探險家餐廳
1/7/2024 13:00
午餐揀咗呢一間喺餐廳，貪佢位置夠大，坐得幾舒服，而且冷氣都好夠。
探險家兒童餐 78元：兒童餐放喺一個自製嘅飛船模型上，非常給睛。主食有茄汁通粉，醬汁夠夠、薯條、炸蝦脆卜卜。仲有一件朱古力味濃嘅布朗尼蛋糕，以及大大杯橙汁。
意大利培根白菌披薩 98元：估唔到個Pizza咁大哥，都係啱啱出爐，材料豐富，賣相一流。餅底鬆化，芝士超級多，仲有大量嘅香腸同蘑菇，拍得住西餐廳出品。套餐仲包一杯飲品，相當抵食。
野趣牛筋肉湯麵拌餃子 68元：一碗普普通通，平平無奇嘅湯麵，餃子算不錯。
星球甜甜圈 38元：甜品非常美觀，大大件甜甜圈上邊有一個朱古力星球。
雲尼拿蘋果慕斯 28元：蘋果造型慕斯，中間係雲呢拿味，加上蘋果醬，好睇又好食，呢個仲更加抵食。
埋單310元，以內地消費黎講唔平，但以主題樂園嚟講算係好抵食。坐得舒服，值得俾。
深圳萬象城 23/6/2024 12:00
抽到點評$200現金券。入座一間四人包房，空間感一般，但係枱面非常大，私隱度高。
潮式蠔仔烙 58元
非常有驚喜，Pizza大批咁大只售58元。外皮炸得香脆，唔油膩，蠔仔根本就係生蠔，大大隻，相當肥美新鮮。
潮點拼盤 88元
非常豐富，滷水鴨味道濃，仲有牛舌，腩肉等，滷水鹹香甜甜的，不錯。
龍蝦湯麵 28元
以竹筒盛載，細細碗份量都唔少，湯底鮮甜，麵條幼滑，仲有幾粒龍蝦肉，小朋友非常鍾意。
深圳塘朗城 16/6/2024 12:00
一行九人坐包房，自成一角非常舒適。點左四人餐加散點。
四人餐 298元
牛骨湯底，肉類有三款，肥肉脂肪多油香味濃。匙肉帶筋，肉味一般。吊龍牛味最濃最滑。另外仲有熟牛腩煮到軟爛，牛丸彈牙有肉汁不錯，黑虎蝦滑非常新鮮鮮甜爽口。一個蔬菜拼盆，炸腐皮卷。河粉幼滑的，仲有4罐飲品。
另外散叫
牛舌(36元)、毛肚(42元)、蔬菜三色麵(12元)、
胸口撈(36元)口感爽滑，似筋膜，膻味濃。
五花趾 (42元)的確味道最好，牛味最濃，帶筋。
乾炒牛河 (32元)、濕炒牛河(32元)都好食，大大碟，材料多。濕炒多汁味道更佳。不得不提沙茶醬的確好食，味道濃，撈麵沾肉都好配。
深圳景田婦兒大廈 15/5/2024 15:30
下午茶選擇呢間靚咖啡廳食三層架。
點評買券繽紛英式下午茶118.8元
有三層架點心拼盆下午茶配三杯飲品。賣相一流，瘋狂打卡。點心有一杯提拉米蘇，口感幼滑，咖啡、忌廉芝士味平衡不錯。芝士蛋糕味道濃，口感黏稠，不錯。黑松露野菌酥塔，黑松露味又好濃，野菌味又好夠，塔餅係曲奇皮，幾鬆脆，不錯。香芒蝦酥塔，蝦肉大大件，加上香芒忌廉奶香味重帶微酸。青醬面包烘得幾脆。雙魚麵包係吞拿魚配燒三文魚多士，加上沙律醬，配搭幾得意。火腿麵包係多士配煙火腿加生菜。牛酒果盞，一個餅皮上舖滿牛油果。另外兩款相應該係餐單上轉左款，一個雜果撻味道香甜。另一個係辣肉碎撻，肉碎香甜帶辣味，好刺激。
