place、なにわ食いしんぼ橫丁、天保山大觀覽車
- 聖瑪麗亞號﹕停靠在南港的聖瑪麗號遊船是按當年哥倫布發現美洲大陸時所乘坐的遊船而造的仿古遊船。乘坐這艘比真船大一倍的現代的「聖瑪麗號」，可以在享受涼爽海風的同時將整個大阪灣盡覽無餘
》大阪府咲洲行政大樓展望台
》難波
- 難波是大阪的重要繁華街之一，也是大阪城南的商業中心。
- 難波丸井百貨店、高島屋百貨店、難波城、難波Walk地下街、難波 Nan Nan地下街、難波Parks
》心齋橋、道頓堀、美國村
- 心齋橋筋商店街是大阪最知名的購物區，也是大阪的一個永久性標誌。有拱形天棚的商店街裏，和服店、西式服裝及鞋類的零售商、珠寶店、時尚服飾店以及各種餐飲店一字排開
- 道頓堀一直是大阪最有人氣的地方之一。在道頓堀有一條幽靜的後街，那便是大阪有名的「法善寺小巷」，而沿著小巷門對門地一路排開的，則是一間間富有日本傳統特色的餐館
- 美國村﹕寬大的占地內集中了很多娛樂景點和個性化商店，是深受當地年輕人喜愛的地區，村內排列著美國村標志大摩天輪以及電影院、大型超市等演繹著美國西海岸的風情，是模仿美國風情的都市型休閑地
- 推介食肆﹕一風堂、北極星蛋包飯本店、本福箱壽司本店、明治軒蛋包飯、一蘭拉麵、千房大阪燒、美津のお好み焼き、北極冰條
- HEP FIVE摩天輪﹕ HEP FIVE大廈頂部矗立著的紅色大摩天輪是北部地區的標誌。坐在離地面106米高、安裝著空調裝置的摩天輪內，生駒山、大阪灣和整個城市的景色可以一覽無餘
- 梅田空中展望台夜景﹕ 在空中瞭望台，您能俯瞰整個大阪，天氣好的時候您還可以看到不遠處的淡路島
by admin | 4 月 6, 2014 | 2014大阪京都七天遊, 旅遊, 日本, 關西
》大阪くらしの今昔館
- 該館內的建築物和街道模型再現了大阪人過去的生活。博物館內收藏了一座江戶時代大阪的城市模型，這也是日本唯一一座保留下來的城市模型
》大阪造幣局
- 造幣局旁的櫻花隧道，種植了約 400 株櫻花，每年 4 月中便會盛放，均吸引大批遊客前來觀賞。一年只開放一星期的期間限定櫻花。
》大阪城西之丸庭園、大阪城天守閣
- 大阪城內城中央聳立著大阪城的主體建築天守閣，巍峨宏偉，鑲銅鍍金，十分壯觀。內部保存有豐臣秀吉的木像以及豐臣秀吉使用過的武器和繪畫等。 從天守閣頂層可俯瞰大阪周圍的美景。如今大阪城已被定為特別史蹟
》NHK放送館
》大阪歷史博物館
- 博物館的每一個樓層都利用各種實物模型、照片、影像等多媒體，向觀光客依次介紹大阪自古至今的各個歷史時期。而頂層的的那座依照難波宮原貌、等比例重建的宮殿模型，是博物館的「無價之寶」之一
》通天閣
- 取名有著「直通天空的閣樓」意思的通天閣。通天閣除了供遊人登上瞭望台遠眺外，還兼具廣告塔、報時及預告天氣的實用功能
- 新世界﹕ 通天閣位於的新世界，在這周圍滿是老舊商店的雜亂街道，可重溫戰後復興的關西文化。四周的確滿是傳統的風味，盡是庶民的街道
- 推介食肆﹕串カツ だるま本店、新世界串カツ からさき、釣鐘燒本舖
》天王寺 阿倍野 Q’s MALL
- 是2011年新開幕的超大購物中心，是面積在大阪府內數一數二的大型購物中心。除了有關西地區初次進駐、大受青少女歡迎的「澀谷109 ABENO」之外，還有商品齊全的UNIQLO等，充滿令人注目的潮牌店。而且不僅局限於購物性質，館內充滿了許多有趣的小設計！
by admin | 4 月 6, 2014 | 2014大阪京都七天遊, 旅遊, 日本, 關西
》清水寺
- 五条坂、清水新道、二年坂、三年坂、清水坂
- 仁王門、三重塔、清水舞台、音羽瀑布、地主神社
- 正殿依懸涯峭壁而建，大殿前為懸空的「舞台，由139根高數十米的大圓木支撐。寺院建築氣勢宏偉，結構巧妙，未用一根釘子。寺中六層炬木築成的木台為日本所罕有。 清水寺正殿旁有一山泉，稱為音羽瀑布，流水清冽，終年不斷，被列為日本十大名水之首，清水寺因此而得名
》錦市場
- 街內有140餘家各種店鋪，銷售各種生鮮食品和日常生活用品以及各式小吃。因此又被稱為是京都的「台所」。 不少店鋪古香古色，尤其是京都著名的京醬菜店極俱特色。其它還有京料理不可缺少的京蔬菜專門店鋪等。 在此散步，尋購小禮品，品嘗京式小吃，感受京都市井生活氣氛，同時也是食文化的難得體驗
- 推介食肆﹕カリカリ博士章魚燒、三木雞卵蛋捲、 京とうふ藤野 豆乳ドーナツ
》錦天滿宮
》銀閣寺
- 銀閣寺的庭園大致分為山上和山下兩個區域。山上為枯山水庭園，山下為池泉還遊式日本庭園。銀閣寺的中央為池水如鏡的錦鏡池。 銀閣寺已被列為世界文化遺產
》哲學之道、平安神宮
》河原町商圈
- 四条通、河原町通、新京極通、寺町通、木屋町通、先斗町老街
- 高瀨川、鴨川
- 是京都最繁華的街道四條大街的中心地帶，也是京都的主要購物區。由四條河原町十字路口向東是餐飲店和酒吧較為集中的木屋町、先斗町，是京都市內屈指可數的美食街和歡樂街
》祗園
- 白川南通、新橋通、花見小路通
- 花見小路通街道是祗園街正中南北走向的一條保持了京都歷史古老風貌的著名街道，是體驗京都古代文化精華的必遊之處
- 推介食肆﹕松乃鰻魚飯、京煎堂芭菲、祗園小石黑糖芭菲、壹錢洋食
》二条城
- 文化遺產，由德川家康所建，二之丸御殿外是二之丸禦園，是傳統的日本庭園，有大池塘，觀賞石和修剪整齊的松樹
