by admin | 4 月 1, 2024 | 2024 復活節六人行台北之旅, BB Friendly, 兒童餐, 台北, 西餐
Movenpick Cafe@慶城街 1/4/2024 13:00
12:30 離場,決定返酒店附近食,時間掌握得好啲。點知棋差一著,無考慮時間已經12點幾。手頭寫左幾間有興趣的,天仁茗茶已入滿坐,行去慶城街春水堂都係滿座。無諗過訂位的重要性,無台灣電話號碼嘅旅客訂位亦比較麻煩,差啲冇飯食,下次醒目一定要叫酒店幫忙。
最後遇到MOVENPICK。本身餐廳都話無位,可能見到我地一家大細又旅遊,最後好好地安排左張六人枱俾我地,實在太感謝。
櫻桃鴨胸芥子義大利麵 NT$348: 鴨胸意大利麵,冇乜特別。
普羅旺斯燉菜雞肉焗飯 NT$318: 熱辣辣忌廉汁焗飯,材料都好豐富,充滿着芝士,雞肉都好多。
商業午餐附送番茄湯、香蒜包、蜂蜜檸檬汁,份量幾多,好抵食。
香蒜焗烤田螺 NT$170: 熱辣辣,蒜味足,芝士十分多。
松露焗蛋佐荷蘭醬 NT$220: 非常豐富嘅焗蛋,加上松露香味。
海陸總匯披薩 NT$330: 大大個Pizza充滿着海鮮配料,芝士味十足。
兒童餐揀左奶油蘑菇雞肉燉飯、湯、橙汁 NT$260: 賣相幾靚,非常豐富。
埋單連加一NT$1811, 份量多,正正常常的西餐。
by admin | 4 月 1, 2024 | 2024 復活節六人行台北之旅, Uncategorized, 台北, 台式, 快餐, 西餐, 麵包
麥味登 1/4/2024 09:00
今日係行程嘅最後一日,先check out 酒店,寄存行李。幫我哋辦手續嘅係日籍職員,似乎係高層,普通話都非常純正。一切冇問題可退回NT$2000信用卡按金。
搭捷運嚟到忠孝新生站,車站附近就有一間台灣老麥味登。店面唔太大,還好都仲有位坐。
原塊嫰雞起司蛋滿分堡+豆漿紅茶+菜脯蛋 NT$130
原塊燒雞真係勁大塊,仲有芝士雞蛋,非常豐富。配上菜脯蛋,係一個好台式嘅快餐。
黑胡椒豬里肌強滿分堡+可可牛奶+雞塊NT$130
豬肉里肌加咗黑胡椒,更加香口。可可牛奶味道濃郁,炸雞快香脆好味。
超厚牛肉起司蛋可頌+拿鐵+黃金脆薯NT$180
牛肉漢堡真係非常厚身,有肉汁,可頌麵包牛油味香,非常鬆軟,加上芝士蛋,仲有酸酸甜甜嘅醬汁,非常好味。
卡滋雞腿蛋丹麥+豆漿紅茶+菜脯蛋 NT$135
雞腿扒煎得香脆嫰滑,肉汁豐富,丹麥麵包牛油味香,非常不錯。蛋是重點,絕對值得加。
台西合壁,新鮮熱辣,味道好好,埋單共NT$575,抵食!
