by admin | 4 月 21, 2024 | 外賣, 深圳, 甜品, 飲品
深圳萬象天地 21/4/2024 11:00
Encore 手打米麻糬牛乳茶 29元
近來最愛米麻糬，今次試凍飲，淡淡的米香，微甜，仲有好多小芋圓，茶底選擇海鹽烏龍奶茶，烏龍茶香。
茉莉生椰 19元
啖啖茉莉花香味，奶香味濃，好幼滑，非常解渴。
深圳KKOne 28/1/2024 13:00
上次飲過咪麻糬之後一直念念不忘，今日見到商場都有阿嬤手作即刻買杯，好彩只需等10分鐘。
手打米麻糬茉莉牛乳茶
熱飲米麻糬更加軟腍，淡淡的米香，微甜，今次配茉莉牛乳茶相當配合，奶味香。
另一半叫咗海鹽烏龍奶茶，烏龍茶底奶味香濃，加上淡淡的鹹味。
深圳歡樂港灣 27/12/2023 13:00
手打米麻糬海鹽烏龍奶茶 29元
奶茶底奶味重，夠晒熱辣辣，米麻糬口感煙韌，加熱之後用咗喺奶茶之中，好綿密，仲加咗粒粒芋圓，口感非常豐富。
茉莉生椰奶茶 19元
啖啖茉莉花香味，奶香味濃，椰子味反而唔明顯。
深圳萬象天地 3/9/2023 13:30
煮 荔浦芋圓 24元
的確，手作芋圓相當煙靭，芋頭味香，幾好味嘅，有少少芋泥有口感。茉莉綠茶水牛乳奶味香濃，茶香微甜，整體配搭不錯，亦非常飽肚。
黑糖珍珠雪糕 16元
黑糖珍珠煙韌，雪糕奶香味龍，手打雪糕口感比較綿密，味道不錯。
整體嚟講味道不錯，但係等候時間差唔多一個鐘，就真係唔太值，試一次就算。
by admin | 4 月 14, 2024 | 外賣, 深圳, 飲品
深圳壹方天地 14/4/2024 11:30
店內好似未準備好做生意，等等等。
黑麻麻生椰乳 24元：新鮮椰水加黑芝麻醬
梔子生椰輕乳茶 ：有椰子味嘅淡奶茶
其實就係椰子水加唔同嘅口味
特別嘅飲品，但係咁樣嘅服務經營手法，未必會試第二次。
by admin | 3 月 31, 2024 | 2024 復活節六人行台北之旅, 台北, 台式, 小食, 飲品
興安四海豆漿 31/3/2024 08:30
今日早餐想再飲豆漿，行遠少少試另一間傳統豆品店。離遠都見到排緊隊買食物。小店用餐空間都大，有張長檯適合我地，旁邊仲可以放BB車。
豆漿 NT$25﹕豆味香濃，都幾幼滑，但感覺上不及上次間洪記。
米漿 NT$25﹕第一次試深啡色米漿，味道勁濃，有點烘烤味道，唔太岩個人口味。
蒸餃 NT$8X6﹕餃子飽滿大大著，菜肉餡都幾多，味道不錯。
招牌酥皮蛋餅 NT$35﹕係傳統蛋餅再加上酥皮煎，多一分香脆油香。
肉鬆蛋餅 NT$35﹕蛋餅味道幾好，肉鬆都俾得足夠。
小籠湯包 NT$90﹕賣相相當不錯，皮唔算太薄，勝在有味肉有肉汁。
韭菜盒 NT$45﹕大大隻，外皮香脆，韭菜夠多。
咸蛋飯團 NT$45﹕大大個飯團，咸蛋油炸鬼肉鬆等相當足料。
品質味道尚算不錯，個人更喜歡洪記。
by admin | 3 月 30, 2024 | 2024 復活節六人行台北之旅, BB Friendly, 台北, 港式, 飲品, 點心
點點心台北微風廣場 30/3/2024 10:00
微風廣場有幾邊電梯上落，等十點正開門，遇岩前面嘅電梯係最早開，最快上到上層，好快就搵到早餐無目點點心。
小心港式風情，點心選擇都幾多，熱辣辣，新鮮即製，賣相都可以。
