深圳景田婦兒大廈 15/5/2024 15:30
下午茶選擇呢間靚咖啡廳食三層架。
點評買券繽紛英式下午茶118.8元
有三層架點心拼盆下午茶配三杯飲品。賣相一流，瘋狂打卡。點心有一杯提拉米蘇，口感幼滑，咖啡、忌廉芝士味平衡不錯。芝士蛋糕味道濃，口感黏稠，不錯。黑松露野菌酥塔，黑松露味又好濃，野菌味又好夠，塔餅係曲奇皮，幾鬆脆，不錯。香芒蝦酥塔，蝦肉大大件，加上香芒忌廉奶香味重帶微酸。青醬面包烘得幾脆。雙魚麵包係吞拿魚配燒三文魚多士，加上沙律醬，配搭幾得意。火腿麵包係多士配煙火腿加生菜。牛酒果盞，一個餅皮上舖滿牛油果。另外兩款相應該係餐單上轉左款，一個雜果撻味道香甜。另一個係辣肉碎撻，肉碎香甜帶辣味，好刺激。
揀左三杯飲品都唔錯，賣相仲好得。巧克力生椰可可，熱的朱古力味同生椰配合得宜，味道濃甜。凍的雖然沖淡少少但味道仍然不錯。生打椰香芒有好多芒果肉，配椰汁係絕配。
另加9.9元有多一件芝士蛋糕配咖啡。簡單揀左冰美式咖啡味純香。
一個字靚，味道還不錯。香港呢個價錢一定食唔到。
深圳景田婦兒大廈 15/5/2024 11:00
景田婦兒大廈就好似一個小社區咁，裝修得幾得意，下面有唔少餐廳。時間尚早選擇食呢個Pizza。
酷兒兩件套餐 39.9元，包括烤奧爾良雞翼，大大隻，肉汁幾豐富，微辣幾惹味。美式土豆培根披薩6寸細細個，餅皮幾鬆軟，薯仔大大片，煙肉咸香，上面舖滿芝士，非常咸香。
爆汁流心雙腸仔 26.5﹕一款係肉腸，另一款係芝士腸，兩款外皮都脆脆，中間真係爆晒汁，味道香濃。
濃香咖哩雞拼芝士肉醬焗飯 27元﹕熱辣辣香味十足，一半係甜咖哩，仲有好多薯仔雞肉。另一半係香番茄肉醬，上面舖滿芝士，正好撈飯。
草原牛肉串 17元﹕估唔到肉質不錯，調味亦不錯。
食物不錯，環境不錯，適合親子。
深圳連城新天地
12/5/2024 17:00
今日來食下午茶，叫左一份下午茶餐王炸小食拼盆配飲品 52元。賣相不錯，雞翼最好味，大大隻，都甜甜蜜蜜。太好食，加配多一份雞翼只需8元。
水餃公仔麵配飲品 30元
28/4/2024 18:00
餐廳外面是長期排隊的人氣麵包檔，10元/4個麻糬包包，有四種口味，綠茶、紫薯、蔓越莓、芝麻。個個都大大個，口感煙煙韌韌，外皮脆脆的。
深圳皇廷廣場 28/4/2024 18:00
晚餐選擇買飯團外賣，先係小程序落單，去到即刻有得拎。
爆漿芝士飯團 17元：飯團新鮮即整，熱到新手，飯底係紫米比較實淨，切開一半見到材料非常多，呢款有芝士、火腿、菜脯、油酥、香鬆、生菜、沙拉醬，口感豐富。
原味飯團加牛肉 18元：另一款揀原味就無左芝士火腿，換滷蛋、菜脯、香菇、黃瓜，再另外加左牛肉，微辣更惹味。
馬鞍山 18/4/2024 09:00
會員$8.8 漢堡唔算太大個，包裝精美乾淨企理，賣相不錯。
燒汁牛肉漢堡：麵包幾鬆軟，中間有好多醬汁肥牛，菜，加上沙律醬，肥牛肉質不錯。
日式麻醬煎雞蛋漢堡：原本一個漢堡應該冇蛋，職員似乎錯誤加送咗一件蛋。雞扒大大件，外皮脆脆地，中間有肉汁，加上芝麻醬味道都幾濃，加埋蛋更加飽足。
1/4/2024 13:30
午餐後仲有少少時間，飛快地去酒店後的百貨店買幾盒口罩。Hello Kitty 又平又靚。
14:00 返到酒店執好行李，安頓好就等司機。
14:30 司機先生準時到達，著晒成套西裝，好禮貌。好呢架車仲大，仲舒服。上車時多位酒店職員仲出嚟幫手拎行李，歡送我哋。
15:15 已經到機場，車費NT$1,300，真係抵俾，舒服到全世界都瞓晒覺。
去到櫃檯既行李，都要排一陣隊，完成之後喺機場周圍行吓。首先有長榮航空Hello Kitty Check in Counter打卡位。做過功課，南北兩邊有展望平台，仲有手信街。仲有一個Lego機場展區。
16:30 差不多時間過關，雖然無優先通道，但整個流程都好快。人工櫃位過關基本唔使等。
馬祖新村
1/4/2024 17:15
之後行到近候機室，有一個類似美食廣場，買馬祖新村車輪餅。機場限定只得兩款口味，排隊都排咗一陣，人氣甚高。
NT$ 330/ 6件 兩款口味各三件。新鮮即製，熱辣辣，蛋糕蛋味重，好鬆軟。中間內餡流心爆晒出嚟，一款是好事花生，非常濃郁。另一款係古早奶油，未到微甜，香氣十足。
候機室附近仲有Hello Kitty遊樂室，裝修非常之可愛，可以俾小朋友玩一陣。
夠鐘登記，只得一部勁細嘅升降機，呢個比較麻煩，但係登記流程都好快。最後準時起飛離開台北。
機上座位都係舒適的，小朋友亦有扭計骰禮物。今日嘅飛機餐係麻油雞飯，份量唔少，雞肉幾滑，汁夠多，啱晒撈飯，味道不錯。除餐仲有零食小吃，蘋果汁等等。
20:00 準時返到香港，完成六日非常好玩嘅旅程。