18/9/2024 11:00
絕對係一間被傢俬耽誤嘅餐廳。
焗白咖喱海鮮麵包盅 $59: 賣相吸引，麵包中大大個，打開個蓋已經聞到白咖喱香味。麵包焗得脆脆，麵包吸滿白咖喱汁，微辣，香味濃郁，非常對板。麵包唔算太厚，所以入邊嘅內容非常之豐富，除咗有大大片嘅魚柳之外，仲有兩隻大蝦仁，驚喜發現仲有一粒帶子。味道相當不錯，絕對抵食。
兒童餐 $19: 平到咁嘅兒童餐都唔知邊度搵。
小食拼盤 $49: 最愛當然係蜜糖味滿滿嘅香腸。
紅酒慢煮牛面頰肉扁意粉 $49: 牛面頰肉非常腍，煮得入味，相當不錯。
另外宜家傢俬小食部今期係芒果椰子味雪糕新地。味道幾濃厚，食得出係呂宋芒加椰子味，非常有熱帶風情。
沙田 25/12/2023 12:00
5/3/2023 15:00
26/6/2023 15:00
16/10/2022 15:00
4/9/2022 12:00
19/12/2021 12:00
荃灣海之戀 26/11/2023 13:00
點評抽到兩份試食現金券，價錢$90。
小店坐落荃灣海之戀，舖位相當細少，座位亦比較窄，唔太適當帶娃。
白武士九州風櫻花蝦豚骨湯拉麵 配餃子套餐$64+ $24
賣相都可以，份量適中。湯底薄薄嘅豬骨味，有唔少櫻花蝦，拉麵正常，流心蛋可以接受，最好食反而係大大片又厚身嘅叉燒，肥瘦適中，幾爽口。餃子係菜肉餃，炸得香脆，內餡豐富。反而小食仲好食過拉麵。
侍元濃厚味噌豚骨拉麵 配炸雞套餐$64+$24
湯底淡味噌味，拉麵麵質尚算可以。流心蛋同叉燒反而比較好。炸雞係咁多款之中最突出，大大件，炸皮唔算厚，香脆可口，啖啖肉有肉汁，不錯。
完全是港式口味。
荃灣 26/11/2023 17:00
餐廳非常大，環境幾闊落，枱椅都好大張。
揀咗兩份甜品做下午茶。
招牌燒仙草 $50: 賣相相當唔錯，仙草鋪滿一個半，加上好多芋圓，仲有一個芋泥球。味道唔太甜，芋圓口感煙韌。
紫米紅豆湯 $48: 份量大碗，紅豆夠腍夠粉爛，微甜。亦都有加咗好多芋圓。
荃灣 26/11/2023 18:00
菜館座落荃灣某大街，要行樓梯上一層樓。菜館係傳統舊式菜館，衛生環境不太理想，每枱椅都貼近，幾乎背靠背，實在唔太適合帶小孩。如果唔係點評抽中$400現金券，都非常確定係唔會選擇呢D餐廳。
滷水鵝 $148﹕大大碟，賣相吸引，滷水鵝配上滷豆腐。滷水鵝啖啖肉，肉質嫰滑，都相當入味，特別要加上酸醋更加惹味。豆腐都好腍滑。
蠔仔肉碎粥 (小) $78﹕估唔到小碗都咁大碗。蠔仔相當多，隻隻都大大粒漲卜卜，非常鮮甜。配料仲有肉碎，方魚等，湯底幾清甜味道不錯。
潮州炒麵線 $118﹕份量大，潮州麵線係扁身麵線，配上蝦、鮮魷、蛋、芽菜等，醬料咸鮮味足。
超大杯檸檬茶 $38﹕的確好大杯，茶底濃郁，檸檬夠晒多，非常解渴。
環境唔討好，但食物質素高，菜色相當地道正宗。價錢合理，成年人聚餐可以考慮。
荃灣海之戀 6/8/2023 12:00
唐揚炸雞咖喱蛋包飯份量都唔少，咖喱係日式咖喱味道大甜，適合小朋友，幾件炸雞啖啖肉，蛋皮煮的幾薄身。
日式滑蛋豬扒飯，豬扒係來貨質素，滑蛋又唔夠滑，比較乾身，醬汁略嫌有啲不足。
芝士醬薯條，薯條新鮮即炸，係粗生薯條，芝士醬味道幾濃郁。
草莓班戟賣相非常之吸引，疏乎厘班戟高度非常之足夠，入口鬆軟濕潤，順便仲有兩粒大大粒嘅士多啤梨。配料仲有紅豆白玉，可惜紅豆略嫌煮得未夠腍。
抹茶奶昔賣相吸引，上面鋪滿紅豆，仲有煙煙韌韌嘅綠茶缺餅，本身奶昔味道比較淡口。
白桃奶昔其實係類似沙冰嘅飲品，味道清甜，有淡淡的白桃味。
荃灣 26/2/2023 13:00
