深圳國貿 24/11/2024 10:30
大眾點評抽到兩份零元烘焙體驗。位置相當方便就喺羅湖國貿站金光華商場過條馬路嘅大廈店舖都幾闊落，烘焙區非常光猛企理，一大張雲石枱面，佈置非常有格調，所有工具材料都非常乾淨衛生。
今日做嘅係香港珍妮曲奇，即係非常鬆化嘅牛油曲奇，揀咗原味及朱古力兩個口味。老闆一步一步教導製作方法，連小朋友都識做，非常適合親子同樂。
最後完成兩大盤靚靚嘅曲奇，再焗20分鐘就出爐。估唔到成品咁靚，口感超級鬆化，牛油味非常香，亦都食得出朱古力味，味道微甜，剛剛好。
最後老闆仲提供多款袋仔，可以每件曲奇獨立打包，出品非常靚，絕對可以送禮。今次嘅體驗差不多兩個小時，絕對真材實料冇縮皮，非常開心非常愉快，可算係非常成功嘅體驗。原價一堂都係百幾蚊，對比香港真係非常優惠，值得考慮下次俾錢來幫襯。
深圳金光華廣場 24/11/2024 11:30
永續手打米麻糬牛乳茶！
深圳萬象天地 21/4/2024 11:00
Encore 手打米麻糬牛乳茶 29元
近來最愛米麻糬，今次試凍飲，淡淡的米香，微甜，仲有好多小芋圓，茶底選擇海鹽烏龍奶茶，烏龍茶香。
茉莉生椰 19元
啖啖茉莉花香味，奶香味濃，好幼滑，非常解渴。
深圳KKOne 28/1/2024 13:00
上次飲過咪麻糬之後一直念念不忘，今日見到商場都有阿嬤手作即刻買杯，好彩只需等10分鐘。
手打米麻糬茉莉牛乳茶
熱飲米麻糬更加軟腍，淡淡的米香，微甜，今次配茉莉牛乳茶相當配合，奶味香。
另一半叫咗海鹽烏龍奶茶，烏龍茶底奶味香濃，加上淡淡的鹹味。
深圳歡樂港灣 27/12/2023 13:00
手打米麻糬海鹽烏龍奶茶 29元
奶茶底奶味重，夠晒熱辣辣，米麻糬口感煙韌，加熱之後用咗喺奶茶之中，好綿密，仲加咗粒粒芋圓，口感非常豐富。
茉莉生椰奶茶 19元
啖啖茉莉花香味，奶香味濃，椰子味反而唔明顯。
深圳萬象天地 3/9/2023 13:30
煮 荔浦芋圓 24元
的確，手作芋圓相當煙靭，芋頭味香，幾好味嘅，有少少芋泥有口感。茉莉綠茶水牛乳奶味香濃，茶香微甜，整體配搭不錯，亦非常飽肚。
黑糖珍珠雪糕 16元
黑糖珍珠煙韌，雪糕奶香味龍，手打雪糕口感比較綿密，味道不錯。
整體嚟講味道不錯，但係等候時間差唔多一個鐘，就真係唔太值，試一次就算。
外賣@深圳領展中心城 17/11/2024 18:00
第二次食呢個隨便只菜包飯，係美團追加嘅優惠加單。烤肉紫菜包飯，賣相都係非常靚，薄薄嘅紫菜，一層小小嘅飯，包住超級多嘅材料，還前面好吸引，中間已經落咗蛋黃醬，甜甜地，小朋友最鍾意。
外賣@深圳領展中心城 8/9/2024 18:00
外賣包裝乾淨企理。
烤肉紫菜包飯 24.8元：賣相不錯，見到有好多材料，超級多肉肉鬆，大大件火腿，雞蛋，仲有唔同類型嘅蔬菜，中間有好多醬汁，味道不錯。
超多醬黯然銷魂紫菜包飯 24.8元：果然真係超多獎，三色茄汁、芥辣同埋沙律醬多到已經睇唔到紫菜包飯，中間嘅餡料同另一款差唔多，味道又差唔多。
酸梅湯細細支，但係味道濃郁。
