泉鯉章魚燒

by admin | 6 月 23, 2024 | 小食, 日式料理, 深圳, 美食廣場

深圳筍崗寶能環球匯 23/6/2024 16:00

套餐包雙拼章魚燒及一份厚燒玉子 39元

賣相不錯，新鮮熱辣，幾地道，撥開鏗魚片真係見到原隻八爪魚腳突晒出嚟。小丸子本身味道甜甜，醬汁蛋黃醬酸甜，味道到位，相當不錯。

厚燒玉子真係幾好，味道甜甜，蛋味濃。估唔到價錢平平哋出品不錯。

天下茶屋

by admin | 6 月 2, 2024 | 拉麵, 日式料理, 馬鞍山

馬鞍山 2/6/2024 12:00

自選天下丼 $86: 三文魚漬、玉子燒粒、蟹柳、粟米、芝麻沙律汁，配熱辣辣白飯，刺身配料凍冰冰，口感不錯，出奇地好食。

燒咖喱芝士牛肉飯 $67:日焗飯熱辣辣，式甜咖哩配非常大量嘅肥牛片，上邊鋪滿厚厚嘅芝士。

照燒雞扒黑松露薯蓉忌廉湯烏冬 $68: 忌廉湯底充滿着黑松露味，烏冬煙韌，雞扒大大塊外皮煎得香脆。

小丸牛乳抹茶 $22:抹茶味都幾濃，又有奶香味，小丸子大大粒幾煙靭。

朱古力豆腐飲 $22: 朱古力奶香濃，加咗類似豆腐花，撈埋一齊有幾好味。

吉野包

by admin | 4 月 18, 2024 | 小食, 快餐, 日式料理, 馬鞍山, 麵包

馬鞍山 18/4/2024 09:00

會員$8.8 漢堡唔算太大個，包裝精美乾淨企理，賣相不錯。

燒汁牛肉漢堡：麵包幾鬆軟，中間有好多醬汁肥牛，菜，加上沙律醬，肥牛肉質不錯。

日式麻醬煎雞蛋漢堡：原本一個漢堡應該冇蛋，職員似乎錯誤加送咗一件蛋。雞扒大大件，外皮脆脆地，中間有肉汁，加上芝麻醬味道都幾濃，加埋蛋更加飽足。

一風堂杯麵

by admin | 4 月 14, 2024 | 在家小煮意, 拉麵, 日式料理, 深圳

深圳山姆會員店 14/4/2024

白丸白湯，豬骨味濃，有微胡椒辣，湯底好滑，麵質非油炸，似生麵，非常幼身，有咬口，配料有好多菜蔥，豚肉片，味道濃郁。

赤丸除咗白丸嘅鮮味之外，再加一份微辣嘅黑蒜油味。