老虎堂甜品專売＠大角咀
15/5/2022 15:00
係商場食完飯行下，見到老虎堂諗住買杯野飲，邊行邊飲。原來隔離有間舖有位可以坐低食甜品。飲品就試得多，甜品真係未見過。店仔細細，幾套枱椅，因為無客，初時仲以為未開門。睇左Menu，原來有唔少選擇。因為太熱啦，所以揀左一份黑糖刨冰＄45。
刨冰送上有驚喜，份量都唔少喎，材料都好多。冰底加左糖水，甜甜地，上面有一大堆芋圓、地瓜圓，煙煙韌韌，不錯。波霸珍珠正正常常，有黑糖味。本身跟蜜花豆無貨，自選揀左小湯圓，原來係粉紅加白色小湯丸，較為軟糯，都ok。
大大份刨冰非常解暑。
たまご園@奧海城
15/5/2022 12:00
小朋友最鍾意食蛋，無意中發現呢間以蛋為主題嘅餐廳。裝修裡裡外外都係蛋嘅橙黃色，幾有趣。
士多啤梨奶昔 ＄48
靚靚嘅粉紅色配白色，小朋友最愛。奶味好夠，帶淡淡嘅士多啤梨味，夠晒凍。
特製5款玉子串燒 ＄78
一次過滿足五個願望，試到五款口味。玉子係非常軟滑，甜味十足。上面分別放左番茄仔、海藻醬、親子三文魚、明太子沙律同蟹肉。
芝心雞漢堡兒童餐 ＄88
兒童餐份量都好多，材料好豐富！一大塊雞肉漢堡好鬆軟，咬開中間芝士唧晒出黎，味道不錯。配菜仲有可愛嘅八爪魚白腸、脆卜卜嘅薯條、蔬菜。最後有兩粒忌廉泡芺。
燉牛肉蛋包飯 ＄118
賣相仲靚過Menu，旋風蛋整得好靚。大大粒燉牛肉排滿，牛肉非常腍，連BB都食得到。燒汁濃厚，撈埋飯一齊食不錯。
士多啤梨梳乎里班戟 ＄78
兩大件梳乎里班戟蛋香味重，非常鬆軟，入口即溶。沾一沾士多啤梨果醬非常好味。
環境都靚，有特色，早啲到可以坐到蛋形圓梳化位，小朋友都好鍾意。可惜係，咁適合小朋友嘅餐廳居然無BB椅，家長要自行安排啦。
春水堂＠沙田
8/5/2022 12：00
春水堂飲品就試得多，今次第一次黎堂食台式料理。假日黎到非常多人，要等一陣位。
紅燒牛肉麵（半筋半肉）＄88
牛肉份量都幾多，台灣麵條軟硬適中，湯汁帶少少辣味，牛肉炆得夠林，最鍾意食牛筋夠晒腍，入口即溶。
豬手魯肉便當 ＄92
便當本身有一碗肉丸湯，清清地無乜特別。配料有些清菜魯蛋，幾舊豬手同肉燥飯。豬手夠腍，幾入味。
酥炸豬排配他他醬便當 ＄82
炸豬扒有兩大件，幾香口，炸皮夠薄。
滷香大腸 ＄48
細細碟，勝在大腸滷得好入味，都夠腍。
黑糖琥珀珍珠拿鐵 ＄39
黑糖珍珠幾彈牙，黑糖味夠香，拿鐵夠奶香。
朱古力珍珠奶茶 ＄38
貪得意有兩隻蝴蝶仔，朱古力都夠濃。
甜品要左呢個珍珠鐵觀音雪糕吐司 ＄58
賣相同圖片都有啲分別。呢個有啲平凡。還好雪糕茶香味幾足，味道都唔錯。吐司熱熱地，口感不錯。
味道唔錯嘅，但價錢的確略貴。大時大節一次無妨，或平時買杯飲品外賣算吧。
17/5/2013 15:00
心花怒放 ($65)
喫茶ちょうぼ@大埔
24/4/2022 12:00
無得去旅行，惟有周圍搵好野食。Bookmark左唔少餐廳，呢間係其中之一。適逢黎大埔玩，午餐就呢度解決。還好時間尚早，入座無耐就開始排隊，人氣甚高。
草莓沙冰 ＄48 充滿士多啤梨香味，凍冰冰嘅飲品。
玉子蟹肉炒烏冬＄92 有唔少蟹肉、雜菌炒烏冬。
日式紅酒燉牛肉蛋包飯 ＄115 大大件蛋包飯，即席即開蛋皮，蛋汁流晒出黎，蛋非常嫰滑，再加上日式紅酒汁，非常香濃。牛肉腍腍的，相當入味。
忌廉水果三文治加＄28配一份甜品，揀左每日限定嘅水果三文治。橫切面好吸引，大大件水果。麵包幾鬆軟，忌廉唔甜，加埋水果好清爽。
另外叫左個日式布甸，器具靚，普通一個布甸都可以整得靚。布甸蛋香味濃，入口即溶，不錯。
食物味道好，餐廳靚，不錯。
Sweets House Cha Cha @尖沙咀
10/4/2022 12:30
今日嚟到尖沙咀喺美食廣場食完個午餐之後，就喺出邊買雪糕做甜品。見到今日有期間限定雪糕，實在太靚啦，係我哋最掛住嘅日本櫻花。
櫻花盛放 $52
揀左綠茶牛奶兩溝雪糕底，上面加左士多啤梨、花沾餅、類似果蓉忌廉，仲淋上士多啤梨汁。實物同相片100% match！！
雪糕幼滑，配上士多啤梨酸酸甜甜，仲食到有櫻花香味，呢個配搭好好味。不過，如果揀原味牛奶的話，相信士多啤梨同埋花香味會更加突出。可惜期間限定，可能下次唔見了。