楓糖班戟豬柳蛋漢堡
麥當勞@馬鞍山 28/9/2024 11:00
今日來麥當勞試楓糖班戟豬柳蛋漢堡，期間限定嘅最後一日，$36.5。幾分鐘就攞到，新鮮熱辣。麵包細細，兩片楓糖班戟夾住豬柳、蛋，芝士。楓糖班戟味道幾香，濕濕潤潤，加上材料鹹鹹甜甜，估唔到又幾好食。隨餐仲有薯餅同埋熱朱古力，豐富滿滿的早餐。
吳酥生
深圳中航城君尚 22/9/2024 17:00
深圳中航城君尚 21/4/2024 18:00
知道呢一間包餅店好耐，終於試一試，價錢平過大品牌好多，但係質素相當唔錯，值得encore 。
豆乳蛋撻 9.8元x2: 賣相不錯，酥皮本身都幾酥脆，不過可能放耐咗有少少腍，中間嘅豆乳布甸豆味香濃，非常幼滑。
提子Q心麻糬 15.8元：一大袋份量都唔少，每粒波圓轆轆非常飽滿，口感煙韌，中間嘅提子乾俾得多，質素唔錯。
肉鬆小貝 18.8元：一盒有六個，相當抵食，賣相不錯，肉鬆海苔份量唔少，中間嘅蛋糕好鬆軟，醬汁非常多，爆晒出嚟，質素相當高。
麵屋豬一
東門 22/9/2024 17:30
中咗點評兩個免費拉麵套餐。喺地鐵站行過嚟都要10分鐘，仲冒着雨。嚟到呢一個非常之舊式又荒蕪嘅大廈，就有一間神神秘秘嘅拉麵店。小店只有11個位，全部坐吧枱。落咗單之後睇住師傅即場製作，幾分鐘就有得食。
黑松露醬油拉麵 （原39元）：賣相非常吸引，份量唔少，薄薄嘅叉燒片鋪滿成個碗邊，仲有三大片脆卜卜嘅紫菜。先試一啖湯底，非常之清爽雞湯，主要調味係一啖黑松露醬，感覺比較薄弱。拉麵質地不錯，口感爽口彈牙。驚喜係糖心蛋，原來有比卡超圖案。叉燒看起來非常之粉嫩，浸一浸熱湯，入口非常之軟滑，食得出豬肉本身嘅甜味。
娘娘麵 39元 （原39元）：娘娘麵非常之色彩繽紛，完全係新派製作，非常獨特。上面鋪咗五色材料，酸酸甜甜嘅小蕃茄，煮得入味嘅肉燥，滋味芝士粉，仲有大量嘅青蔥同菜圃。面底係一片片，好似西式千層麵咁，口感非常煙靭。將所有材料撈勻，入口味道香濃，蒜味十足，帶微辣，真係非常之特別。
可爾必思：味道偏甜，飲落似益力多乳酸飲品，冰冰的，小朋友最鍾意。
點評打卡送味付海草，成份套餐非常抵食。價錢平到離晒譜，出品合乎性價比，但係要行咁遠先嚟到，應該唔會有下一次。
文通冰室
深圳中航城 22/9/2024 16:00
下午茶39.9元
暴富漏奶華：外型雖然扁扁，但係切開中間，的確超級流心，奶油流晒出嚟，面層加咗大量朱古力粉，甜味適中，啱晒甜魔。
黃金雞米花生：估唔到份量都幾多，我哋脆脆的，中間炸雞都幾腍，仲有肉汁。
生椰拿鐵：大大杯咖啡，咖啡茶餐廳咖啡，椰漿真係真材實料非常香，估唔到都不錯。
打卡送脆皮腸：外皮脆脆的，肉汁豐富。
農畉 Lonfood
深圳萬象天地 22/9/2024 11:00
培根旋風蛋牛肉堡 75元
賣相非常吸引，中間切開斷面非常吸引。原來蛋皮之下西埋咗大大件牛肉漢堡。漢堡非常厚身，肉汁流晒出嚟，口感好鬆軟，牛味香濃。中間仲夾咗蕃茄青瓜生菜等，仲有酸酸甜甜蛋黃醬，非常清爽。
松露芝士培根意麵 75元
松露味非常香濃，芝士味亦相當濃郁，奶香味十足，仲有好多培根同埋蘑菇，非常好食嘅意粉。
野莓脆脆荷蘭鬆餅 72元
賣相超級靚，荷蘭鬆餅係蛋香味濃，比較濕潤軟身嘅鬆餅。上邊鋪滿酸酸甜甜嘅野莓，仲有粉紅色嘅醬汁。野莓略酸少少，不過仲有一球奶香味濃郁嘅雲呢拿雪糕球中和晒所有酸味，平衡度不錯。
Dreyer’s 雪糕月餅
20/9/2024 18:00
買滿雪糕$60，免費送一盒。
