by admin | 4 月 6, 2014 | 2014大阪京都七天遊, 旅遊, 日本, 關西
2014年4月10日 (星期四)
大阪、京都婚紗攝影 By Ocean Wedding Service
大阪城、天守閣
伏見稻荷大社
- 伏見稻荷大社位於稻荷山，由樓門、本殿、千本鳥居等構成，綠樹掩映深處，一條看似隧道、由千座朱紅色鳥居構成的神祕通道，直通稻荷山山頂，是京都獨特風景的代表之一。
円山公園、八坂神社
- 八坂神社又稱為祇園神社，其祇園祭相當出名，是日本最大的祭典之一。八坂神社位於四條通東端，是本市香火最旺的神社之一。園內的垂櫻和夜櫻為京都一景，神社舞台上的裝飾燈籠會在天黑時點亮。神社廣場的隔壁是京都最著名的春季賞櫻花勝地圓山公園
平安神宮
南禪寺、岡崎疏水
- 在南禪寺附近可以觀賞到追溯到1890年建成的作為琵琶湖疏水一部分的小寺廟和水道
蹴上駅櫻花鐵路
哲學之道
- 哲學之道從若王子神社到銀閣寺，全長約2公里，與琵琶湖疏水分流渠並行，是京都的以條著名的旅遊散步小路，頗有小橋流水之趣。哲學之路還是「日本之路百選」選定的散步道路。櫻花盛開的春天，花團錦簇的櫻花樹尤其美麗
白川
by admin | 4 月 6, 2014 | 2014大阪京都七天遊, 旅遊, 日本, 關西
》嵐山
- 嵐山公園、中之島地區、渡月橋
- 以「保津川」為中心，延伸而出的田園、山野小道、竹林風光、國寶級的寺廟與神社聚落與被視為地標的「嵐山渡月橋」
》嵯峨野
- 乘坐嵯峨野浪漫小火車鐵道觀光，欣賞傳說中的嵯峨保津峽美景
- 嵯峨野竹林
- 野宮神社留著樹皮的木材所建的「黒木之鳥居」，是日本神社牌坊形式中最為原始、也最古老的
- 嵐山商店街，推介食肆﹕「嵯峨豆腐三忠」、「京豆庵豆腐霜淇淋」、「Arinco Kyo Roll」
》天龍寺
- 天龍寺喻為「京都五大禪寺」之首，更是世界遺產之一。日本室町時代的京都五山中排列第一。使天龍寺聞名的名園「曹源池庭園」如同獨特的日本畫般美麗，令人讚嘆。庭園是日本國家史跡，也是日本國家特別名勝指定的第一號
》金閣寺
- 金閣寺為京都傳統文化之代表寺院，與富士山、藝妓並列為日本三大典型印象代表。因為寺內主要建築舍利殿的外牆以金箔裝飾所以俗稱「金閣寺」，是世界文化遺產之一。金壁輝煌的舍利殿與碧綠的鏡湖池池水相映是金閣寺最美的景色
》平野神社
- 神社內45種500餘棵櫻花樹每到春天競相開放，爭芳斗艷，已經成為京都觀賞櫻花的著名場所。另外，特別是夜間櫻花觀賞與祗園的夜櫻同樣齊名，極為美麗
》北野天滿宮 (Optional)
- 介紹有關西陣織歷史、有關資料和手藝人的手工機織表演和展銷和服的場所
》京都駅
- The Cube、京都駅前地下街Porta、伊勢丹百貨公司、KYOTO手塚治虫世界
- 京都塔﹕ 夜晚的燈光照明使京都塔顯得更加醒目優美。在京都塔100米高處，設有展望室，可遠眺大阪和奈良。 京都塔下是一座綜合商業樓，有禮品名店街、地下餐廳等
- 推介食肆﹕ 美々卯、名代豬扒、拉麵小路
by admin | 4 月 6, 2014 | 2014大阪京都七天遊, 旅遊, 日本, 關西
2014年4月8日 (星期二)
香港國際機場
》關西空港
》酒店check in
》大阪天神橋筋商店街
- 天神橋的1町目到7町目的長度相當於三個地鐵站之間的距離，是日本最長的一條小商店街。從經營食品、菜餚、日用雜貨、服裝衣料的店舖到大眾食堂、老舖茶莊，共有六百多家店舖並肩經營，是當地居民的日常生活中不可缺少的商店街，感受「傳統大阪風味」。
- 由天神橋筋七丁目步行至一丁目，步行2.6公里，挑戰《満歩状》
- 參觀「大阪天滿宮」
- 有名的壽司激戰區，推介食肆﹕魚伊天五店鰻魚飯、春駒壽司本店、奴壽司總本店、壽司政
》梅田地區
- 大阪市北區的梅田，是當地的經濟中心。大阪車站周圍，摩天大樓高聳林立，是公司、銀行、飯店等雲集之地。
- Breeze Breeze屋上梅田夜景、阪神百貨、大丸百貨
- Yodobashi Umeda﹕ Jump Shop、Sweets Museum
- 阪急百貨、阪急三番街﹕宮崎駿、One Piece專賣店
- Whity梅田地下商店街﹕擁有日本最大地下街的大商業區雲集了飲食店、女性時尚、紳士精品、寶石、貴重金屬、日用商品、化妝品、藥品、鞋子等超過200家店舖的大阪「北區」地下商店街。
- 新梅田CITY、梅田藍天大廈﹕ 大廈的地下層是一條有自上世紀20年代大阪風格的瀧見小路飲食街。推介食肆﹕ 喝鈍豬排、木地大阪燒
- 曽根崎御初天神通商店街，推介食肆﹕お好み焼ゆかり、千房大阪燒
by admin | 6 月 10, 2011 | 2011大阪、神戶、和歌山五日遊, 旅遊, 日本, 關西
完成左五日四夜大阪、和歌山遊，掃左唔少手信。
五天之旅嘅酒店、行程、餐飲全部都令人滿意。
五千幾蚊團費，計埋稅、小費，七千多元埋單，玩足、食足五日。真係好抵，好抵!
