沙田 2/7/2023 12:00
傳統飯卷$72 賣相好靚，橫切面見到材料好豐富，蘿蔔、雞蛋、醬菜等。紫菜夠脆，麻油味香。飯卷包得實淨，
菠菜雞肉千層麵 $78 千層麵賣相好靚，芝士舖滿面，醬料多材料多，菠菜、雞肉味道配合，口感豐富。
清甜柑橘窩夫$98 非常豪華嘅窩夫，大大件窩夫，淋上忌廉，仲有好多粒柑橘。窩夫熱辣郊，外脆內軟，蛋味香。忌廉奶香味濃，柑橘非常清甜，橘子香味正好解膩。
濟洲柑橘乳酸梳打 $48﹕估唔到一個梳打可以整到咁靚，黃紫漸變乳酸梳打酸酸甜甜，有柑橘香，不錯。
擺盆賣相靚到不得了，味道算不錯。
深圳皇庭廣場 14/5/2023
喺香港甚少見到，中國非常之可愛嘅一款小食甜品。一個係好多分店嘅連鎖品牌，仲喺皇廷廣場仲有一間，雪櫃色彩鮮艷嘅冰糖葫蘆，估唔到冰糖葫蘆都可以有咁多味道。
最大路嘅士多啤梨，大大吋，每一粒士多啤梨酸酸甜甜，果汁豐富，再加上脆卜卜嘅冰糖，味道相當唔錯。
皇庭廣場 1/4/2023
沾喜小串套餐 17.8
草莓、聖女果、紅提、紅米、白糯米。
山楂配紅米白糯米，本身酸酸地，加上甜味。
水果款式嘅最鍾意係草莓，味道偏甜。估唔到連紅提都上都好食，一咬落去爆曬汁，清清甜甜。聖女果更加多汁。
坑口 30/4/2023 11:00
壽司郎黎到香港已經開咗好耐，咁耐都未試過，今日嚟到坑口發現仲可以網上預約。憑網上預約到店，等一等就可以入座，減省好多排隊時間。
用平板電腦落單，睇圖片揀嘢食，送餐直接送到座位，出菜速度非常之快。
叫咗幾款魚生類別，三文魚幾先甜，吞拿魚腩非常之肥美，啖啖油香。最鍾意火炙系列，暖暖地加上沙律醬幾好味。帶子都好鮮甜。碎吞拿魚軍艦只需要$12 ，非常抵食。總括嚟講魚生都好新鮮。醋飯大少少甜醋味，輕微黏口，幾鍾意呢種壽司飯底。
叫咗一碗豚骨叉燒拉麵，估唔到湯底幾濃郁，質素不錯，拍得住一般拉麵店。天婦羅炸物都新鮮即炸，熱辣辣$19一碗茶碗蒸，滑到不得了，入口即溶，湯底香甜。
最後係甜品環節，估唔到甜品都咁多選擇，朱古力香莓雪糕巴菲特大杯，牛奶味雪糕奶味濃郁香甜，淋上朱古力醬同埋各款雜莓，酸酸甜甜。抹茶口味加上抹茶蕨餅，口感煙韌綠茶味濃。日式布甸蛋味十足。卡達拉娜係芝士味極濃郁嘅蛋糕，凍冰冰。蜜瓜容器裝住酸酸甜甜嘅雪芭。
將軍澳 5/4/2023 12:00
深圳皇庭廣場 1/4/2023
深圳寶安大仟里 1/4/2023 15:00
快樂爆漿雞蛋仔、泥石流爆奶華、巴馬臣芝士薯條、瀑布芝士豬扒包、舊金山西多士、小熊奶茶
