by admin | 4 月 1, 2024 | 2024 復活節六人行台北之旅, BB Friendly, 兒童餐, 台北, 西餐
Movenpick Cafe@慶城街 1/4/2024 13:00
12:30 離場，決定返酒店附近食，時間掌握得好啲。點知棋差一著，無考慮時間已經12點幾。手頭寫左幾間有興趣的，天仁茗茶已入滿坐，行去慶城街春水堂都係滿座。無諗過訂位的重要性，無台灣電話號碼嘅旅客訂位亦比較麻煩，差啲冇飯食，下次醒目一定要叫酒店幫忙。
最後遇到MOVENPICK。本身餐廳都話無位，可能見到我地一家大細又旅遊，最後好好地安排左張六人枱俾我地，實在太感謝。
櫻桃鴨胸芥子義大利麵 NT$348: 鴨胸意大利麵，冇乜特別。
普羅旺斯燉菜雞肉焗飯 NT$318: 熱辣辣忌廉汁焗飯，材料都好豐富，充滿着芝士，雞肉都好多。
商業午餐附送番茄湯、香蒜包、蜂蜜檸檬汁，份量幾多，好抵食。
香蒜焗烤田螺 NT$170: 熱辣辣，蒜味足，芝士十分多。
松露焗蛋佐荷蘭醬 NT$220: 非常豐富嘅焗蛋，加上松露香味。
海陸總匯披薩 NT$330: 大大個Pizza充滿着海鮮配料，芝士味十足。
兒童餐揀左奶油蘑菇雞肉燉飯、湯、橙汁 NT$260: 賣相幾靚，非常豐富。
埋單連加一NT$1811, 份量多，正正常常的西餐。
by admin | 3 月 29, 2024 | 2024 復活節六人行台北之旅, BB Friendly, 兒童餐, 台北, 台式, 旅遊, 日式料理
魔法咖哩 29/3/2024 18:00
淡車站旁就係都會廣場，樓上有好多餐廳，揀左呢間台灣品牌魔法咖哩，因為有兒童餐，仲有靚海景窗口位。
起司可樂餅兒童奶油飯、奶酪、花果冰茶 NT$190﹕兒童餐非常豐富，奶油飯奶味香濃，甜甜地好好味。可樂餅脆脆中間係蔬菜忌廉。隨餐跟奶酪，酸酸甜甜夠清爽。
焗烤雞肉奶油飯 NT$290﹕焗飯熱辣辣，雞肉都幾滑，啖啖肉，奶油香再加上厚厚芝士焗，味道更香更入味。
歐姆蛋牛肉咖啡飯 NT$280﹕咖哩香料味重，好有層次，味道幾特別，牛肉都幾有牛味。蛋都幾滑。
三色咖哩豬肉烏龍麵 NT$340﹕除左香料味重嘅黃咖哩，仲有咸香味微辣墨魚汁，而白咖哩味道比較軟和。咖哩配上炸豚肉，炸菇估唔到咁好食。烏龍麵本身無乜味，自行用咖哩汁撈住食就可以。
升級套餐珍菇雞肉湯，舒肥雞胸沙拉、紅豆抹茶凍、泰式奶茶 NT$120﹕湯有菇味，好清爽。抹茶凍幾幼滑，有茶味。
水煮綜合蔬菜配黃咖哩 NT$140﹕蔬菜賣相幾靚，幾新鮮，又係白煮所以要自行加汁。
咖哩味道幾濃，唔太岩個人口味，感覺上奶油飯更好食。
埋單NT$1496，價錢唔貴。
by admin | 3 月 17, 2024 | BB Friendly, 兒童餐, 沙田, 西餐
沙田第一城 17/3/2024 12:30
鹽燒牛舌蛋蓋飯 $72
幾塊厚切牛燒舌歐美九龍，但係略嫌江生咗啲，蛋包飯中間喺返茄汁炒飯，味道不錯，還好蕃茄醬夠多，仲有啲番茄肉。