崗廈北深圳之眼 17/11/2024 17:30
蟹粉生煎雙人餐 31元
套餐包括一份蟹粉大蝦雙拼及魚丸湯。今期主題限定蟹粉生煎包，上枱新鮮熱辣，外皮金黃鬆脆，脆卜卜，中間有豐富嘅肉餡仲有蟹粉，味道不錯。另一款內餡有大大隻大蝦，好豪華。魚丸非常爽口彈牙，味道不錯。
小楊生煎四隻 12元
大眾點評優惠$12可以食到四隻小楊生煎包，好抵食。新鮮熱辣打開包皮，肉汁流晒出嚟，肉餡甜甜的，非常不錯。
深圳印力中心 14/1/2024 11:00
黎到印力中心食個簡簡單單brunch，想試呢間生煎包好耐，環境闊落，都坐得幾舒服。
意式牛肉套雙人C餐﹕三拼牛肉小楊生蝦、雞絲湯麵、魚丸湯、特色炸豬排 57.5元
意式牛肉套餐A﹕牛肉小楊雙拼、油豆腐百葉包粉絲湯 28元
生煎包新鮮熱辣，包厚皮，煎得香脆，中間爆多汁，肉餡都好豐富，味道唔錯。
魚丸爽口彈牙。炸豬扒略為乾身少少。粉絲湯份量多，粉絲吸收湯汁。
鮮雞湯鮮肉小餛飩 11元：份量唔少，一大碗，小雲吞皮薄材料多。
打卡送里脊肉 (原6元)：啖啖肉一串，調味不錯。
崗廈北卓悅中心 17/11/2024 17:00
栗子紅茶芝士蛋糕 49元
芝士蛋糕本身芝士味香濃，口感濕潤，喺呢個基礎上加上紅茶嘅香味。上面在之上超級多嘅栗子蓉，栗子蓉幼滑，栗子味香，微甜，估唔到呢個配搭都相當好食。
東門太陽廣場 11/10/2024 17:00
海苔肉鬆芝士蛋糕 49元
喺芝士蛋糕嘅基礎上，加上超級多肉鬆同紫菜，本身甜味嘅芝士蛋糕加一分鹹鮮味。根本就係一個巨型版嘅肉鬆小貝。
深圳萬象天地 14/7/2024 17:00
巧克力芝士蛋糕 49元
雪凍咗之後非常好味，朱古力味濃，亦都有芝士味，口感濕潤黏口，味道不錯。
深圳深業上城 26/5/2024 17:00
茉莉輕茶芝士蛋糕 49元
芝士蛋糕質哋濕潤黏口，芝士味本身好濃，再加上香濃茉莉花味，香味相當突出，非常特別，但唔太啱個人口味。
深圳益田假日廣場 3/9/2023 18:00
原味芝士蛋糕 39元
深圳人氣芝士蛋糕，次次見親次次行過都見到排長龍，今日特登去遠少少，真係好彩唔使點排隊。行過店舖前邊已經俾佢嘅香味吸引。
返到屋企打開包裝，除咗有芝士蛋糕之外，仲有非常齊全外賣餐具。蛋糕芝士味香濃，口感濕潤棉襪，下邊仲有幾多提子乾加少少點酸味，都幾似大阪老爺爺。雪凍食，有少少食雪糕嘅感覺。
深圳筍崗萬象食家 17/11/2024 12:00
章魚小丸子18元：開被吹吹，粉漿有蛋味，入邊有少少魚，蔬菜等，勝在醬汁夠多，鰹魚片夠多。
熔岩芝士卷壽司 28元：完全午相片欺騙，估唔到得細細粒壽司，不過勝在面層鋪滿芝士，只可以打卡，材料比較虛。
叉燒豬骨濃湯拉麵 42元：比較人工，預製料理口味，拉麵質地都幾爽滑，叉燒，糖心蛋，配菜都係預製食品，得個平字。
日式鰻魚炒飯 35元：細細碟，但係睇得出鰻魚都幾多，都大大塊，炒飯有鰻魚汁甜甜嘅香氣，仲加咗好多粟米，上面鋪滿蟹籽，整體味道不錯。
肥牛炒烏冬 35元：份量唔少，烏冬爽滑彈牙，肥牛煮的入味，口感嫩滑，仲加上唔少青菜同埋洋蔥，香氣滿滿。