by admin | 3 月 28, 2024 | 2024 復活節六人行台北之旅, BB Friendly, 台北, 旅遊, 甜品, 西餐, 飲品
化石先生熊貓主題餐廳 28/3/2024 12:30
行完山下園場都12點,午餐就係最人氣嘅熊貓館二樓,新開嘅「化石先生 熊貓主題餐廳」。餐廳人氣相當高,評分4.6,係動物園裡最高質餐廳。黎到已經要排隊等一陣位。餐廳座位舒適,靠窗位置仲可以見到樓下嘅熊貓。餐單主打西式輕食,選擇都相當多。
焦糖拿鐵NT$150、鳳梨蘋果汁NT$180、奇異果汁NT$180、鳳梨冰茶NT$150﹕果汁類全部鮮即榨,味道有驚喜,水果新鮮酸酸甜甜,仲有果肉。咖啡味道香濃,不錯。
奶香蘑菇燻雞意麵 NT$300﹕意麵質地煙韌,奶油醬好香奶味,非常忌廉咪,材料都多,雞肉、蘑菇、西蘭花等。
青醬海鮮意麵NT$350﹕第一次試青醬,醬料有香草味,估唔到咁香濃咁惹味。海鮮料非常多,味道對板。
肉醬麵NT$280﹕肉醬相當豐審,正正常常。
章魚燒比薩NT350﹕賣相吸引,薄脆餅皮新鮮熱辣脆卜卜,醬料多,甜甜的,芝士多,海鮮料亦多,好有日式風味。
炸物拼盆NT300﹕款式多,香脆可口,洋蔥圈最好味,仲有魚柳、炸雞肉質都OK。
提拉米蘇NT100、彩虹蛋糕NT190﹕蛋糕賣相都好靚,彩虹蛋糕非常吸睛。蛋糕鬆軟味道略甜,但個人幾鍾意。仲有一款小熊貓蛋都相當出名,可惜賣晒。
埋單NT2,530,唔算太平但又唔算貴,坐得舒適,味道都不錯,主題景點餐廳算可以吧。
by admin | 3 月 17, 2024 | BB Friendly, 兒童餐, 沙田, 西餐
沙田第一城 17/3/2024 12:30
鹽燒牛舌蛋蓋飯 $72
幾塊厚切牛燒舌歐美九龍,但係略嫌江生咗啲,蛋包飯中間喺返茄汁炒飯,味道不錯,還好蕃茄醬夠多,仲有啲番茄肉。
香燒雞扒配露絲瑪莉燒汁意大利粉 $82
雞扒大大塊,燒汁醬汁味濃,仲有啲秀珍菇,意粉硬度適中,仲有好多車厘茄同埋瓜菜,好健康。
兒童餐:賣相靚,擺盆有心思,主菜有忌廉蘑菇卡邦尼意粉,味道幾濃。小食仲有牛油粟米,香甜。仲有幾件麥香雞。甜品有迷你窩夫,可以自行加上朱古力醬同埋迷你棉花糖。,小朋友最開心。
2/6/2019 12:00
今日嚟到沙田第一城一間簡約西餐廳,套餐非常之抵食,都好適合小朋友,坐得舒服。 午餐包括餐湯、主菜、飲品。 忌廉湯非常之濃郁。叫咗一份牛肉蛋包飯,份量相當多,牛肉給林滑,蛋包飯正常發揮。 咖啡都相當濃郁,奶味適中,加少少糖就啱啱好。
by admin | 1 月 30, 2024 | BB Friendly, 西餐, 馬鞍山
馬鞍山 30/1/2024 12:00
非常之鍾意薩莉亞嘅羊扒, 70幾蚊有三大件,件件都肥瘦適中,熟成度剛剛好,羊膻味濃,肉汁豐富,好過好多西餐廳。你一樣最鍾意就係法式焗田螺,調味幾好,啖啖肉,而家唔係好多地方有得食。墨魚汁意粉醬汁鹹鮮味,仲有幾條魷魚圈,四十蚊一碟真係冇投訴。小朋友就最鍾意食肉醬多莉亞,蕃茄味濃,加上忌廉,撈飯一流。
馬鞍山 31/12/2023 18:00
平平哋已經有焗田螺食。
70幾蚊有三件羊扒,啖啖肉肥瘦適中,羊膻味濃夠,大滿足。
by admin | 12 月 27, 2023 | 小食, 深圳, 甜品, 西餐
深圳萬象前海 27/12/2023 17:00
下午食個下午茶, Green table又有優惠下午茶餐。
雙人下午茶 68.8
正常點評優惠都要140元,岩岩秒殺買到68.8實在太抵。
白桃果凍烏龍:非常靚,飲品係漸變色,粉紅尊王,仲加咗一片裝飾嘅葉,味道酸酸甜甜,茶味幾香。
奇異果青檸梳打:簡簡單單燈一杯綠色飲品,梳打味幾重,檸檬夠酸。
抹茶巧克力熱香餅:賣相靚,同餐牌相片100%match。熱香餅蛋味濃,到鬆軟,抹茶醬林滿成隻碟,仲加咗雲呢拿雪糕球,加一啲朱古力點綴,仲有幾片香蕉,非常好味。
蜂蜜芥末炸雞拼薯條:非常龐大的一碟,芥末炸雞都好多件,唔算瘦得好脆,但係蜂蜜味道濃。薯條非常新鮮香脆。