香燒雞扒配露絲瑪莉燒汁意大利粉 $82
雞扒大大塊，燒汁醬汁味濃，仲有啲秀珍菇，意粉硬度適中，仲有好多車厘茄同埋瓜菜，好健康。
兒童餐：賣相靚，擺盆有心思，主菜有忌廉蘑菇卡邦尼意粉，味道幾濃。小食仲有牛油粟米，香甜。仲有幾件麥香雞。甜品有迷你窩夫，可以自行加上朱古力醬同埋迷你棉花糖。，小朋友最開心。
2/6/2019 12:00
今日嚟到沙田第一城一間簡約西餐廳，套餐非常之抵食，都好適合小朋友，坐得舒服。 午餐包括餐湯、主菜、飲品。 忌廉湯非常之濃郁。叫咗一份牛肉蛋包飯，份量相當多，牛肉給林滑，蛋包飯正常發揮。 咖啡都相當濃郁，奶味適中，加少少糖就啱啱好。
by admin | 12 月 24, 2023 | BB Friendly, 兒童餐, 日式料理, 紅磡
黃埔 24/12/2023 12:00
兒童餐奄列咖喱飯 $52
咖哩口味偏甜不辣，除左蛋包飯，仲有粟米粒、薯菜和腸仔，小朋友最鍾意。埋單仲可以揀一份玩具，非常開心。
兒童餐迷你漢堡咖哩薄餅 $57
呢款揀左迷你漢堡扒，幾有肉汁幾腍滑。薄餅有厚度，餅味幾香，沾咖哩汁一齊食，還是成人口味加辣版更加配。
炸魷魚忌廉蔬菜咖喱飯 $68
炸魷魚整整齊齊地擺在奶油蔬菜咖喱上，魷魚外面酥脆，裡面多汁又嫩滑，煮得剛剛好。咖喱濃郁香醇，帶微辣。薯餅味道正正常常。
咖哩雞肉焗飯 $69
焗飯上面淋滿咗濃郁嘅咖喱醬同埋忌廉，烤得微焦賣相吸引，睇落去就已經好想食。調味岩岩好，咖喱醬嘅香味撲鼻而來，啲雞肉又嫩又滑，焗飯嘅米飯都有咖喱味。呢道菜嘅份量亦都唔少，夠飽。
by admin | 12 月 3, 2023 | BB Friendly, 兒童餐, 小食, 深圳, 西餐, 親子餐廳
京基水貝KKTime 3/12/2023 12:00
第一次黎Meland Club，早前買左套票好抵，仲包埋餐飲滿200元即減50元傻惠。一行八人叫左兩輪，扣埋優惠大約三百多。
意式薄底香腸披薩 98元，熱帶夏威夷披薩 98元﹕披薩皮薄薄的，材料都相當豐富，勝在芝士落得夠多，味道不錯。
黃金雞塊 36元﹕啖啖肉，炸粉唔太厚，調味不錯。
黃牛大蝦至尊炒飯 78元﹕炒飯勝在炒得夠乾身。
奶油蘑菇培根溫泉蛋意粉 48元﹕大大碟，奶油味濃，醬汁超多，味道不錯。
奶油雞肉玉米芝士焗飯 68元﹕滿滿玉米好適合小朋友。
消費還送笑面薯餅，造型幾可愛。
by admin | 9 月 10, 2023 | 兒童餐, 日式料理, 鑽石山
鑽石山 10/9/2023 12:00
今日嚟到鑽石山分店，呢一間分店俾大角咀簡單，但係都有可愛雞蛋型嘅卡位。
吉列豚三文治配薯條 $98
賣相非常之吸引，大大件三文治用紙包住成粒糖咁，入邊係鬆脆嘅豬扒，加上好多蔬菜同埋醬料，味道不錯。
親子丼 $78
雞肉大大件，份量相當多，反而雞蛋變咗配角，還好有足夠嘅醬汁可以撈飯。
芝士雞漢堡兒童餐 $88
