火箭餐廳＠迪士尼樂園
23/5/2022 13:00
一家人黎迪士尼參加女女幼稚園畢業禮，之後玩足一日，午餐係火箭餐廳解決。
Klook買餐飲券，一套＄149，可以換一份＄140或以下嘅套餐加一枝雪條或爆谷。另外一套＄85，可以換一份兒童餐。
兒童套餐 ＄90 有細蘑菇雞扒包、粟米、一枝礦泉水。
炸雞籃套餐＄125
有兩大件炸雞、薯條、汽水，炸雞好脆卜卜，中間仲好Juicy，比相像中好喎。
香脆魚柳漢堡套餐 ＄130
魚柳好大塊，突晒出黎，都炸得幾脆，啖啖肉，配埋沙律醬同菜，味道不錯。
黎得主題樂園預左餐飲價錢係樂園價，同市區無得比，但求野食好味少少就算。呢幾個餐味道都可以呀。
28-29/11/2019
住：馬戲酒店
食：企鵝酒店自助餐
樂園好大，非常多機動遊戲，有部份都適合幼兒小孩。樂園實在太大，入住酒店可以玩足兩日一夜，總算搵得晒。仲有好多大大小小嘅水族館，小朋友最鍾意。不要錯過每日定時嘅劇場夜晚嘅煙花同埋燈飾最令人難忘。
荔園流金歲月＠荔枝角
16/6/2019 12:00
炸醬麵 $38
好耐無食炸醬麵，豬肉係片片肉片，甜辣酸炸醬非常好味，麵底本身也不錯。
牛坑腩麵 $38
牛腩份量都幾多，非常腍，非常入味。
淨魚蛋 $45
較實，唔夠彈牙。
福建炒飯 $88
一般酒樓質素，餸料夠多，味道正常。
野菌紅燒豆腐 $78
份量都算多，大大碟，材料豐富。
路邊混醬腸 $22
賣相就一流，非常有風味，但呢度嘅腸粉認真麻麻地，一口粉，太腍身。
乾炒牛河 $78
鍋仔上，本身都好夠鑊氣，牛肉又夠多，調味適中，非常不錯。
餐廳以港式點心粉麵為主，賣相係吸引嘅。造型上都有心思，味道就有好有唔好，價錢又唔算貴，反正都係相機食先，影相係不錯的。
大冒險家餐廳@迪士尼樂園
7/10/2018 13:00
炸雞扒配雜菜炒飯套餐 ＄139
烤牛仔骨套餐 ＄139
海南雞飯套餐 ＄149
日式雜菜鍋 ＄119
灣景餐廳＠海洋公園
黎海洋公園同家人慶祝生日，黎得玩一日一定要係園內食午餐。可怕已經book唔到幾間靚餐廳，最後就去工聯會買餐券，每張百零蚊包一個午餐連飲品，將午餐消費設封頂價。近近地就揀左纜車山頂站附近嘅呢間，貪佢可以預先訂位。
景，的確係靚嘅，全海景。座位都算闊落，
呢間餐廳係自助式，自己出去拎野食。睇睇餐單，每款都成$180。
焗三文魚配香草忌廉汁飯 $188
吉列豬扒配蕃茄醬飯 $188
柱候牛腩飯 $196
印度咖哩雞配油酥餅 $188
咁多款都係茶餐廳質素，非常極之十分普通。
如果開價近二百，係肯定唔會入黎食。黎到主題樂園預左食野一定貴，幸好有餐券百零蚊封頂，叫左心理上好過一啲。仲可以係冷氣下邊食邊歎海景，感覺上舒服少少。