by admin | 3 月 29, 2024 | 2024 復活節六人行台北之旅, BB Friendly, 兒童餐, 台北, 台式, 旅遊, 日式料理
魔法咖哩 29/3/2024 18:00
淡車站旁就係都會廣場，樓上有好多餐廳，揀左呢間台灣品牌魔法咖哩，因為有兒童餐，仲有靚海景窗口位。
起司可樂餅兒童奶油飯、奶酪、花果冰茶 NT$190﹕兒童餐非常豐富，奶油飯奶味香濃，甜甜地好好味。可樂餅脆脆中間係蔬菜忌廉。隨餐跟奶酪，酸酸甜甜夠清爽。
焗烤雞肉奶油飯 NT$290﹕焗飯熱辣辣，雞肉都幾滑，啖啖肉，奶油香再加上厚厚芝士焗，味道更香更入味。
歐姆蛋牛肉咖啡飯 NT$280﹕咖哩香料味重，好有層次，味道幾特別，牛肉都幾有牛味。蛋都幾滑。
三色咖哩豬肉烏龍麵 NT$340﹕除左香料味重嘅黃咖哩，仲有咸香味微辣墨魚汁，而白咖哩味道比較軟和。咖哩配上炸豚肉，炸菇估唔到咁好食。烏龍麵本身無乜味，自行用咖哩汁撈住食就可以。
升級套餐珍菇雞肉湯，舒肥雞胸沙拉、紅豆抹茶凍、泰式奶茶 NT$120﹕湯有菇味，好清爽。抹茶凍幾幼滑，有茶味。
水煮綜合蔬菜配黃咖哩 NT$140﹕蔬菜賣相幾靚，幾新鮮，又係白煮所以要自行加汁。
咖哩味道幾濃，唔太岩個人口味，感覺上奶油飯更好食。
埋單NT$1496，價錢唔貴。
by admin | 3 月 27, 2024 | 2024 復活節六人行台北之旅, 台北, 小食, 拉麵, 旅遊, 日式料理, 美食廣場
27/3/2023 07:30
等左四年終於可以出發旅行，今次仲多左個細佬仔，祖孫三代一行六人台北之旅出發!
長榮網可以早過48小時之前自動登機Check In，仲會自動編定座位，呢個服務當然唔放過啦。到登機48小時前，都可以再上官網睇睇自己嘅座位，見到系統已經編訂左坐附近嘅位置。咁岩見仲有窗口位，可惜趕唔切轉位，反正短短個幾鐘無乜所謂。
提早約定福特的士機場專線，準時7:45AM的士開車。車程好順，8:30AM未夠已經到機場。真係久違了，應該四年冇嚟呢度。
長榮櫃檯行李寄倉人唔算多，但可惜幼兒同行都冇任何優先通道，乖乖排隊吧。人唔算多，好快就幾好行李，取得登機證，而BB車就一如以往去到閘口先交艙邊托運。
大約9AM入閘，雖然Chok唔到禮遇通道，但出境過關都唔算多人，好快就完成出境，檢驗手提行李嘅手續。
09:30
喺禁區之內搵美食廣場食早午餐，呢度餐廳都算多，都預咗機場價錢偏貴，反而品質不錯嘅霸嗎拉麵只係$95，絕對可以接受。
霸嗎拉麵
豚骨叉燒味肉拉麵$95﹕賣相不好錯，湯底豬骨味濃，質地夠忌廉味，好幼滑，膠質亦重。拉麵硬度正常，叉燒大大件，肥瘦適中，最好味一定係味蛋，夠晒入味，蛋黃流心狀態，不錯。
鰭孝
豬軟骨烏冬$88﹕賣相不錯，豬軟骨幾腍，都夠入味，烏冬麵正正常常。
10:15
食飽到周圍行，見到新開奇妙巨蛋遊樂場，適合6歲或以上，但剛剛喺清潔時間，要係指定時間取籌，無緣。
時間好快過，登機時間係10:45AM，5號閘口。就喺附近驚喜發現長榮Hello Kitty 彩繪機。急不及待不停打卡。原來真係中咗呢架彩繪機！
香港 > BR852 11:15 – 13:00 > 桃園
