by admin | 5 月 12, 2024 | BB Friendly, 深圳, 燒烤, 韓國菜
深圳中航城君尚購物中心 12/5/2024 11:00
慶祝母親節食好野，即興想食燒鰻魚，就黎到呢間最出名嘅北村韓食。11:00未到，門口已有一大堆人等緊位，我地拎五人枱籌號，估唔到係C01號。夠鐘開門，叫號次序係由大枱開始再叫細枱，所以好幸運係全場第二張入座，仲坐到一個闊落嘅梳化位，三人坐梳化都算可以接受。
外面有自助醬料可以自由選擇，一般燒烤用嘅醬料都齊全，仲有好多泡菜、醬菜任添。最值得試就係南瓜粥無限喝，店家話十幾年來客人一直推薦，的確味道香甜，仲有好多南瓜蓉，真材實料。
活炸鰻魚主打雙人套餐 點卜5198元
套餐都幾豐富，除左有主打鰻魚，仲有幾款燒烤料及飽肚飯等。
小魚戲花生﹕辣花生配魚仔乾。
黑胡椒大片牛排﹕大大片牛排，肥瘦適中，肉質腍滑，口味甜甜帶微辣，連小朋友都好鍾意。
碳烤活鰻魚﹕鰻魚勁厚身，油分好多，肉質幾腍又無骨，加上香甜鰻魚汁及海苔，好鮮美。比之前食過嘅燒鰻更好食。
厚切黑豬五花﹕豬五花非常厚切，肉質比較實，亦無特別加調味，只自行落幾粒鹽，感覺給比下去。
另加散叫幾款，價錢都唔貴。
秘制泡汁薄切牛舌 48元﹕雖然係薄切但係都幾大碟，牛舌香甜醬汁醃過入晒味，口感幾爽口。
秘制牛肋條 58元﹕兩大條牛肋條，筋位比較多，有口感。比較以下牛排更勝。
韓式烤腸 29元﹕肉香味濃比較腍身嘅烤腸。
魚籽蔬菜沙拉﹕蔬菜新鮮，芝麻醬酸甜好開胃。
金槍魚拌飯﹕都幾大碗，有吞拿魚碎仲有好多飯素，甜甜地撈飯幾好味。
入座打卡送可樂。
全程有小哥哥幫燒，但小哥似乎係新手，成日得老細提點。開店初段似乎職員未返齊工，人手較少，一位小哥負責走幾枱，所以有段時間個爐灘左好耐都野燒，所以Hea坐好耐都未有野食。最後食足1.5小時走人，埋單補140元。
離開時見到出面等位更加誇張，坐左唔知幾多層人，人氣實在太勁。
by admin | 3 月 24, 2024 | BB Friendly, 深圳, 燒烤, 韓國菜
深圳KKone 24/3/2024 12:00
終於黎到呢一家人係非常高嘅烤肉。早少少嚟唔使等位，但係入邊都幾爆滿。
甄選鰻魚雙人餐 298元
前菜幾款，有泡菜，大豆芽菜，沙律，薯仔沙律，泡菜微辣不酸，非常新鮮。
醬料有孜然粉，甜麵醬等，仲有主打嘅芝麻醬，相當杰身，芝麻味濃，加上醬油，帶輕微酸味，配牛肉一流。
韓式豆腐湯，味道濃，豆腐非常多，而且非常滑，辣味比較重，非常惹味。
幾碟肉類包括：牛大力牛味濃，但肉質比較實淨。豬扒調味香濃，肉質滑。肥牛肥瘦適中，冇特別調味，自行加上芝麻醬，非常好味。
主菜鰻魚肉質肥美，完全冇骨，油份重，加上鰻魚汁燒烤，香味濃郁，用紫菜包住非常好味，但唔油膩。
最後仲有新鮮蘑菇，估唔到燒烤味道鮮美，非常濕潤。
打卡送酸梅汁，酸微微夠解渴。
點評送冰糖草莓非常澎湃的一碗，冰底打得碎，淋上士多啤梨汁，仲有好多冰糖草莓，非常好味。
環境都算舒適，有BB魚同小朋友餐具。全程有個小哥哥幫忙燒烤，服務非常好。
by admin | 3 月 3, 2024 | Blog, 旺角, 樓上cafe, 韓國菜
3/3/2024 12:00
今日出旺角，朋友介紹去旺角726大廈搵食，原來交通都幾方便，全座大樓都好多食肆。
揀咗呢一間非常之正宗嘅韓國餐廳，餐廳細細，坐梳化位都幾舒服。
店員先送相前菜三款，泡菜輕微辣，非常新鮮。大豆芽菜麻油味香，非常爽脆。
無骨芝士燉雞 $278
實在太豐富，一大盤嘅份量，足夠3至4人分享。材料豐富，無骨雞肉大大件，都好多舊，肉質其實有啲實。好彩仲有好多煮到入晒味嘅薯仔、紅蘿蔔等。最好味當然係索晒醬汁嘅冬粉，非常之滑溜。醬汁甜甜的，小朋友都好鍾意。選擇加芝士版實在冇揀錯，芝士勁厚，份量超多，咸鮮味十足。
牛肉紫菜包飯 $78
賣相討好，每件材料都好豐富。紫菜脆卜卜，有麻油香，包住飯、黃瓜、甜蛋等，牛肉應該用醬汁煮過，非常之香甜。
藍檸梳打 $32
藍色嘅飲品，大大杯，非常吸睛。檸檬本身都好新鮮，梳打微甜，正好解膩。
全餐感覺非常正宗，值得一試。但價錢略貴，未必會返轉頭。
