by admin | 9 月 22, 2024 | Blog, 拉麵, 日式料理, 深圳
東門 22/9/2024 17:30
中咗點評兩個免費拉麵套餐。喺地鐵站行過嚟都要10分鐘，仲冒着雨。嚟到呢一個非常之舊式又荒蕪嘅大廈，就有一間神神秘秘嘅拉麵店。小店只有11個位，全部坐吧枱。落咗單之後睇住師傅即場製作，幾分鐘就有得食。
黑松露醬油拉麵 （原39元）：賣相非常吸引，份量唔少，薄薄嘅叉燒片鋪滿成個碗邊，仲有三大片脆卜卜嘅紫菜。先試一啖湯底，非常之清爽雞湯，主要調味係一啖黑松露醬，感覺比較薄弱。拉麵質地不錯，口感爽口彈牙。驚喜係糖心蛋，原來有比卡超圖案。叉燒看起來非常之粉嫩，浸一浸熱湯，入口非常之軟滑，食得出豬肉本身嘅甜味。
娘娘麵 39元 （原39元）：娘娘麵非常之色彩繽紛，完全係新派製作，非常獨特。上面鋪咗五色材料，酸酸甜甜嘅小蕃茄，煮得入味嘅肉燥，滋味芝士粉，仲有大量嘅青蔥同菜圃。面底係一片片，好似西式千層麵咁，口感非常煙靭。將所有材料撈勻，入口味道香濃，蒜味十足，帶微辣，真係非常之特別。
可爾必思：味道偏甜，飲落似益力多乳酸飲品，冰冰的，小朋友最鍾意。
點評打卡送味付海草，成份套餐非常抵食。價錢平到離晒譜，出品合乎性價比，但係要行咁遠先嚟到，應該唔會有下一次。
by admin | 9 月 22, 2024 | 深圳, 甜品, 西餐, 麵食
深圳萬象天地 22/9/2024 11:00
培根旋風蛋牛肉堡 75元
賣相非常吸引，中間切開斷面非常吸引。原來蛋皮之下西埋咗大大件牛肉漢堡。漢堡非常厚身，肉汁流晒出嚟，口感好鬆軟，牛味香濃。中間仲夾咗蕃茄青瓜生菜等，仲有酸酸甜甜蛋黃醬，非常清爽。
松露芝士培根意麵 75元
松露味非常香濃，芝士味亦相當濃郁，奶香味十足，仲有好多培根同埋蘑菇，非常好食嘅意粉。
野莓脆脆荷蘭鬆餅 72元
賣相超級靚，荷蘭鬆餅係蛋香味濃，比較濕潤軟身嘅鬆餅。上邊鋪滿酸酸甜甜嘅野莓，仲有粉紅色嘅醬汁。野莓略酸少少，不過仲有一球奶香味濃郁嘅雲呢拿雪糕球中和晒所有酸味，平衡度不錯。
by admin | 9 月 20, 2024 | 外賣, 甜品
20/9/2024 18:00
買滿雪糕$60，免費送一盒。
by admin | 9 月 18, 2024 | BB Friendly, 兒童餐, 小食, 尖沙咀, 沙田, 甜品, 荃灣, 西餐, 麵包
18/9/2024 11:00
絕對係一間被傢俬耽誤嘅餐廳。
焗白咖喱海鮮麵包盅 $59: 賣相吸引，麵包中大大個，打開個蓋已經聞到白咖喱香味。麵包焗得脆脆，麵包吸滿白咖喱汁，微辣，香味濃郁，非常對板。麵包唔算太厚，所以入邊嘅內容非常之豐富，除咗有大大片嘅魚柳之外，仲有兩隻大蝦仁，驚喜發現仲有一粒帶子。味道相當不錯，絕對抵食。
兒童餐 $19: 平到咁嘅兒童餐都唔知邊度搵。
小食拼盤 $49: 最愛當然係蜜糖味滿滿嘅香腸。
紅酒慢煮牛面頰肉扁意粉 $49: 牛面頰肉非常腍，煮得入味，相當不錯。
另外宜家傢俬小食部今期係芒果椰子味雪糕新地。味道幾濃厚，食得出係呂宋芒加椰子味，非常有熱帶風情。
沙田 25/12/2023 12:00
5/3/2023 15:00
自選乳酪、芋泥系列
26/6/2023 15:00
奶茶雪糕、鯊魚乳酪
16/10/2022 15:00
宇治金時
4/9/2022 12:00
19/12/2021 12:00
by admin | 9 月 17, 2024 | 外賣, 快餐, 甜品, 馬鞍山
大家樂 17/9/2024
流心抹茶奶黃月餅
包裝咁靚點可以唔買，六件月餅配上靚靚月餅盒，仲有個環保袋，值得收藏。
by admin | 9 月 15, 2024 | 小食, 韓國菜, 馬鞍山, 麵食
馬鞍山 15/9/2024 18:00
雞扒粟米石頭鍋珍珠飯 $68
熱辣辣，雞扒相當大塊，頭鍋珍珠飯材料都好豐富，除咗有大量嘅粟米，仲有好多紫菜，芽菜泡菜等等。另外可以按個人喜好加上甜醬油或者辣醬油。
韓式牛肉炒粉絲 $67
材料非常豐富，牛肉大大片，仲有好多蔬菜同埋冬菇，炒得幾香。
魔鬼芝士焗香腸 $38
非常邪惡嘅一個小食，香腸脆皮肉汁豐富，芝士非常濃郁。
