![可言可頌](https://www.letseatoutdiary.com/wp-content/uploads/2024/07/img_1800-1-1080x675.jpg)
可言可頌
深圳保利文化廣場 21/7/2024 16:00
雙人打卡四件套餐 32元
鮮奶藍莓可頌:黑色嘅可頌,非常特別,中間有奶油加藍莓果醬,仲有幾粒藍莓。
鮮奶丸子可頌:可頌本身鬆化,牛油味香,如果新鮮即食的話相信會更加香脆。中間有奶油醬,加左三粒煙煙韌韌嘅小丸子,非常特別。
奧利奧奶油可頌:就係基本嘅味道上邊換上Oreo餅乾,可惜比較腍。
芝士火腿雞蛋可頌:除咗有芝士火腿仲有雞蛋,加上蛋黃醬,非常飽足。
![](https://www.letseatoutdiary.com/wp-content/uploads/2024/07/img_0056-1024x768.jpg)
![](https://www.letseatoutdiary.com/wp-content/uploads/2024/07/img_1702-1024x768.jpg)
![](https://www.letseatoutdiary.com/wp-content/uploads/2024/07/img_1839-1024x768.jpg)
![](https://www.letseatoutdiary.com/wp-content/uploads/2024/07/img_1840-1024x768.jpg)
![](https://www.letseatoutdiary.com/wp-content/uploads/2024/07/img_1841-1024x768.jpg)
![](https://www.letseatoutdiary.com/wp-content/uploads/2024/07/img_1842-1024x768.jpg)
![](https://www.letseatoutdiary.com/wp-content/uploads/2024/07/img_1800-1024x768.jpg)
深圳保利文化廣場 21/7/2024 16:00
雙人打卡四件套餐 32元
鮮奶藍莓可頌:黑色嘅可頌,非常特別,中間有奶油加藍莓果醬,仲有幾粒藍莓。
鮮奶丸子可頌:可頌本身鬆化,牛油味香,如果新鮮即食的話相信會更加香脆。中間有奶油醬,加左三粒煙煙韌韌嘅小丸子,非常特別。
奧利奧奶油可頌:就係基本嘅味道上邊換上Oreo餅乾,可惜比較腍。
芝士火腿雞蛋可頌:除咗有芝士火腿仲有雞蛋,加上蛋黃醬,非常飽足。
麦当劳(尚美科技大厦得来速店) 14/7/2024 14:00
深圳皇庭廣場 14/7/2024 11:00
喺深圳吃喝玩樂群組得知,好多人推介呢間俄士廚房。趁同小朋友慶祝生日,來試一試。
餐廳就係皇庭廣場外圍嘅位置,一直都唔知原來仲有呢啲咁大嘅空間。一入門口就見到非常俄羅斯娃娃,仲有非常特色嘅裝修佈置,環境實在太好。我哋一行五人坐係一張圓形卡位,非常舒適。服務員仲提供BB椅,兒童餐具等,非常細心。點評有好多唔同類型嘅優惠券,價錢唔貴。
必吃榜雙人套餐 238元
奶香蘑菇湯:味道非常濃郁,濃濃嘅蘑菇味,非常之忌廉味,好味。
黑咧包:一籃麵包大大個,本身麵包好鬆軟,仲有啲果仁,加上士多啤梨果醬,係一個非常好味嘅餐前小吃。
俄式伴香雞:估唔到係薯蓉沙律,口感非常綿密,材料豐富,味道不錯。
三色藜麥沙律:非常健康嘅一味,加上有子醬汁非常之清爽,估唔到咁好食。
沙士雷可雞:擺盤實在太浮誇,就好似一把劍放喺你張枱咁,服務員再幫你取出雞肉。雞肉外皮脆脆的,肉質非常嫰滑,充滿肉汁,再沾上醬料,實在太好味。
黑椒朗姆牛扒排:以鐵板承上,切開牛扒粉粉紅紅,熟成度剛剛好,牛味濃郁,口感軟滑,質素十分高。
俄式罐燘飯:細細一罐,但係非常好味,飯底有豐富嘅材料,超濃郁蕃茄醬料撈勻,仲有兩件牛肉有肉有筋,係我最鍾意嘅口感。
兒童套餐 38元:賣相有驚喜,簡直係一個鹹味版嘅蛋糕,我哋就借來當生日蛋糕。下邊係蛋炒飯,上面有大大塊好味雞扒,再加上唔同嘅水果,卡通公仔山楂捧,又靚又好味。
因為小朋友生日,最後餐廳送上俄式蛋糕,第一個奶油味豐富嘅千層蛋糕。另外點評打卡中獲得一個非常好味嘅焦糖燉蛋及一個雪糕球。
餐廳環境靚,服務佳,食物超乎預期嘅好味,價錢唔貴,值得encore!
探險家餐廳
1/7/2024 13:00
午餐揀咗呢一間喺餐廳,貪佢位置夠大,坐得幾舒服,而且冷氣都好夠。
探險家兒童餐 78元:兒童餐放喺一個自製嘅飛船模型上,非常給睛。主食有茄汁通粉,醬汁夠夠、薯條、炸蝦脆卜卜。仲有一件朱古力味濃嘅布朗尼蛋糕,以及大大杯橙汁。
意大利培根白菌披薩 98元:估唔到個Pizza咁大哥,都係啱啱出爐,材料豐富,賣相一流。餅底鬆化,芝士超級多,仲有大量嘅香腸同蘑菇,拍得住西餐廳出品。套餐仲包一杯飲品,相當抵食。
野趣牛筋肉湯麵拌餃子 68元:一碗普普通通,平平無奇嘅湯麵,餃子算不錯。
星球甜甜圈 38元:甜品非常美觀,大大件甜甜圈上邊有一個朱古力星球。
雲尼拿蘋果慕斯 28元:蘋果造型慕斯,中間係雲呢拿味,加上蘋果醬,好睇又好食,呢個仲更加抵食。
埋單310元,以內地消費黎講唔平,但以主題樂園嚟講算係好抵食。坐得舒服,值得俾。
深圳筍崗寶能環球匯 23/6/2024 16:00
一人炸雞太快樂 46元
蜂蜜芥辣艾薯新鮮即炸,厚身,薯味十足。
蜂蜜芥辣寶藏炸雞熱辣辣,外皮脆脆的,雞肉甜甜,有肉汁,加上芥辣汁非常濃郁。
爆汁杏鮑菇外皮脆脆,充滿着菇肉汁,口感煙煙韌韌,估唔到咁好食。
深圳塘朗寶能環球匯 16/6/2024 16:00
漏奶華 35元 真跨張,朱古力漿爆晒出黎。多士薄身,香脆。
抹茶漏奶華 抹茶版又黑又綠,中間換左抹茶爆漿,仲加左抹茶粉,微苦綠茶味香濃。
金魚氣泡水非常可愛,酸甜解渴。
威靈頓牛扒 58元 估唔到咁高質,賣相靚,外皮酥皮脆脆的,牛油味香,中間大大件牛扒,非常厚身,七成熟剛剛好,牛味濃又有肉汁,磨菇汁味道香,十分不錯。