茶百道
深圳羅湖筍崗 21/1/2024 15:30
去完筍崗文具玩具批發市場喺出邊見到呢間茶飲店，點評又有優惠券，非常抵飲。
豆乳米麻糬 15.6元：大杯真係非常大杯，豆乳味好濃，咪麻糬非常多，非常煙靭，米味香濃。
紫米芋圓豆乳 9元：豆乳味香濃，放咗好多紫米，煮多夠軟爛，芋圓煙煙韌韌，非常飽肚。
霸王茶姬
深圳Halo 廣場 21/1/2024 12:00
味道不太甜，茶味香奶味濃。份量大杯，價錢合理。環境舒適，服務態度佳。
星河Coco City 10/12/2023 16:00
桂子飄飄，伯牙絕弦 36元
桂子飄飄係桂花烏龍加牛乳，上邊仲有香草奶油，在灑上果仁碎，賣相非常討好。飲品本身茶味都香濃，飲咗一陣之後奶油開始溶化，奶味更加香。
伯牙絕弦係茉莉茶底加牛乳，茶底非常之香，奶味都好平衡，選擇咗少冰微甜，飲得出茶本身嘅香味。
喜茶
深圳印力 14/1/2024 15:00
水牛乳雙拼抹茶 19元
抹茶味香濃。
深圳水貝KK Time 3/12/2023
今日黎到水貝KK Time，就係商場一樓見到喜茶。見天氣咁凍，叫杯熱辣辣嘅飲品先。 差不多等左三十分鐘，一杯熱辣辣奶茶就送上。
熱芋圓牛乳茶 15元
冬天選擇比較燙溫度，適合寒冷天氣。芋圓煙韌彈牙，微甜不錯。奶味濃甜。十幾蚊大大杯抵飲。
奈雪的茶
深圳印力 14/1/2024 12:00
霸氣奶香香草莓，非常可愛嘅貓貓主題。
士多啤梨味較多，夠冰凍。
24/7/2023 16:00 深圳睿印
睿印分店有座位，還好店外商場位置有圓檯可以坐，比較涼爽。下午茶相當豐富。
霸氣一桶桃 Y28，一公升真係好霸氣，蜜桃沙冰加好多果肉，仲有啫喱，相當涼快。
生椰拿鐵 Y9.9 ，用團購優惠相當平。
MINI 生甜圈 Y9.9，細細隻最岩小朋友。
草莓厚乳大福 Y9.8， 賣相吸引，非常靚，甜甜又好味。
MINI 霸氣葡萄罐子蛋糕 Y20 蛋糕有層次感，不錯。
MINI提拉米蘇罐子蛋糕 Y20 咖啡味濃帶酒香，中間濕潤，不錯。
御蝶坊
深圳歡樂港灣 27/12/2023 16:00
原味老婆餅半打 14.8元：原來呢間麵包店主打老婆餅，仲新鮮即製，見到製作過程，相當吸引。買咗半打老婆餅，只需要10多元，呢度返屋企，賣相都相當不錯，外皮夠酥皮，蛋味香，中間餡料不太甜，幾好味
牛奶小蛋糕 10.8元：賣相相當不錯，都有好多小粒，口感幾鬆軟，牛奶味蛋香味重。
Green Table
深圳萬象前海 27/12/2023 17:00
下午食個下午茶， Green table又有優惠下午茶餐。
雙人下午茶 68.8
正常點評優惠都要140元，岩岩秒殺買到68.8實在太抵。
白桃果凍烏龍：非常靚，飲品係漸變色，粉紅尊王，仲加咗一片裝飾嘅葉，味道酸酸甜甜，茶味幾香。
奇異果青檸梳打：簡簡單單燈一杯綠色飲品，梳打味幾重，檸檬夠酸。
抹茶巧克力熱香餅：賣相靚，同餐牌相片100%match。熱香餅蛋味濃，到鬆軟，抹茶醬林滿成隻碟，仲加咗雲呢拿雪糕球，加一啲朱古力點綴，仲有幾片香蕉，非常好味。
蜂蜜芥末炸雞拼薯條：非常龐大的一碟，芥末炸雞都好多件，唔算瘦得好脆，但係蜂蜜味道濃。薯條非常新鮮香脆。
