by admin | 3 月 28, 2024 | 2024 復活節六人行台北之旅, BB Friendly, 台北, 旅遊, 甜品, 西餐, 飲品
化石先生熊貓主題餐廳 28/3/2024 12:30
行完山下園場都12點，午餐就係最人氣嘅熊貓館二樓，新開嘅「化石先生 熊貓主題餐廳」。餐廳人氣相當高，評分4.6，係動物園裡最高質餐廳。黎到已經要排隊等一陣位。餐廳座位舒適，靠窗位置仲可以見到樓下嘅熊貓。餐單主打西式輕食，選擇都相當多。
焦糖拿鐵NT$150、鳳梨蘋果汁NT$180、奇異果汁NT$180、鳳梨冰茶NT$150﹕果汁類全部鮮即榨，味道有驚喜，水果新鮮酸酸甜甜，仲有果肉。咖啡味道香濃，不錯。
奶香蘑菇燻雞意麵 NT$300﹕意麵質地煙韌，奶油醬好香奶味，非常忌廉咪，材料都多，雞肉、蘑菇、西蘭花等。
青醬海鮮意麵NT$350﹕第一次試青醬，醬料有香草味，估唔到咁香濃咁惹味。海鮮料非常多，味道對板。
肉醬麵NT$280﹕肉醬相當豐審，正正常常。
章魚燒比薩NT350﹕賣相吸引，薄脆餅皮新鮮熱辣脆卜卜，醬料多，甜甜的，芝士多，海鮮料亦多，好有日式風味。
炸物拼盆NT300﹕款式多，香脆可口，洋蔥圈最好味，仲有魚柳、炸雞肉質都OK。
提拉米蘇NT100、彩虹蛋糕NT190﹕蛋糕賣相都好靚，彩虹蛋糕非常吸睛。蛋糕鬆軟味道略甜，但個人幾鍾意。仲有一款小熊貓蛋都相當出名，可惜賣晒。
埋單NT2,530，唔算太平但又唔算貴，坐得舒適，味道都不錯，主題景點餐廳算可以吧。
by admin | 3 月 27, 2024 | 2024 復活節六人行台北之旅, BB Friendly, 台北, 台式, 旅遊, 麵食, 點心
朱記餡餅粥店 松山壹號店 27/3/2024 18:00
離開「饒河街夜市」步行五分鐘就到「松山Citylink壹號店」。呢個商場係松山火車站直結，非常方便。商場入面有好多食肆，揀左呢間人氣連鎖包餅餃子店。Google評分有4.1分相當唔錯。小店座位唔太多，我地六人只能與人共坐一張長檯，還好仲有BB椅。
黃金鍋貼NT$125﹕鍋貼大大隻，外皮煎得脆卜卜，皮唔算太薄，厚度適中，咬開外皮中間肉餡好多，仲有肉汁，味道不錯。
鮮肉小籠包NT$150﹕賣相唔錯，外皮幾薄，肉餡香甜，中間有肉汁，價錢唔貴味道交足功課。
菜肉餛飩麵NT$125﹕ 碗麵上面有買大粒菜肉餛飩，皮唔算太薄，菜肉好豐富。麵條幼滑，有米香味。
紅燒半筋半肉麵NT$230﹕牛腩煮得幾入味，牛筋夠腍身，但係刀削麵質地較厚，口感比較硬。
櫻花蝦炒飯NT$160﹕炒飯炒得乾身，材料豐富，好多櫻花蝦，飯充分同蛋混和做成黃金炒飯蛋味香。
鮮蝦餛飩炒手NT$130﹕有八大粒鮮蝦餛飩，內餡豐富，比菜肉多一份蝦味鮮甜。醬汁蒜味香少辣，非常下飯。
燙青菜NT$70﹕燙椰菜加上勁多蒜蓉。
全部埋單NT$990，圍番港幣$250，算係地道又平民嘅台式小籠包餐，味道還好。
by admin | 3 月 24, 2024 | BB Friendly, 深圳, 燒烤, 韓國菜
深圳KKone 24/3/2024 12:00
終於黎到呢一家人係非常高嘅烤肉。早少少嚟唔使等位，但係入邊都幾爆滿。
甄選鰻魚雙人餐 298元
前菜幾款，有泡菜，大豆芽菜，沙律，薯仔沙律，泡菜微辣不酸，非常新鮮。
醬料有孜然粉，甜麵醬等，仲有主打嘅芝麻醬，相當杰身，芝麻味濃，加上醬油，帶輕微酸味，配牛肉一流。
韓式豆腐湯，味道濃，豆腐非常多，而且非常滑，辣味比較重，非常惹味。
幾碟肉類包括：牛大力牛味濃，但肉質比較實淨。豬扒調味香濃，肉質滑。肥牛肥瘦適中，冇特別調味，自行加上芝麻醬，非常好味。