睇住由六月起不斷加價嘅團費，比我地當時去，淨團費足足貴左兩千大元港幣。
更加覺得呢段時間去日本係無錯嘅選擇。真係好抵，非常抵!
無懼負面新聞，五日嘅日本之旅，無任何不愉快事情發生，一切安好，真係唔驚wo。
呢五日，令我更加鍾意日本。
鍾意日本人嘅有禮、日本街道嘅乾淨、日本空氣嘅清新、日本社會嘅秩序、日本嘅美食。
希望唔洗幾耐，I’ll Be Back! Japan!
by admin | 6 月 9, 2011 | 2011大阪、神戶、和歌山五日遊, 旅遊, 日本, 關西
9/6/2011 (星期四)
第五日with 「I Miss U! Hello Kitty」
今日專登去酒店另一間餐廳食早餐，試下唔同野食。二樓嘅餐廳食嘅野大致差不多，比三十樓多左一啲日式小食。特別一提個冷盤三文魚，新鮮嘅三文魚配檸檬汁同橄欖油，好味，encore多次!完左早餐後去左田崎珍珠，興趣不大。
下站係shopping必到﹕ 道頓堀、心齋橋
點都要影下固力果先生嘅。
心齋橋有好多藥房、服裝店、百貨公司、電器舖，仲有好幾間零食店，瘋狂勁掃手信，買左好多章魚燒小食。
Sanrio 專門店，有三層樓慢慢行!
周圍行，仲八卦入左去パチンコ彈珠機舖睇人玩。
食街道頓堀全街有好多章魚燒食店、拉麵店、蟹食專門店，仲有好多好得意嘅立體招牌。
Starbucks 靚仔哥哥講飲frappuccino，又幾好飲wo。
叫左赤鬼一客八粒章魚燒500yen，新鮮熱辣、大大粒，章魚仲好大舊，醬汁、蛋黃醬都好味，但個粉皮好似太腍，有啲the皮。
第二間叫左本家日本第一章魚燒，一客十粒。500yen。都係新鮮熱辣，除左醬汁，仲有木魚片更加香味，章魚都好足料，粉糰比較實在，整體嘅口感較配合。兩人都支持呢間本家多啲。
大約下午三點，要離開大阪市區，向機場進發。行左一陣免稅店，又掃左啲手信。六點零鐘機，唔知點解呢程機dun到阿媽都唔認得，超chok。
豬肉餅飯、壽司、餐包、藍梅蛋糕。壽司有4-5件細細，件件都唔錯，藍梅蛋糕唔太甜，藍梅味夠。
雞扒飯，雞扒幾嫰滑，特別鍾意佢個燒汁，配雞扒真係一流。旁邊嘅配菜其實都好好味。
八點幾落機，正式完成五天大阪之旅。盡興而歸。
by admin | 6 月 8, 2011 | 2011大阪、神戶、和歌山五日遊, 旅遊, 日本, 關西
8/6/2011 (星期三)
第四日with 「See U Later! Hello Kitty」
第三晚嘅神戶博 (Kobe Portopia Hotel) 酒店，比早兩晚已經讚不絕口嘅紀南溫泉酒店更好。一個字﹕「豪」。
在落神戶商務地區，房間大之餘，仲有書枱，免費上網服務等，一間服務殷勤、舒適且高檔嘅商旅酒店 。(借post官網圖)
房間仲有個露台望到鐵路、神戶港灣海景，觀景非常開揚。
早餐係喺30樓嘅Sky Lounge，望住咁嘅風景食早餐，真係爽。
早餐有日式、西式供應。特別喜歡呢度嘅蛋類食物。半透明嘅洋蔥，配粒粒火腿，半溶芝士，用半生熟嘅嫰蛋包住，係出自日本師傅嘅即場表演煎奄列神技。藉得一提係此處有比香港多50億，共合150億個活性乳酸菌嘅益力多。
臨出發前，補充影一影呢個咁宏偉嘅酒店大堂。
嘆完一個豪嘅早餐之後，HP值升至100，係時候進入本團嘅戲肉﹕ 環球影城。
10:00 正式開門進場，人山人海wo，仲有好多學生係著住校服咁入場玩。
Task 1: The Amazing Adventures of Spider-Man – The Ride
只需等候15分鐘，已經可以玩到個個讚，十粒星推介嘅Spider-Man Ride。坐住車卡係室內路軌行駛，配合3D立體電影，由蜘蛛俠拉住架車周圍飛黎飛去打怪獸，不時有煙霧、爆炸、噴水場面。行車時碰碰撞撞，唔算好驚，但非常刺激，驚喜度爆燈。
Task 2: Back to The Future – The Ride
