by admin | 8 月 10, 2015 | 甜品, 金鐘
The Petit Café@金鐘
10/8/2015 19:00
今晚去Marriot飲同事果餐，趁未咁早開飯，食個甜品打打底先。
就係太古廣場4樓平台一間Cafe，有梳化坐可以hea番陣。
Mixed Nut Tart $24
餅底幾脆都好厚，係曲奇底加蛋糕咁，牛油味幾香，上面勁多果仁，焗過嘅，加左蜜糖，幾香甜。食完好飽。
Blueberry Tart $26
餅底係一樣，換左藍梅，酸酸甜甜都唔錯。
by admin | 8 月 6, 2015 | 甜品
東海堂
同事請八月之星生日蛋糕，東海堂抹茶の旬，即係抹茶紅豆慕絲蛋糕。
抹茶慕絲幾清甜，抹茶味淡淡地，反而頂層抹茶粉就幾夠味。上面仲有好多白朱古力。蛋糕中間係紅豆慕絲，好似紅豆糕，唔太甜，不錯。
by admin | 7 月 19, 2015 | 廣州, 旅遊, 甜品, 西餐
Ideal Chef@廣州
19/7/2015 13:30
就係花城匯開左好多新餐廳，今次就黎試呢間。裝修好有英倫風格，好輕鬆悠閒，真係可以hea半日。
周打忌廉海鮮湯 (RMB 29)
好多人都推介呢味。係用農夫包做碗，裝上忌廉湯，上面仲有一隻大蝦同青口。忌廉湯都好香好濃，沾一啲麵包都唔錯。
至尊雞肉披薩 (RMB 59)
新鮮即焗，餅底焗得脆，餡料亦好多，醬汁同芝士俾得夠多。雞肉夠入味，配芝士好味。
主菜加RMB 19配汽水同炸薯角，原來薯角先係重點，真係好好味。新鮮熱辣唔在講，仲要炸得脆，薯肉夠軟身，調味亦足夠，好惹味。
黑松露珍菌意大利飯 (RMB 59)
味道都夠濃，菇類都夠多。
芒果丹麥酥 (RMB 12)
賣相好靚，丹麥酥都幾香，中間有吉士醬同芒果肉。
車厘子朱古力批 (RMB 29)
朱古力唔夠濃味，一般啦。
by admin | 4 月 26, 2015 | 旺角, 甜品
Godiva@旺角
26/4/2015 18:00
$45一個雪糕，以名牌黎講，價錢正常。
可惜質素一般，朱古力味夠濃，但一如以往係偏甜。雪糕質地滑，近乎溶，唔夠實在。
by admin | 1 月 18, 2015 | 廣州, 旅遊, 甜品, 飲品
Bon Bons Hello Kitty Cafe
3/8/2014
18/1/2015
廣州cafe第二回。喺花城匯誤打誤撞搵到呢間正野，呢間真係好大，裝修好靚。呢左黎度唔洗咁辛苦排大坑果間lu。
裝修真係好靚，座位上仲有Kitty陪你食野。驚喜嘅係，呢間Cafe相當乾淨企理，公仔都保養得好好。
採取自助服務，門口先揀野食再出票，去櫃台俾錢就等食。野食準備好後，有個Call機叫你去櫃面拎野食。
蛋糕櫃有好多款蛋糕，款款都好靚好吸引。
各款咖啡大約RMB 40，我飲Latte味道OK嘅，可惜因為星期日店方唔提供Hello Kitty拉花，只係隨便畫幾筆。
草莓綠茶蛋糕 (RMB 58) 都幾大件，底同面係綠茶蛋糕，中間有忌廉、吉士忌廉醬同士多啤梨。
雪吻慕思 (RMB 38) 朱古力慕思，賣相超靚，朱古力勁濃，質地都幾滑，唔算太甜又唔膩，正!
呢間野價錢唔平，但以主題餐廳黎講就OK嘅，影相非常唔錯，野食又靚，而且係算好味，有得影有得食，都坐得好舒服，個人黎講就覺得幾值得黎。
by admin | 1 月 6, 2015 | 甜品, 馬鞍山