坐到彩繪機實在太開心，感覺就好似被upgrade咁。但上到機，除咗頭等有一幅Hello Kitty相架之外，其實機內同一般機無分別，正宗得個殼，開心過算。幸好呢個機型嘅座位感覺上好闊落，前前後後空間都算大，相當舒適。每位小朋友送上一粒得意扭計骰。機上娛樂豐富，電影電視劇卡通齊全，可以消磨唔少時間。
一個半小時機程非常充實，上機無耐好快就飛機餐。肉燥飯套餐，小小一份應有盡有，肉燥本身味道幾濃，送飯一流，仲有一件魯水豆腐，魯蛋幾入味，份量細小又好味。隨餐配紅藜野菜小脆餅，薄脆帶少辣，味道不錯。仲有清涼麥仔茶，新鮮熱辣烏龍茶都可以自選。呢個飛機餐味道不錯，小朋友都可以食晒成個飯。
準時一點就到達桃園機場。估唔到小朋友全程機都好合作，完全無扭計。抵讚！
by admin | 2 月 15, 2024 | 日式料理, 日式燒肉, 自助餐放題, 馬鞍山
馬鞍山 15/2/2024 12:00
午市限定套餐真係相當抵食，一個午餐有一碟肉，另外可以享用出邊嘅自助吧。自助吧相當豐富，有各式熱食，薯條、章魚小丸子、炸雞等，最好食就係日式咖喱牛肉，材料豐富。每款都係新鮮，熱辣辣。
仲有好多自選沙律菜，亦都可以選擇燒烤野菜。甜品、水果都有幾款選擇，最好就係軟雪糕自助任斟，仲有好多雪糕配料。
同朋友一齊食，叫咗四個套餐。除咗一點肉之外，仲包括麵豉湯，米飯。
牛舌御膳 $99：牛舌薄薄地，但係都有十幾塊，口感煙韌。
燒肉三品 $99: 包括豚腩肉、豬頸肉、雞腿肉。
澳洲上級板腱肉 $119: 肉味濃，口感不錯，調味不錯。
壽喜燒牛肋肉 $109： 肥瘦適中，調味偏甜，不錯。
肉類質素高，自助吧豐富，價錢合理，不錯。
by admin | 2 月 14, 2024 | 在家小煮意, 日式料理, 深圳
山姆專供 14/2/2024 12:00
by admin | 1 月 28, 2024 | Blog, 日式料理, 深圳
深圳皇庭中心 28/1/2024 17:00
今次抽到大众点评免費試，一個單人套餐。
京都照燒肥牛丼飯、蜂蜜芥末蔬菜沙拉、深海鱈魚扒、日式冰皮大福、味噌湯、蜜桃烏龍冷浸茶 （77元）
單人套餐都相當豐富，賣相不錯，尤其是一個小木盒裝住四款。肥牛都相當多，入口幾腍滑，仲有洋蔥配搭。最欣賞小食吉列鱈魚扒，魚柳啖啖肉，炸粉唔厚，唔油膩。蜜桃烏龍茶，不太甜相當清涼解渴。冰皮大福濃郁嘅朱古力味，凍冰冰幾好味。
另外點評優惠叫咗一份鰻魚飯，只需要29.9元。賣相當不錯，鰻魚鋪滿成個面，醬汁豐富。鰻魚都幾厚身，但略嫌有輕微腥味。鰻魚汁落得足夠撈飯，其實呢個價錢都算交足貨。
小店坐落冇乜人流嘅皇廷中心，清清淨淨優優閒閒食個下午茶都可以。
by admin | 1 月 14, 2024 | 小食, 拉麵, 日式料理, 深圳
深圳印力 14/1/2024 16:00
雙人餐 105元
歌志軒秘汁撈麵：賣相不錯，選擇加量拌麵240g，份量都夠多。溏心蛋夠入味，熟成度適中，味道不錯。粗身拌麵條硬度適中，純粹算煙靭。叉燒大大塊，肥瘦適中，不錯。漿料鹹鹹甜甜，同撈麵幾夾。
火焰肉盛秘汁撈麵：另一碗麵加上辣味肉碎，味道微辣，相當開胃，唔算油膩。
隨餐小食包括椒鹽雞米花、一口香腸：份量都唔少，炸雞大大塊，外皮脆卜卜，肉質還好，有肉汁。香腸有兩隻口味，腸衣幾脆，內餡味道濃郁。
鴨屎香檸檬茶兩杯
另加一碗自慢牛肉秘汁撈麵 48元：牛肉相當多，啖啖肉，用醬汁煮到入味，鹹鹹甜甜。
品質不錯，價錢唔貴，$3-40一碗麵質素已經相當不錯。
