by admin | 11 月 25, 2018 | 尖沙咀, 自助餐放題, 酒店
喜來登酒店 The Cafe＠尖沙咀
25/11/2018 15:00
再來一次下午茶自助餐，補充非常吸睛的甜品部
15/7/2017 15:00
四位小朋友第一次聚餐，一於來個下午茶自助餐。想食乜就食乜，又坐得舒服。
第一輪梗係食冷盤，刺身4至5款，幾鮮甜，另附自助日式冷麵。
熱盤選擇都幾多，羊架推薦，幾香口鮮味。仲有其他小食類，煎炸、點心、酥餅等，樣樣都好精緻。
迷你漢堡係幾得意嘅，岩晒小朋友食。
仲有一個粉麵檔即煮湯粉同即炒意粉。
甜品bar蛋糕款式多，味道唔錯。食過咁多款，朱古力蛋糕、芝士蛋糕不錯。
仲有即製新鮮熱辣辣窩夫，加個雪糕就最正啦。
幾款馬卡龍。
M字頭雪糕 5至6款任選，一定要狂食啦。
朋友有VIP卡，優惠價$250，呢個質素係非常抵食。
by admin | 10 月 22, 2017 | 旺角, 西餐, 酒店
Lion Rock@旺角帝京酒店
22/10/2017 18:30
參加左帝京嘅周年活動，贏左二獎，得到一餐免費晚餐，真係開心到不得了。
先黎一個麵包籃，暖暖地，味道不錯。岩晒食唔到正餐嘅小BB。
龍蝦濃湯伴香草多士，湯真係非常之好飲，龍蝦味濃，好忌廉咪。多士烤得酥脆，香草味非常足夠。
自選沙律揀左香煎黑椒吞拿魚伴尼哥斯沙律。一向唔太鍾意食草嘅覺得都係咁樣。
主菜揀左香煎特選西冷扒件野菌忌廉燒汁跟脆辣薯角。賣相非常吸引，西冷扒煎到五成熟剛剛好，中間仲有肉汁，味道唔錯。而配業薯角更加好食，香口，微辣，好醒胃。
烤胡椒芥末羊架件香草燒汁跟炸薯。羊架膻味幾重，中間仲有肉汁，夠腍身，唔錯。
法式雲呢拿燉蛋夠幼滑，蛋味同雲呢拿味重。上面焦糖烤得好脆，非常正。
呢個免費晚餐正常3 Course $398。而家得獎獎品完全係無hea你，俾足一百分心機，真係一個非常不錯嘅體驗。呢個價錢，大時大節都可以豪下。值得。
by admin | 8 月 11, 2017 | 尖沙咀, 自助餐放題, 酒店
Park Café Park Hotel Hong Kong@尖沙咀
11/8/2017 15:00
一路都無為意呢間酒店，原來7月尾餐廳新裝修，推出左「仲夏綠茶派對」下午茶自助餐，好吸引，Facebook仲有八折優惠，就趁生日去試試。
餐廳新裝修好光猛時尚，一入門口就見到甜品吧，實在好吸睛。
刺身有四款，算新鮮。綠味冷麵不錯，日式蟹膏多士好味，但兩樣都係極限量，從來無refill。
綠茶炸芝士雞扒幾脆，中間有流心芝士，再加綠茶蛋黃醬味道不錯。
綠茶海鮮芝士酥盒外皮幾酥脆，中間有忌廉醬
港式車仔麵
綠茶朱古力心太軟即焗，非常新鮮熱辣，外皮微脆，切開中間超級流心，朱古力帶綠茶味，好濃郁，必食之選。
甜品選擇好多，款款都好吸引，而且仲超級綠茶。
綠茶忌廉蛋糕、綠茶泡芙、芒果綠茶蛋糕、
綠茶朱古力意大利芝士蛋糕，咖啡味好重，不錯
綠茶歌劇院蛋糕，朱古力味同綠茶味幾夾
亦有其他蛋糕選擇
焗乳酪芝士蛋糕，芝士味好濃，不錯
朱古力布朗尼、迷你果撻、合桃朱古力撻
綠茶意大利芝士杯
紅桑子雲尼拿慕絲杯，酸酸甜甜不錯
紅豆綠茶奶凍，非常綠茶，好滑
奶茶奶凍奶茶味好濃，不錯
臨完場先出場嘅，綠茶雪花冰，幾夠茶味。
貫徹綠茶主題，雪糕只提供綠茶口味一大款。
本餐原價$198，優惠八折再加一，約$180，價錢唔算平。熱盤選擇唔多，反而甜品就多到食唔晒，綠茶產品夠多，夠特別，味道又不錯。以下午茶黎講，不錯吃!