人開始漸多，等左約20分鐘。坐住電影內嘅超時空車，飛越過去未來嘅超動感影院。架車係原地升降嘅，所以驚極有限，而影片冇Spider-Man咁高清，先入為主，呢個只有8粒星推介。
Task 3: Backdraft
11:15 已經完成2個項目，走去Backdraft睇下表演。場內分三個場館，全日語對白，好彩略懂日語，都叫做聽得明。先講述Backdraft套戲嘅由來，現場拍攝特輯，演員訪問等，唔識日文真係會訓著呀。之後入到一個模擬拍攝場境，用光、聲效營造火警現場。最後，睇住一個倉庫起火，油罐爆炸、噴火，燒毀鐵柱，親身感受火光熊熊，熱辣辣，爆炸嘅震撼。
Task 4: Jaws
呢個算係排得最耐嘅遊戲，需時約三十分鐘。一船人出海遊覽，竟然不知不覺間進入鯊魚嘅巢穴，被鯊魚襲擊。逃亡時，遇上爆破，穿越一片火海。一個幾刺激、驚險嘅佈局，配合船長小姐嘅精湛演繹，好值得一去。但都係全日語對話嘅問題，唔明白嘅朋友，要俾多啲想像力。
Task 5: Animation Celebration
12:25，未夠鐘睇水上匯演，正諗住如何hea時間之際，服務員小姐好熱烈宣傳12:30有戲開場。一入去，以為係小朋友專屬卡通片劇場，有啲俾騙嘅感覺。一開場，有例牌的全日語真人對話加電視presentation。入到場內先知道，原來係真人配3D動畫嘅互動表演。漫畫家設計卡通中途，唔小心俾隻卡通人物啄木鳥飛左出現實世界搞搞震，人同卡通你追我逐，男主角仲俾啄木鳥吸左入卡通世界內。開心! 驚喜! 無論人定係卡通喺時間、位置上都配合得天衣無縫，無需戴3D眼鏡，已經做到立體嘅效果，真係好佩服影城喺動畫科技有咁嘅功力。
Task 6: Water World
準時13:30開場，水世界係一個充滿水花、爆破嘅海戰劇場。美女被捉，英雄打壞人嘅劇情，詳見1995年嘅電影未來手世界。神奇就神奇在，冇啦啦，突然間飛出一架飛機。從可來呀究竟?!最喜歡主持人將場內氣氛推到高點，會善用開場前時間同觀眾玩樂，小心唔跟住做就會俾人淋水。
Task 7: Terminator 2:3-D
一入場有紅衣小姐怒講十分鐘，估計係想帶觀眾入戲，以觀眾為對象，宣傳Cyber System嘅高科技，點知機械人反擊，真人演出配合3D電影，講述阿諾成功打敗機械人。
Task 8: Space Fantasy – The Ride
等左差不多三十分鐘，亦都非常之咁隆重其事，要將所以手提行李寄存入locker。Space Fantasy係室內過山車，四個人一架車，四周圍黑媽媽，只有少少閃星星。過山車速度都幾快，又有非常強勁嘅急速轉彎上落，離心力超強，好刺激。
時間已經係3:30pm，可以話想玩嘅遊戲都玩晒，有部份遊戲興趣不大，所以選擇skip。例如侏羅紀公園有強勁濕身，室外過山車嚴重唔敢玩等。行完Hello Kitty Store，見仲有時間，係時候精選第二round，再行番所有禮品店。
Task 9: The Amazing Adventures of Spider-Man – The Ride 第二次
Task 10: Universal Studios Cinema 4-D (Sesame Street 4-D Movie Magic)
超級咁厲害地，3D電影畫面做得好靚，配合香氣、噴水、吹泡泡，好好睇嘅一套電影。
Task 11: Back to The Future – The Ride 第二次
臨佢關門前最後衝入去玩多一次。
其他得意奇境﹕ Hello Kitty & Dear Daniel被蒸煮中
18:00 正式關門，離開環球影城，去對面嘅City Walk食飯。
去左ポームの樹食蛋包飯，今餐自費。完成一日狂奔，食飯一定要食好啲。
蟹肉薯飯餅配蛋包牛油飯﹕ 薯餅炸得香脆，蛋滑溜溜，蛋味勁香。
漢堡扒配蛋包茄汁飯﹕ 漢堡鬆軟多汁，茄汁炒飯好香，牛肉汁亦非常濃味，配蛋一流。
商場內有個章魚小丸子食廊，包括幾間大阪出名嘅章魚燒名店，仲有精品專買店。
離開嘅時候開始日落了。
夜晚就去左神戶嘅碼頭，睇神戶夜景同神戶塔。