by admin | 1 月 24, 2024 | BB Friendly, 日式燒肉, 深圳, 韓國菜
文和百川·活鳗鱼炭火烤肉@ 深圳Halo 廣場 21/1/2024 12:00
今日黎到筍崗食文百川，終於一試等咗好耐嘅鰻魚燒烤。叫咗一個點評二至三人餐（172元）
自助醬料選擇非常多，有辣有唔辣。
炭烤活鰻魚小份有八大件，喺炭爐上面燒烤，油分慢慢出嚟，熊貓呀睇住佢慢慢烤熟好吸引，最後再龍上鰻魚汁，用紫菜包住再加上一啲芝麻，入口非常之鮮味，有分十足，肉質肥美，相當不錯，不過油份太多，小試幾舊已經好足夠。
有幾款唔同嘅肉，雪花隔膜、秘制鮮肥牛、招牌五花肉，每款燒熟之後味道差唔多，可以自行用唔同嘅醬料調味，再用生菜包住更加清爽。幾欣賞呢度嘅菜非常之新鮮清甜，可以無限任加。
烤風干小腸肉外皮脆卜卜，肉汁豐富，不錯。烤土豆燒熟之後都係腍身。
麵包冰淇淋係將幾塊方包烤熟微焦，另外再自行擺上雲呢拿雪糕，冰火交融，雪糕奶香味濃味道不錯。
點評打卡送你一個芝士烤南瓜，芝士好厚，南瓜蓉好甜，相當唔錯。
難得有一間燒烤餐廳環境舒服，座位舒適，非常適合小朋友。全程服務員幫手燒烤，服務一流。
by admin | 7 月 2, 2023 | 沙田, 甜品, 韓國菜
沙田 2/7/2023 12:00
傳統飯卷$72 賣相好靚，橫切面見到材料好豐富，蘿蔔、雞蛋、醬菜等。紫菜夠脆，麻油味香。飯卷包得實淨，
菠菜雞肉千層麵 $78 千層麵賣相好靚，芝士舖滿面，醬料多材料多，菠菜、雞肉味道配合，口感豐富。
清甜柑橘窩夫$98 非常豪華嘅窩夫，大大件窩夫，淋上忌廉，仲有好多粒柑橘。窩夫熱辣郊，外脆內軟，蛋味香。忌廉奶香味濃，柑橘非常清甜，橘子香味正好解膩。
濟洲柑橘乳酸梳打 $48﹕估唔到一個梳打可以整到咁靚，黃紫漸變乳酸梳打酸酸甜甜，有柑橘香，不錯。
擺盆賣相靚到不得了，味道算不錯。
by admin | 6 月 18, 2023 | BB Friendly, 親子餐廳, 觀塘, 鐵板燒, 韓國菜
炑八韓烤親子餐廳@觀塘
18/6/2023 12:00
慶祝父親節。
$158 每位兒童入場費包一份兒童餐，揀咗一款小兔蛋包飯，一份蝸牛紫菜包飯。每份兒童午餐賣相都非常之得意可愛，份量都足夠。蝸牛壽司造型實在太可愛。
韓國公主裙蛋包飯城堡賣相都相當及正，立體感十足，但播放味道都不錯。
每位成人最低消費$150 ，揀咗幾款燒烤同埋幾款熱食。
芝士無骨炸雞$158、蜂蜜牛油味$118，炸雞炸得香脆，啖啖肉，唔油膩，調味都落得足夠。
燒烤揀咗牛舌$138、韓牛前胸肉$158、厚切五花腩$138、烤豬五花$118。有爐邊雞蛋無限任加，仲有各式韓式小食、生菜都可以添加。
王牌士多啤梨乳酸梳打$48
消費都唔平，勝在有兒童遊樂區有波波池，有得食有得玩，消磨半日都算可以。
5/5/2019 13:00
新開親子餐廳賣廣告賣得咁行，搞到我都心思思趁下墟。
餐廳位於觀塘，地點實在太唔就腳，出左地鐵站仲要行近十五分鐘，唔係有什麼特別係絕對唔會行過黎。約左5月5日一點場，提早少少到已見一家大細排隊等入場。
一入場就見到兒童遊樂區，靚係的確幾靚，但地方唔算大，波波池、廚房玩具等，總算應有盡有。入場第一件事就係幫小朋友租韓服，兩歲碼嘅碼岩岩好。韓服仍好新淨，影相幾靚。
睇睇餐牌，之前廣告所賣嘅套餐已經瘋狂加價，睇落唔太抵食，最後決定散叫幾種過下口癮。另外，隨餐奉送前菜尤其泡菜係不錯的。
甕配韓牛五花肉 $168
只係叫左一款燒烤食品，兩大條五花肉，調味不錯的。燒烤來講，反而最突出係爐邊泡菜蛋同芝士粟米，無限任添，而且味道非常好味，絕對係MVP之選。
蜂蜜牛油炸雞半隻 $88
炸得幾香口，仍有肉汁，味道還好，薯條都非常新鮮熱辣。
韓式炒粉絲 $78
配料夠多，味道不錯，幾有鑊氣，又夠大碟，抵食。
朱古力蛋糕冰沫 $68
賣相討好，非常澎湃，材料都好多。牛奶味冰沬好幼細，加朱古力配搭一流。再加埋極邪惡嘅朱古力醬。
星期日玩2.5小時，兒童入場費多謝$130，包一份所謂的兒童小食係幾塊餅乾仔。加埋自己落單嘅野食，埋單$630，一家三口連玩連食係可以接受嘅。野食係正確質素，但礙於位置實在太唔方便，而且遊樂區唔算十分大，真係玩一次就夠。