by admin | 5 月 21, 2017 | 新蒲崗, 自助餐放題, 酒店
潮食街@新蒲崗九龍貝爾特酒店
21/5/2017 18:30
實在餓得太耐，近排經常心癮想食自助餐，難得今次搵到團購試新場。位於新蒲崗，由鑽石山出發要行成15分鐘嘅工廠區，就算揸車都未必有位泊。幸得駐守大堂車路嘅貝爾特哥哥，見我地一家大細，特別安排一個泊車位。
一入酒店，已經感覺到格調與聚不同，係一間無錢交電費，裝修幾特別有香港風味嘅小型精品酒店。
餐廳外，仲放左桌球枱，另外仲有足球機等，裝修格局相當適合優皮族。估唔到餐廳都幾闊落，牆紙裝修都幾特別，場內分左唔同檔口，似大排檔特色，幾特別。酒店特別安排我地坐喺近甜品枱嘅長梳化，私隱度高，有BB都唔怕碰撞。
季節限定 日韓龍情自助餐
即開法國生蠔，每人每次限四隻，必食之選。另外仲有各式凍海鮮。
冰鎮海鮮無限量供應：雪場蟹腳、麵包蟹、紐西蘭青口、翡翠螺等。
韓式起司鍋、
燒羊架、燒澳洲 M5 和牛
熟食檔有港式燒味、鹵水小食、BBQ燒烤、日韓熱盆、中式點心、即煮粥粉麵、即炒意粉、糖水豆腐花等
卷物及刺身﹕三文魚、吞拿魚、大八爪魚、甜蝦等。
沙律吧、芝士、凍肉等
即製窩夫、水果
蛋糕、奶凍、曲奇、糖果
3款Haagen Dazs
新鮮即開，每人每次限四隻，必食之選。第一次食生蠔，滑嘟嘟，咸咸地，又唔腥，都OK!
刺身選擇都多，都幾鮮甜。
原盅燉佛跳牆，一棟大蒸籠蒸住，每盅都非常熱辣，材料有鮑魚、江瑤柱、豬骨，幾豐富，湯清甜。
燒澳洲 M5 和牛同一般燒牛肉差唔多，又無乜特別。燒羊架真係非常好食，熟成度剛好，肉質仲好腍，好有羊味。即叫即煮和牛茶漬飯，和牛粒幾腍，加茶湯幾香甜唔錯。
半邊波士頓龍蝦北海燒就一般，肉質一般，反而個汁幾好味，微酸他他醬，芝士忌廉味重。
日式蒸蛋幾滑。日式咖喱和牛面頰幾入味。醬燒豬仔骨不錯。港式燒味，有叉燒、燒腩仔係新鮮熱辣。龍蝦香草忌廉汁意粉味道唔錯，可惜龍蝦唔多。芝士忌廉焗雙蔬伴菜之選。韓式芝士年糕香辣惹味。韓式炸雞細細粒易入口，仲非常Juicy。
豆腐花幾滑，薑汁糖水非常夠味，不錯。宇治金時布甸，有抹茶奶凍加紅豆，正常。柚子蘆薈啫喱幾清新。3.6牛奶布甸奶味幾香濃。和菓子即係朱古力麻糬，非常煙韌朱古力多到爆醬。芝士蛋糕夠濃味，餅底都不錯。仲有黑森林、士多啤梨拿破崙、黑芝麻芝士蛋糕等。
即製窩夫可以自加醬料，新鮮熱辣外脆內軟，加上花生醬、朱古力醬、煉奶，花生粒自製格仔餅非常好味。
除左地點唔就腳外，環境座位都非常舒適，餐廳夠大，食物選擇都算好多，味遁正常中上。原價$498另加一，團購價折實$398，$400有收嘅價錢食到呢個質素，算非常抵食。
by admin | 3 月 19, 2017 | 沙田, 甜品, 自助餐放題, 酒店
2+2 Café @沙田帝都酒店
19/3/2017 15:00
「芝」味多重奏下午茶自助餐下午茶原價$258，開飯網搵到$300二人同行優惠，計埋加一，每人只需$170唔洗，真係抵到爛。食物選擇算多，野食不過不失，都有突出之作。總之一個字抵。
7/2/2014 15:30
燕窩芒果主題下午茶自助餐 ($148)
刺身、燕窩三文魚鮮果沙律、燕窩海鮮粥、芒果蝦天婦羅、芒果蟹肉批、燕窩薄餅
燕窩蛋白蛋撻、芒果撻、焗芒果燕窩梳乎厘
by admin | 1 月 31, 2017 | 旺角, 自助餐放題, 酒店
帝京酒店 花月庭@旺角
31/1/2017 15:30
甜蜜草莓物語．下午茶自助餐花月庭主廚為您細心挑選鮮紅飽滿的優質草苺，製成一系列清新醒胃的精緻甜點，同時更無限量供應多款環球美食，讓您於悠悠的週末午後盡嘗甜蜜滋味！
假日原價$258，恆生信用卡有75折，埋單$220
食物選擇都算多，賣相都唔錯。每樣少試一件，味道算唔錯。
惟時間得兩個鐘，食得幾趕。仲要好多人，部份食物Re-fill速度唔夠快，好快賣晒。
番本之選：Movenpick
26/5/2013 20:30
自助晚餐