揀左三杯飲品都唔錯，賣相仲好得。巧克力生椰可可，熱的朱古力味同生椰配合得宜，味道濃甜。凍的雖然沖淡少少但味道仍然不錯。生打椰香芒有好多芒果肉，配椰汁係絕配。
另加9.9元有多一件芝士蛋糕配咖啡。簡單揀左冰美式咖啡味純香。
一個字靚，味道還不錯。香港呢個價錢一定食唔到。
深圳景田婦兒大廈 15/5/2024 11:00
景田婦兒大廈就好似一個小社區咁，裝修得幾得意，下面有唔少餐廳。時間尚早選擇食呢個Pizza。
酷兒兩件套餐 39.9元，包括烤奧爾良雞翼，大大隻，肉汁幾豐富，微辣幾惹味。美式土豆培根披薩6寸細細個，餅皮幾鬆軟，薯仔大大片，煙肉咸香，上面舖滿芝士，非常咸香。
爆汁流心雙腸仔 26.5﹕一款係肉腸，另一款係芝士腸，兩款外皮都脆脆，中間真係爆晒汁，味道香濃。
濃香咖哩雞拼芝士肉醬焗飯 27元﹕熱辣辣香味十足，一半係甜咖哩，仲有好多薯仔雞肉。另一半係香番茄肉醬，上面舖滿芝士，正好撈飯。
草原牛肉串 17元﹕估唔到肉質不錯，調味亦不錯。
食物不錯，環境不錯，適合親子。
深圳中航城君尚購物中心 12/5/2024 11:00
慶祝母親節食好野，即興想食燒鰻魚，就黎到呢間最出名嘅北村韓食。11:00未到，門口已有一大堆人等緊位，我地拎五人枱籌號，估唔到係C01號。夠鐘開門，叫號次序係由大枱開始再叫細枱，所以好幸運係全場第二張入座，仲坐到一個闊落嘅梳化位，三人坐梳化都算可以接受。
外面有自助醬料可以自由選擇，一般燒烤用嘅醬料都齊全，仲有好多泡菜、醬菜任添。最值得試就係南瓜粥無限喝，店家話十幾年來客人一直推薦，的確味道香甜，仲有好多南瓜蓉，真材實料。
活炸鰻魚主打雙人套餐 點卜5198元
套餐都幾豐富，除左有主打鰻魚，仲有幾款燒烤料及飽肚飯等。
小魚戲花生﹕辣花生配魚仔乾。
黑胡椒大片牛排﹕大大片牛排，肥瘦適中，肉質腍滑，口味甜甜帶微辣，連小朋友都好鍾意。
碳烤活鰻魚﹕鰻魚勁厚身，油分好多，肉質幾腍又無骨，加上香甜鰻魚汁及海苔，好鮮美。比之前食過嘅燒鰻更好食。
厚切黑豬五花﹕豬五花非常厚切，肉質比較實，亦無特別加調味，只自行落幾粒鹽，感覺給比下去。
另加散叫幾款，價錢都唔貴。
秘制泡汁薄切牛舌 48元﹕雖然係薄切但係都幾大碟，牛舌香甜醬汁醃過入晒味，口感幾爽口。
秘制牛肋條 58元﹕兩大條牛肋條，筋位比較多，有口感。比較以下牛排更勝。
韓式烤腸 29元﹕肉香味濃比較腍身嘅烤腸。
魚籽蔬菜沙拉﹕蔬菜新鮮，芝麻醬酸甜好開胃。
金槍魚拌飯﹕都幾大碗，有吞拿魚碎仲有好多飯素，甜甜地撈飯幾好味。
入座打卡送可樂。
全程有小哥哥幫燒，但小哥似乎係新手，成日得老細提點。開店初段似乎職員未返齊工，人手較少，一位小哥負責走幾枱，所以有段時間個爐灘左好耐都野燒，所以Hea坐好耐都未有野食。最後食足1.5小時走人，埋單補140元。
離開時見到出面等位更加誇張，坐左唔知幾多層人，人氣實在太勁。
