美團外賣@福田岗厦店 20/8/2023 20:00
第一次試美團，外賣港人推薦最適合帶返香港嘅宵夜。外賣的上手信都有份量，打開包裝實在十分驚喜。先有唔同用途嘅手套、餐具俾得相當充足。
招牌窰雞 69.9元
外加保溫袋非常有用，仲有幾層錫紙包住，打開錫紙熱氣就攻上黎，用荷葉包住既雞，估唔到隻雞仲熱辣辣。依照食用說明手進行手撕雞。雞肉好嫰滑有肉汁，但總有一少部分略為霉，始終焗得比較耐。但雞肉相當入味，咸香得來帶一陣清香。錫紙底仲裝住滿滿嘅醬汁，最適合撈飯。
外婆菜拌飯 9.9元
有一啲粟米，菇類組成嘅有味飯，味道幾香濃，但係略為乾身。
保溫袋 2.8元 + 打包費5元 + 配送費 4.5元
深圳皇庭廣場 14/5/2023
喺香港甚少見到，中國非常之可愛嘅一款小食甜品。一個係好多分店嘅連鎖品牌，仲喺皇廷廣場仲有一間，雪櫃色彩鮮艷嘅冰糖葫蘆，估唔到冰糖葫蘆都可以有咁多味道。
最大路嘅士多啤梨，大大吋，每一粒士多啤梨酸酸甜甜，果汁豐富，再加上脆卜卜嘅冰糖，味道相當唔錯。
皇庭廣場 1/4/2023
沾喜小串套餐 17.8
草莓、聖女果、紅提、紅米、白糯米。
山楂配紅米白糯米，本身酸酸地，加上甜味。
水果款式嘅最鍾意係草莓，味道偏甜。估唔到連紅提都上都好食，一咬落去爆曬汁，清清甜甜。聖女果更加多汁。
深圳皇庭廣場 1/4/2023
Italian Tomato@馬鞍山
17/8/2022 16:00
平時行過Italian Tomato，見到蛋糕都好吸引，不過價錢略貴，唔係太捨得食。剛見到近排做夏之感謝祭優惠，＄188可以揀五件＄45或以下嘅蛋糕， 又幾抵喎。
五件蛋糕一齊放，靚靚。
揀左兩件期間限定嘅茉香桃脆，蛋糕底係朱古力味仲有朱古力忌廉，帶少少焦糖脆脆，上面有白桃乳酪慕斯，仲有兩片白桃，非常之清甜。
藍莓芝士撻外型好吸引，撻底幾結實，加埋吉士忌廉、藍莓忌廉，仲有好多粒大大粒嘅蓋莓，粒粒都好甜。
皇牌士多啤梨糕外型好靚，忌廉打得好奶滑，蛋糕清甜，可惜士多啤梨略酸，一般啦。
最後係芒果慕絲蛋糕，慕絲中間仲加左芒果醬，酸酸甜甜不錯。
第一次試呢四款蛋糕，三十幾蚊一件係幾抵嘅，不過想食嘅款式都揀晒，試一次就算了。
韓台站＠馬鞍山
16/7/2022 13:00
15/5/2021 13:00
有時想食韓國野，就鍾意叫韓台站嘅外賣。
韓式拌粉絲
有好多粉絲同埋蔬菜，就無乜其他配料，勝在炒得幾香，麻油味十足。
叫左兩款紫菜飯卷，一款係午餐肉，一款係芝士。
紫菜都仲脆脆地，包住醃蘿蔔、魚片、午餐肉等材料，其實兩類相差唔太大。有芝士味道係特出一點。
牛肉什錦拌飯
牛肉都唔少，仲有一隻太陽蛋，最好就係拌上韓式辣椒醬，辣辣地幾好味。
蜜糖芥末炸雞塊
份量都唔少，大大舊，就普普通通嘅一件用炸粉包住嘅雞肉。個醬都ok嘅。
外賣份量都相當多。價錢平，係好抵食。馬鞍山少韓國野食，止痕之選。
－－－－－－－－－－－－－－－－－－－－－－
3/1/2021 13:00
韓式辣年糕，好夠辣。
海鮮煎餅，粉多，無乜特別。
Sweets House Cha Cha @尖沙咀
10/4/2022 12:30
今日嚟到尖沙咀喺美食廣場食完個午餐之後，就喺出邊買雪糕做甜品。見到今日有期間限定雪糕，實在太靚啦，係我哋最掛住嘅日本櫻花。
櫻花盛放 $52
揀左綠茶牛奶兩溝雪糕底，上面加左士多啤梨、花沾餅、類似果蓉忌廉，仲淋上士多啤梨汁。實物同相片100% match！！
雪糕幼滑，配上士多啤梨酸酸甜甜，仲食到有櫻花香味，呢個配搭好好味。不過，如果揀原味牛奶的話，相信士多啤梨同埋花香味會更加突出。可惜期間限定，可能下次唔見了。