客語-河鮮臻品店
客語-河鮮臻品店(睿印店) 24/7/2023 13:00
睿印新開，餐廳選擇唔算多，最後決定試客家菜。
招牌必點雙人餐 145元
古法手撕鹽焗雞，半隻雞肉都非常嫩滑。
客家釀豆腐 豆腐好滑，鹹香味足。
雞湯苦麥菜。
另外單點櫻花蝦粉絲煲，香氣十足，好味。
龍川糍粑外皮酥脆，有米香味，但就一舊粉團甜甜地無乜特別。
兒童餐 蛋角選可愛動物包、水果、南瓜粥
打卡送豆腐花，好滑有豆味，不錯。
日和兒童餐
日和號@九龍灣megabox
9/7/2023 12:00
28/8/2022 12:00
西貝莜面村
深圳領展中心城 14/5/2023 13:00
牛力骨：蒙古好大骨有幾款，揀咗牛力骨，有肉有骨有脆骨。
烤羊腿239元：上菜非常豪華，皮脆肉嫰，肉都好多，肥瘦適中，略嫌有少少乾柴，可以自行沾上孜然粉。呢個配菜有新鮮即炸粗身扭紋薯條，底下仲有好多洋蔥。仲配上大大個饅頭包，非常飽足。
五種蕃茄澆汁莜麵 59元：賣相吸引，其實係類似意粉淋上蕃茄醬汁，酸酸甜甜，中間仲有好多蕃茄肉。麵條本身比較煙靭。
蘑菇湯莜麵魚魚 55元：麵條細細條就好似魚仔咁，蘑菇湯幾甜，菇味濃郁，呢個比較好味。
蒙古奶酪餅39元：以為平平無奇嘅一塊薄餅，原來中間嘅芝士多到不得了，可以拉起長長拉絲，奶味非常濃郁。
西貝兒童餐29元：兒童餐非常可愛，揀咗迷你漢堡包細細件，仲有一碗小米粥，根本迷你炒飯、蔬菜，仲有三粒可愛嘅心型棉花糖。
人流非常之旺，等位都用咗一啲時間。等位期間送上零食茶水，小朋友仲有填色小遊戲， 正好打發時間。餐廳嘅裝修紅紅的，有專屬兒童餐牌、兒童餐具、圍巾等、兒童餐又夠可愛，真係一間非常之親切友善嘅餐廳。
Homu by favilla
荃灣 26/2/2023 13:00
竹虎京堂
九龍灣 Mega Box 2/1/2023 12:00
唐揚炸雞配冷抹茶蕎麥麵 $85
唐揚炸雞比較深色，肉質還可以，抹茶蕎麥麵，夠晒凍，沾上醬汁非常好味。套餐仲包括前菜、沙律、茶碗蒸蛋、甜品係焦糖燉蛋，有驚喜。
汁煮牛舌竹筒飯味噌湯 $84
汁豬牛是比較薄切，味道一般，竹筒飯賣相比較有趣，但其實都係一碗白飯。
宇治抹茶牛底乳白玉 跟餐加$25 抹茶味算幾濃，奶香不錯。
明太子赤雞配魚板串串流水烏冬配茶碗蒸蛋及Qoo $78 送玩具
最令人期待就係呢一個兒童餐，有流水烏冬麵，份量唔算太多，志在過吓癮。餸菜有雞扒同埋魚板，味道正常啦。仲有飲品同埋送埋玩具，呢個價錢都算抵玩。
J.S. Foodies Tokyo
尖沙咀海港城 1/1/2023 12:00
日本過江龍主打班戟嘅日西料理，每次去到都要排隊，今次終於排到啦！
芝士漢堡 $139
分量澎湃，真係一口不能掌握。切開漢堡，芝士能夠拉絲，仲有$1好好嘅漢堡，肉汁豐富，蕃茄同生菜都非常清甜。徐漢堡附上新鮮即炸薯條，脆卜卜。
兒童班戟套餐 $89
造型非常之可愛嘅pancake，畫上哈哈笑。咸點有有肉丸同埋香腸，配上薯條，仲有一杯忌廉湯，同埋蔬菜，非常之均衡。
士多啤梨藍莓香蕉班戟 $129
餐牌介紹話採用日本國產麵粉和雞蛋。的確，賣相好靚，新鮮即製暖笠笠，口感非常鬆軟濕潤，蛋味香濃，帶淡淡牛油味。加上新鮮水果，同埋奶香味重又輕身嘅忌廉，甜中帶酸，不錯平衡。
