帝盛酒店半自助餐
荃灣 30/6/2019 12:00
2＋2 Cafe
2＋2 Cafe＠沙田
27/12/2021 12:00
結婚周年紀念一家大細食自助餐。BB仲細，近近地沙田帝都食個入門級自助餐。
凍盤有幾款刺身，拎左三文魚同吞拿魚，都幾鮮甜。仲有幾樣凍小食。芝麻凍豆腐幾滑，幾好味。行入少少就有一個細細嘅生蠔檔，即開，都算幾鮮甜。呢個價位有生蠔算係咁了。
熱盤揀左燒牛肉，仲有咖哩配薄餅，仲有幾款飽肚嘅熱食。串燒雞幾滑唔錯。
最後甜品都好多選擇。一個大大凍櫃，有好多奶凍、啫喱類甜品。最愛係抹茶奶凍。另外仲有好多蛋糕，cupcake。仲有幾款雪糕選擇。
呢度餐廳細細，座位較近，但食物選擇都應有盡有，價錢合理。
Baby Friendly，有大大張high chair，小朋友餐紙係圖畫紙，又有兒童餐具。
珠海長隆海洋王國
28-29/11/2019
住：馬戲酒店
食：企鵝酒店自助餐
樂園好大，非常多機動遊戲，有部份都適合幼兒小孩。樂園實在太大，入住酒店可以玩足兩日一夜，總算搵得晒。仲有好多大大小小嘅水族館，小朋友最鍾意。不要錯過每日定時嘅劇場夜晚嘅煙花同埋燈飾最令人難忘。
Cafe Kool
Cafe Kool @ 尖沙咀香格里拉
5/8/2019 12:00
生日黎食個自助餐，價錢唔算太貴，平日特別平。餐廳都幾闊落，食物選擇款式都多，冷盤刺身凍海鮮都好多選擇，幾款刺身全部厚切好鮮甜，仲有幾款唔同嘅壽司，日式冷麵都係值得一試。
熱盤中西式都有，仲可以自選意粉自行淋上半溶芝士。有即煮湯粉麵。中式點心都相當唔錯。
個人最鍾意嘅甜品蛋糕都非常齊全，焦焗布甸特別好食，仲有朱古力噴泉同埋即製嘅pancake，雪糕選擇都非常之多。
邊爐新體驗
101手工涮涮鍋＠尖沙咀
18/3/2019 19:00
生左B之後已經好耐無出街食晚飯，已經成為大鄉里一個。經老友介紹黎呢間打邊聚餐，嘗試新嘅打邊爐體驗，果真非常驚喜。
前菜有手撕雞任食，非常開胃。大大杯台式飲品都係任點任飲，呢杯特濃朱古力珍珠真係非常濃郁，好飲。
見揀一個鍋底，冬瓜卜卜蜆肉海鮮鍋，非常澎湃，超多蜆肉，下面仲有大大個冬瓜，淨係食呢個鍋底已經好夠。湯底又夠味，蜆肉大大粒又鮮甜，非常好食。
揀左兩客台灣夜市拼盤，用黎打邊爐真係新創意。材料包括雞翼、豬耳、大腸、鵝腸等，本身已經好夠味，再係湯度煮一煮更加好味。
再揀多兩客係101特選手工火鍋拼盆，有招牌墨魚汁烏結、各式肉丸、餃子、黑松露蟹子海鮮軍艦等。幾隻招牌名物都相當有特色，又好味，打邊爐黎講，配料真係非常獨特。
豬頸肉
牛頸脊肥牛片，非常腍身，牛味濃，正。
響鈴，咸蛋黃魚片，非常香口，咸蛋黃味道好出。
埋單平日晚無限時$318。火鍋配料任加，飲品任飲，而且味道係好味。真係多得老友介紹，開發左一個新熱點。可惜星期六日有限時，無咁盡興，但都希望再黎。Bookmark一個先。
維景自助餐
雅叙閣西餐廳＠旺角
22/2/2019 19:00
坐落旺角太子附近地理位置相當方便。自助晚餐都非常抵食。食物款式都算多前菜刺身都相當新鮮，葉盤選擇還可以。反而甜品有驚喜，除咗冬季之外枱上面仲有好多各式各樣嘅蛋糕，色彩豐富，賣相都幾好，味道相當不錯。