蟹子燒賣皇 NT$138﹕蝦夠彈牙幾新鮮，豬肉同蝦比較不錯。
晶螢鮮蝦餃 NT$148﹕彈牙新鮮，調味幾好。
脆皮鮮蝦腸 NT$148﹕好似腸粉皮包住春卷，雜菜春卷脆卜卜。
黑椒刺蝟叉燒包 NT$118﹕可愛造型，原來中間係叉燒包，內餡非常熱，叉燒都幾多，調味甜中帶微辣，好惹味。
海苔酪梨咸小角 NT$128﹕賣相精美可愛，中間係咸小角，炸皮脆脆地煙煙韌韌，同平時食開嘅味道差不多。
豬仔流沙包 NT$138﹕最出名嘅可愛流鼻水豬仔，餐單仲教你點樣整出鼻水。包皮幾鬆軟香甜，中間的確好流心，奶黃勁熱，味道幾香蛋黃味。
多士脆鮮奶 NT$128﹕多士包住鮮奶拎去炸，外皮炸得好熱氣，鮮奶幾甜。
奶油焗白菜 NT$138﹕奶油味好香，奶味濃郁，菜煮得好腍，用上西式食法又加左勁多芝士，估唔到咁好味。
埋單連加一NT$1,192，飲茶黎講唔算特別平，味道算不錯，算特色。
泉發蜂蜜 30/3/2024 11:00
飲完茶買杯飲品拎上高鐵飲，大大杯蜂蜜檸檬綠茶只係NT$70，非常抵飲。檸檬底非常夠味，夠新鮮，夠酸，蜂蜜都好濃甜，配合得宜。
by admin | 3 月 29, 2024 | 2024 復活節六人行台北之旅, 台北, 台式, 小食, 旅遊, 飲品
洪記豆漿 29/3/2024 8:30
酒店附近就有一間豆漿店，仲24小時營業。小店細細都有少少座位，當日視察環境可有位足夠我地入座。自助形式點餐取餐流水作業，非常地道午庭風味。
豆漿 NT$30﹕豆味香濃，好幼滑無渣，叫左半糖微甜相當不錯。熱豆漿夠熱、凍豆漿夠凍。
咸豆漿 NT$40﹕與醋產生化學作用豆漿變得杰杰的，仲有一舊舊，類似豆腐咁。豆漿咸鮮味，加左輕微醋酸味，配料有蝦米，醬菜等，當飲湯品都幾有趣。
小籠湯包 NT$90﹕小店都有小籠包仲要品質相當不錯，皮薄適中，中間肉餡香甜充分肉汁，沾上醋味道不錯。
肉鬆蛋餅香 NT$45﹕餅皮煙煙韌韌，加上蛋多一份蛋香，包住好多肉鬆，甜甜地不錯。
燒餅加蔥蛋 NT$40﹕燒餅非常脆比較硬實，蔥蛋味道惹味。
全單埋單唔洗 NT$400，即港幣$100唔洗已經夠六人食到飽飽，食物出品不錯，豆漿尤其出色。黎到台灣一定要試下呢啲地道小店，快靚正。
by admin | 3 月 28, 2024 | 2024 復活節六人行台北之旅, 台北, 外賣, 小食, 旅遊, 飲品
28/3/2024 19:30
係貓空逗留至晚飯後離開大約晚上7點半，天已經黑齊，坐纜車落山，沿途都係漆一片，只見山下市內燈光閃閃，呢個夜景都幾吸引。落番動物園站車站裝置都亮燈。是日由黃昏上山，到夜晚落山，景色全收，的確值得來一次。
28/3/2024 21:00
回程番南京復興差不多九點，先去一間主題7-11打卡順便補給，買定麵包做早餐。
艋舺雞排台北寧夏店@Uber Eat 28/3/2024 22:00
知道艋舺雞排非常出名，今次宵夜就咁決定。
大吉大利獨享餐 NT$228
天王雞排非常香脆，炸皮脆卜卜甜甜的，但一啲都唔油膩。雞肉好腍身，肉味甜甜，仲有油汁，相當唔錯。
副餐選左甜不辣，即類似炸魚肉的，炸皮好薄，煙煙韌韌，調味濃郁，好惹味。
飲品選擇蜜桃金萱冷泡茶，有蜜桃甜味，茶味香濃。
