WM 美味飯堂
WM Café & Bar ＠馬鞍山
26/12/2022 12:00
29/5/2022 12:00
相當喜歡呢間餐廳，午市套餐非常之抵食。每日精選焗雞扒意粉，白汁帶子意粉忌廉味好濃，材料都非常多。最抵食係西冷扒飯，大大塊牛扒非常腍，配上醬汁好撈飯。小朋友就最鍾意食兒童餐，相當豐富，有小食、意粉、飲品、甜品。
三代目
荃灣 25/12/2022 12:00
愉景新城一定帶住小朋友，小朋友最鍾意食兒童餐，見到呢一間三代目既兒童餐相當吸引，賣相靚，有香口前菜，仲有一碗水拉麵同埋飲品，小朋友最鍾意就係大大架模型車。
大人就揀咗呢款拌麵同埋一款燒肉飯，味道相當不錯。
Italian Tomato
Italian Tomato@馬鞍山
6/11/2022 19:00
丼丼屋食堂
丼丼屋食堂＠馬鞍山
30/10/2022 12:00
10/10/2021 12:00
Quote 官網
名古屋鳥開親子丼
由名古屋的雞肉料理專門店「鳥開」親自監製，選用日本三大名種地雞之一的「名古屋純種地雞」及嚴選新鮮雞蛋炮製的親子丼，以口感厚實富彈性、味道香濃的雞肉，及自家製鰹魚高湯烹製而成的香甜滑嫩半熟蛋汁贏盡人氣。
1/8/2021 12:00
一向都鍾意日本料理，樓下商場就有好多間日本餐廳，個人最鍾意丼丼屋，一家大細都岩食。
而家推出日本受賞名物，已經試過幾款，值得記下。
名物牛筋丼 ＄68
「名物牛筋丼」是大阪著名拉麵店「龍旗信」之人氣丼物。賣相吸引，眼見牛筋都舖面飯面。牛筋煮得相當腍，非常入味，牛味濃郁，而且帶少少香辣味，原來加左秘製甜辣醬汁。一向都鍾意中式牛筋，而家用左日式烹調方法，都一樣咁好味。最後以加左蛋黃醬提味，又多一番風味。
十勝帶廣名物豚丼 特盛＄108
呢款係十勝帶廣豚丼專門店名物，寫明北海道豚使用。特盛有六大塊豚肉，好澎湃。豚肉相當腍，入味已有好香炭燒香味，醬汁濃甜，配上甜甜嘅白飯正好。
8/10/2020 12:30
吉列蝦定食兒童餐＄65
小朋友就最愛點兒童餐，有三款選擇，今次揀左吉列蝦。蝦都炸得好脆，主食可選白飯或烏冬，烏冬係幾甜嘅，配上清湯。仲有少少沙律，甜品小食，仲跟埋蘋果汁，相當豐富，其實一個小小朋友真係食唔晒。
23/12/2018 1:00
大分南蠁雞＄85
滑蛋吉列豬扒丼＄98
慕名而來食兒童餐
鳥山明＠荃灣
21/8/2022 12:00
今日黎愉景新城行街，俾小朋友自己揀午餐食咩。女女一見到麵包超人兒童餐即刻雙眼發晒。餐廳都相當大，在親子商場開餐，BB椅、餐具齊全，一家大細都坐得舒服。
吉列黑豚豬扒定食 ＄89
一客定食內容非常豐富，有沙律，麵豉湯。特別鍾意茶碗蒸，蒸蛋滑滑的，好多材料。炸豬扒都幾脆，炸粉非常薄，中間仲好Juciy，再以一細粒抹茶麻糬作結，非常不錯。
壽司定食 ＄134
再來一份更豐富嘅壽司定食。八件不同款式嘅壽司，件件都好鮮甜。一口大小，好想食多幾粒。跟套仲有一碗牛肉湯烏冬。牛肉相當腍滑，烏冬煙煙韌韌，食完飽晒。
兒童餐A ＄85
萬眾期待嘅麵包超人餐，同圖片100％ Match。食物非常豐富，炸蝦脆卜卜，厚燒玉子甜甜的、三件小蟹柳卷、一大碗粟米，仲有湯烏冬。蝦籽多到滿溢嘅蝦籽飯，加埋橙汁同啫喱糖。各式各樣，應有盡有。小朋友明顯開胃過平時。
埋單三百多蚊，好味，又食得飽飽，又開心。
Flames
Flames＠黃埔
14/8/2022 12:00
10/7/2022 12:00
今日想去黃埔玩，經Openrice搵到呢間餐廳勁多好評，訂位仲有七五折優惠。點知黎到仲有一個更優惠嘅優惠，原來假日叫一份Holiday Brunch就送一份兒童餐。最後買二送二勁抵。
黑松露卡邦尼扁意粉 ＄108
可以話係食過最好食嘅Carbonara，無懸念。意粉硬度剛好，忌廉味勁重，好香黑松露味，煙肉、雜菌、洋蔥嘅配搭，整體真係好好味。
葡式燒雞扒漢堡配薯條 ＄128
非常澎湃嘅一份漢堡，雞扒大到突番出黎，好吸引。漢堡仲有番茄、生菜等配料。將佢解體，雞扒有辣味，有肉汁，可惜麵包略為乾身。薯條都係非常多，新鮮炸起，脆到不得了。
迷你炸魚薯條配他他醬
迷你？真係迷你？一大碟你話係正常Size我都信。兩大件魚柳炸得香脆，粉漿唔厚，配上偏酸嘅他他醬，好味。
番茄肉醬扁意粉
呢份就合理Size嘅迷你意粉，但味道相當不錯。番茄味濃，肉醬亦相當多。
兒童餐一份原價＄68，一個迷你主菜加一個雪糕。細細碗兩個小雲呢拿雪糕球，口感較為黏身，唔似一般平價雪糕，有驚喜。
食物賣相，味道都係非常好，單叫一份Brunch一百零蚊，跟飲品已算非常合理。而家仲送多兩份兒童餐，就真係抵到離晒譜。一定會Encore！