主菜鰻魚肉質肥美，完全冇骨，油份重，加上鰻魚汁燒烤，香味濃郁，用紫菜包住非常好味，但唔油膩。
最後仲有新鮮蘑菇，估唔到燒烤味道鮮美，非常濕潤。
打卡送酸梅汁，酸微微夠解渴。
點評送冰糖草莓非常澎湃的一碗，冰底打得碎，淋上士多啤梨汁，仲有好多冰糖草莓，非常好味。
環境都算舒適，有BB魚同小朋友餐具。全程有個小哥哥幫忙燒烤，服務非常好。
by admin | 3 月 17, 2024 | BB Friendly, 兒童餐, 沙田, 西餐
沙田第一城 17/3/2024 12:30
鹽燒牛舌蛋蓋飯 $72
幾塊厚切牛燒舌歐美九龍，但係略嫌江生咗啲，蛋包飯中間喺返茄汁炒飯，味道不錯，還好蕃茄醬夠多，仲有啲番茄肉。
香燒雞扒配露絲瑪莉燒汁意大利粉 $82
雞扒大大塊，燒汁醬汁味濃，仲有啲秀珍菇，意粉硬度適中，仲有好多車厘茄同埋瓜菜，好健康。
兒童餐：賣相靚，擺盆有心思，主菜有忌廉蘑菇卡邦尼意粉，味道幾濃。小食仲有牛油粟米，香甜。仲有幾件麥香雞。甜品有迷你窩夫，可以自行加上朱古力醬同埋迷你棉花糖。，小朋友最開心。
2/6/2019 12:00
今日嚟到沙田第一城一間簡約西餐廳，套餐非常之抵食，都好適合小朋友，坐得舒服。 午餐包括餐湯、主菜、飲品。 忌廉湯非常之濃郁。叫咗一份牛肉蛋包飯，份量相當多，牛肉給林滑，蛋包飯正常發揮。 咖啡都相當濃郁，奶味適中，加少少糖就啱啱好。
by admin | 2 月 18, 2024 | BB Friendly, 中菜, 沙田
沙田 18/2/2024 11:30
沙田乳鴿 $42
沙薑豬手 $89
小小熊仔 $59
紅寶石粉果$59﹕黑松露素鮮菌菇
三文魚蘋果酥 $69
龍躉魚雲吞 $89
子薑咸雞煲仔飯 $89
冰梅欖角骨 $119
大肚婆炒飯 $109﹕薑米、蟹肉、蝦、脆豆、粟米
今日一家人嚟到沙田巿一間新派中菜，叫咗唔同點心。最出名係乳鸽 ，新鮮熱辣，都有肉汁。 巧克力流心包 小小熊仔造型。 冰梅欖角骨酸微微幾好味。 大肚婆炒飯材料豐富，薑味香，有蟹肉、蝦、脆豆、粟米等。點心相當精緻，新鮮熱辣，口味比較獨特新穎，同一般酒樓點心唔同。味道係唔錯。價錢的確有啲貴。
by admin | 2 月 13, 2024 | BB Friendly, 中菜, 深圳, 火鍋
寶安壹方城 13/2/2024 11:00
想試呢間熊貓湯火鍋好耐，但見分店比較細間，座位一般，最後嚟到壹方城呢一間大啲面，一家人可以坐完枱，相當闊落。門口有可愛嘅大熊貓公仔同小朋友影相，仲有遊戲機可以解悶。職員送上兩隻小熊貓髮夾，小朋友開心到不得了。
不同角落都佈滿着大大小小嘅熊貓，連餐具都係熊貓擺設，實在太可愛。
元氣大滿足和牛三人餐 389元
經典三味熊貓鍋湯底有清雞湯味道相當鮮甜，另有味道微酸似有加上蕃茄湯底，仲有四川麻辣湯底。
招牌9M雪花和牛、6M雪花和牛：估唔到兩款肥牛質素相當高，油花分布靚，入口非常之嫩滑，牛味濃郁。
毛肚、鴨血、冰封鮮鴨腸：用冰封住實在浮誇，鴨腸煮完之後好爽口。
香菜鮮肉滑：調味不錯，爽口彈牙。
仲有多款蔬菜，包括黃金針菇、貢菜、黃豆香千張、娃娃菜、冬瓜。
手工扯面職員姐姐將麵條拉薄，再幫你放入火鍋，麵條米味幾香。另外單點一份扯面加3.9元。
自助醬料有現榨芝麻油同現磨芝麻醬，芝麻味幾香，好幼滑，配牛肉一流。另外特別鍾意沙茶醬，甜甜地，花生味香。
免費自助銀耳雪梨湯，清甜潤喉，無限任加。
浪漫雲頂草莓乾果冰粉杯 9.9元、熊貓爆爆草莓冰粉杯 9.9元。賣相實在太可愛，每隻杯都有可愛的熊貓。草莓冰粉唔太甜，相當之滑溜，一杯加上忌廉，好幼滑。另一杯加咗爆爆珠。
餐廳環境吸引，職員都想當親切熱情，食物新鮮質素高，雖然價錢在深圳消費實在唔平，但係都相當值得。
