L.D.K. by Ufufu Café＠馬鞍山
2/1/2022 12:00
小朋友最鍾意黎呢間餐廳
小朋友最鍾意黎呢間餐廳，因為野食又靚又好味，兒童餐仲有玩具送。
吉列豚肉佐咖哩蛋包飯 ＄148
吉列豚肉炸得好脆，蛋都好嫰滑，日式咖哩偏甜口味，所以小朋友都食到。
海老野菌忌廉汁意粉 ＄132
忌廉汁奶香味重，大蝦都好爽口，不錯。
兒童餐 ＄78
有齊小朋友最愛嘅元素，香腸八爪魚、吉列大蝦、九州風炸雞、炸薯條、蔬菜、意粉、布甸，最緊要係仲有小禮物一份。其實就略為熱氣左小小，簡中食一下好啦。
宇治抹茶蕨餅芭菲 ＄78
抹茶雪糕好濃茶味，最鍾意蕨餅QQ的，不錯。
草莓家族乳酪芭菲 ＄78
小朋友揀嘅草莓口味，酸酸甜甜。
甜品賣相一流，好吸引。
食物係唔錯，價錢略貴，間中一次ok的。
Whizbo Kids Cafe 25/7/2021 12:00
疫情期間太少出街玩。今日趁小公主生日，去親子餐廳盡興一下。
預約左11：00 － 13：45呢場，只設最低餐飲消費。成人最低消費＄180，3歲或以上＄80，3歲以下免費。即係我地有＄440 budget。
今日有套餐，＄138包主菜及餐湯。揀左小食拼盆。
有黑松露薯條、炸花枝丸、津蔥圈。份量都唔少，味道正正常常啦。
兒童套餐 ＄128，可以揀一款特式便當，揀左炸雞。賣相幾得意，深得小朋友歡心。
菠蘿香腸星星薄餅 ＄98，造星相當吸引，配料都豐富。
焗葡國雞飯 ＄108
味道正常，就唔好期望太多。玩至上，食都係其次，食得飽，ok既。
餐廳唔算大，就非常BB Friendly，內設洗手、廁所，BB椅。玩樂區有波波池、滑梯、繩網、模式超市廚房等。。。就小朋友黎講已夠好玩。
12/5/2021 19:00
香草鮮野菌忌廉天使麵
香濃芝士白汁煙肉焗西蘭花
帆立貝海解菌皇龍蝦汁意大利飯
半溶芝士配一口炸雞
假日夜晚唔想出街食飯，外賣平台解決，幾鍾意叫呢間意樂，選擇多，價錢親民。
香草鮮野菌忌廉天使麵
忌廉汁夠濃厚，野菌都落得非常多，仲有唔少煙肉。
香濃芝士白汁煙肉焗西蘭花
西蘭花略為硬左少少，但白汁芝士味夠濃搭救。
帆立貝海鮮菌皇龍蝦汁意大利飯
飯底係龍蝦汁好香濃，海鮮都有青口、大蝦、蛻肉等等，撈飯食不錯。
半溶芝士配一口炸雞
炸雞略為硬乾少少，芝士醬就好芝味，非常杰身亦夠濃味。
外賣到黎仲熱辣辣，味道算ok，呢個價錢要求達標。
三星台菜食堂＠馬鞍山
5/12/2021 12:00
間店都開左一排，咁耐都未食過。見到台式料理都有兒童餐，就試一次。
台式炸豬扒魯肉飯 炸豬扒都幾脆、幾鬆化。魯肉大大舊，仲有大大片冬菇，都係正正常常。溏心蛋係不錯。
紅燒三星麵 賣相麻麻地，有啲求其。可選擇湯底，揀左紅燒味，湯底有微辣。有齊三款餸料，牛腱、牛筋、牛肚，牛腱同牛筋都煮得好腍，可惜牛筋未達到入口即化。
小公主餐
女孩子可選小公主餐，賣相最靚係呢個兒童餐。粉紅色車車上有黃金蝦卷、粟米、炸地瓜條、魯肉麵，仲有乳酸飲品，相當豐富。
普普通通正正常常的一餐。
11/4/2021 19:00
しゃぶしゃぶ四季＠馬鞍山
28/3/2021 13:00
蒲燒原條鰻魚定食 ＄88
一大條鰻魚，仲有前菜串燒小食，薯仔沙律，好滿足的一個便當。
南蠻炸雞丼 ＄38
真係三十八蚊就可以食到一碗日式丼飯。三大舊炸雞炸得脆脆，有仲肉汁。他他醬酸酸地味道不錯。飯都係大大碗無偷雞。
呢個價錢，質素絕對唔差，性價比算好高，值得再食。
－－－－－－－－－－－－－－－－－－－－－－－－－－－－－－－－－－－－－－－－－
28/1/2021 12:30
吉列豬扒滑蛋丼 ＄46
賣相都唔曾，豬扒都炸得幾脆，但嫌為實少少。洋蔥煮得夠腍，滑就較為熟左少少，如果多啲蛋汁用黎撈飯會更好。
16/11/2020 12:00
